Juan 2:11 - Biblia Dc en Mixe de Quetzaltepec

¹¹ Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Biblia Mixe de Quetzaltepec

¹¹ Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Juan 2:11 Iomraidhean Croise

1 Reyes 17:24

Ets ja to'oxytyëjk y'ëtsoowë: Tyamës ënät yajxon nijawë ko mijts Wintsën mja'ay'ajtëp ets ja mëti'ipë mnikäjpxypën aakjä'ä mëti'ipë mëtëyën.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Salmos 96:3

Nimëtya'aktë wi'ix yë mëj'ajt oyajtën ets xoontakën tmëëtëty maajaty yë naax kajpnën mëjpë mutskpë.

Éxodo 14:31

Ko ja Israel ja'ayëty t'ijxtë ja Dios ja myëj'ajtën mëti'ipë tyuunën ma ja Egiptë ja'ayëtyën, ënät ja Dios tmëjja'awëtyë ets tmooytyë ja näywyinkutsë'kën, tä ojts jam tu'ukyë timpyëjkta'aktë ja wyinma'anyëty ma yë'ëjën ets näjyëtu'un ma ja tyuunpën Moisés.

Éxodo 4:9

E pën kajtsën ninu'un mtimmyëpëjkëtëpën ets ka'ap mtunëtë këwentë, oy jëtu'un ya'atë ja mëj'ajtën xyjyayaj'ixyë, ja mëtu'ukpë ets ja mëmäjtskpë, tyaa xytyunëty, nëë wäänë mjääpëp jap nëë'ëkë'p ets xynyaxkutämëty e ko ja nëë tyäämkëta'akëty naaxkëjxy, ne'pny y'awinpitëty.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Isaías 40:5

Jëtu'un ja Wintsën tyaj'ixa'anyë ja myëj'ajt y'oyajtën, ets tu'kë'ëyë ja'ay t'ijxta'aja'antë. Wintsën kë'ëm të tnikäjpxy.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Juan 1:43

Komjëpom ënety ja Jesús nyëjkxa'any jam Galilea ko tpaty ja Felipe ets t'ënëmaay: Pamiinkës.

Juan 1:50

Ets ja Jesús y'ëtsoowë: ¿Paaty mijts të xynyamëpëkyës ko të n'ënëëmë ko të n'ixy jam ma higo pa'tkë'p? Mjaaktimy'ixëp ënät tii wäänë mëj këjää këtiinëm ya'atë.

Juan 10:41

May ja ja'ay ojts nyinëjkxyë ets y'ëna'antë: Oy ja Juan Yajnëëpäjtpë ojts tkatuny ja mëj'ajtën, tu'kë'ëyë mëti'ipë nyikajpxën mëët ya'atë ye'etyëjk tëë y'atëëwta'ay.

Juan 11:15

Jotkujkës näjyawëty ko ka'apës jam të nyajpaaty, ets näjyëtu'un miits xytyuk'oy'ata'antë ets xymyëpëktëty. Ja'amtë n'ëk'ijxëmë.

Juan 11:47

Ënet ja fariseë ja'ayëty ets ja teety wintsëntëjk tyajnämyujkëtë ja tsajptëkotyëtë yajjuntë'ajtpë ets y'ënantë: ¿Tii ënät ntu'unmëp? May ya'atë ye'etyëjk tuun'ëtë'ëtsy ja mëj'ajtën.

Juan 12:18

Paaty ja ja'ay ojts tjëjpye'eyë'ëktë ja Jesús ko ënety të tmëtoy'atë ja mëj'ajtën të tuny mëët ja Lázaro.

Juan 12:37

Oy ja Jesús ënety may të tjatuny ja mëj'ajtën mayjyä'äyjoty, ka'ap ojts tmëpëktë.

Juan 12:41

Paaty ja Jeséas jëtu'un y'ënäny jä'ä ko tëë ënety t'ixy ja Jesús ja myëj'ajt jyääntyajtën, ets yë'ë nyikajpx nyimëtyak.

