Juan 18:1 - Biblia Dc en Mixe de Quetzaltepec

¹ Ko ja Jesús ja Dios tja'amyäjtstaay ënät tsyo'ony mëët ja y'ijxpëjkpëtëjk ets tuknajxtë ja Cedrón nëë wok. Jam awinmtsow wyi'im tu'uk ja olivë kam, jam ja Jesús tyëjkëy mëët ja y'ijxpëjkpëtëjk.

Biblia Mixe de Quetzaltepec

¹ Ko ja Jesús ja Tios tja'amyäjtstaay ënät tsyo'ony mëët ja y'ijxpëjkpëtëjk ets tuknajxtë ja Cedrón nëë wok. Jam awinmtsow wyi'im tu'uk ja olivë kam, jam ja Jesús tyëjkëy mëët ja y'ijxpëjkpëtëjk.

Juan 18:1 Iomraidhean Croise

Génesis 2:15

Ko ja Wintsën tpëjktäky ja naaxwiinyëtë ja'ay jam ma ja jë'kxykyamën ets jam tyunëty ye'eyëty ets tkëwent'atëty.

Génesis 3:23

Paaty ojts yë Wintsën tim yajpëtsëmy ja ye'etyëjk jap ujts tsa'am jë'kxykyamjotm. Ets tpëjktäky wiinktsow ets tyunëty naaxwinm tu'uwinm ma ojts kyojyën.

2 Samuel 15:23

Aak jëëy aak yaxtëp ënätyëty. Ojts tuknaxtë ja nëë wok mëti'ipë yajtijpën Cedrón; tä ojts näjyëtu'un nyäxy ja yajkutujkpë ets ja ja'ay pyanajxëtë jam ma tu'u nyijkxyën të'ëts'itjotm.

1 Reyes 15:13

Ojts ja nyanwelë tpëjkë ja kyutujkën, mëti'ipë xyëëwajtypyën Maacá, jä'ä ko yë'ë ënety të tyajkutuky ets kyojëty ja y'awinax ja Aserá, Asá ojts tyajkutëkoy tääpë awinax, jam tnino'ky ma tu'uk wokjot txëëwatyën Cedrón.

1 Reyes 2:37

jä'ä ko pën mtso'omp ets mwinajxyp yë wok jampë yajpaatyën Cedrón, tyam yajxon n'ënëëmë ko m'ookëp yë'ë ets kë'ëm nëjkx mnätyunyë.

2 Reyes 23:12

Jyijtë'ktaay ja wintsë'këntyakn, jampë yajpaatën ma Acaz yë tyëjk kopkën mëti'ipë ja Judá yajkutujkpë kyojtën ets ja wintsë'këntyakn mëti'ipë ja Manasés kyojën jam tsajptëjk'ëkë'ëm, wa'ats tukjijtëtyääy ets ja naaxmaj aakjam t'ixko'owtaay ma ja Cedrón wokjotmën.

2 Reyes 23:4

Ënet ja yajkutujkpë ojts tuknipëky ja Hilquías ets ja mëmäjtskpë ja teety; näjyëtu'un mëti'ipë ja tsajptëjk'aaw kyëwent'ajtëpën ets tyajpëtsëmtëty jap tsajptëkoty tëkokyë winë mëti'ipë ja Baal ets ja Aserá tyukwintsë'këtyëpën; tyajpëtsëmtëty ja xëëw po'o ja y'awinax ets tyajnitooytya'atëty jam ma ja Jerusalén ja kyajpnpa'ajën, jam Cedrón ets ja kuyjaam tmënëjkxtëty jam Betel.

2 Reyes 23:6

Ojts jam tyajpëtsëëmta'ay ma ja Jerusalén kajpnën ja Aserá y'awinax, mëti'ipë jap yajpatpën ma ja Wintsën ja tsyajptëjkën; jam tyajnitooy ma ja Cedrón wokën, kuyjaam tyaj'awinpijty ets ojts twëjwä'kxy ma ja o'kpë nyipätën.

2 Crónicas 15:16

Ëpëky ja Asá ojts tpëjkë ja Maacá kyutujktakn ma ënety yajpaatyën jëtu'un tä tu'uk nanwelën ma kutujktaknën, mëët yë'ë ko ojts yë Maacá tni'ënä'ämëpë ets yajkojëty yë Aserá y'awinax. Asá tyuka'tsëtyääy ya'atë awinax, xit ko'ow tuuntaay ets jam tyajnitooy wokjotm ma txëëwatyën Cedrón.

2 Crónicas 29:16

Ja teetytyëjkëty jääpaat ja tsajptëjk tyajwatstë itkujkpyaat. Wa'ats tyajpëtsëëmtaaytyë jap tsajptëkoty ets tmëpëtsëëmtaaytyë jap tsajptëjk ëkë'p mëti'ipëjaty ënety ëxëëkën ets mëti'ipë ka'ap y'ëktuunën jap wokjoty tkujëpijpnajxtaaytyë.

2 Crónicas 30:14

Wa'ats tjëpëjktaaytyë ja wintsë