Juan 14:13

Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Dios U'unk yaj'ixëty ja Dios Teety ja myëj'ajt jyääntyajtën.

Juan 16:27

jä'ä ko ja nTeetyës kë'ëm miits mtsojkëtëp. Mtsojkëtëp jä'äkyëjxm koos miits tsyoktë ets jä'ä ko tëë xymyëpëktë koos jam ntsoony ma Tiosën.

Juan 16:30

Tyamës nijawëtë ko mijts tu'kë'ëyë winë xynyija'awëtyä'äy ets ko ka'ap xyajmëyäty pën tii myajtëwëtëty. Yë'ëkyëjxmës tyam nmëpëktë ko mijts mtsoony jam ma Tiosën.

Juan 2:1

Kom tëkëëk xëëw y'ijty ja pëjkën ukën jam Caná, Galilea y'itjotm. Tam ënety ja Jesús ja tyaak yajpaaty,

Juan 2:23

Ko ja Jesús ënety jam yajpaaty ma ja Jerusalén kajpnën ëmaay xyëëwjoty, may ja ja'ay t'ijxtë ja mëj'ajtën mëti'ipë tyuun kyajpxën ets tmëpëjktë.

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Juan 4:3

Ko Jesús tnija'awëy ko ja fariseë ja'ayëty ënety të nijawëtë, ënät tsyo'ony ets ojts nyijkx jatëkok Galilea.

Juan 4:46

Tääts ja Jesús ojts nyijkx jatëkok jam Caná, nän Galilea y'itjotm ma ënety ja nëë të tyaj'awinpityën tsatsym nyëë. Jamts ënety tu'uk ja yajkutujkpë tyuunpë, jä'ä myaank pëjkëp jam Capernaúm.

Juan 4:54

Yë'ë ya'atë mëmäjtskpë mëj'ajtën mëti'ipë ja Jesús tyuunën ko jam Judea tsyo'ony ets ojts nyijkx Galilea.

Juan 5:23

e ja Dios U'unk näjyëtu'un yajwintsë'ëkëty ijxtëm ja Dios Teetyën. Pën ka'ap twintsë'ëkë ja Dios U'unk, nän ka'ap twintsë'ëkë ja Dios Teety mëti'ipë kyejxypyën ja Dios U'unk.

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Dios kyäjpxynyajxpë mëti'ipë yaa naaxwiiny ënety minaanpën.

Juan 6:2

May ja Jesús ënety ja ja'ay pyanëjkxyë, jä'ä ko tëë ënety t'ixtë ko tuny ja mëj'ajtën ko tyajtso'oky ja pa'amja'ay.

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Juan 6:30

Tääts ojts tyajtëwtë: ¿Tii mëj'ajtën maayëp ëëts xytyuk'ixtëty ets mijts nmëpëktëty? ¿Tii jëtu'un mtuunäämpy?

Juan 7:31

May ja ja'ay ojts myëpëktë ets y'ënantë: Ko myinëty ja Kristë, ¿wäänë jëtää ni'ik tunëty ja mëj'ajtën këtiinëm ya'atë ye'etyëjkë?

Juan 9:16

Ënet jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Dios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Deuteronomio 5:24

Tääts xy'ënëmaaytyës: Tëyajtën yë'ë, ko yë Wintsën mëti'ipë ëëtsëty nTios'ajtëpën yaj'ijxëp yë myëj'ajt y'oyajtën. Jä'ä ko tëë kë'ëm ntimmyëtowtës yë y'aaw y'ayuk mëti'ipë të yajmëtoyën jap jëën akujky. Tyam ënät yajnijawë ko Dios mëtyakp yë wiinxë jëjpxë ets ko yë'ë tuknipëjktaakë ka'ap xyaj'o'kmëty.

1 Juan 5:13

Tyam miits nnijäyëtë jënu'un ja Dios U'unk xymyëpëktë ets xynyijawëtëty ko xymyëët'atë ja juukyajtën xëmëkyëjxmëpë.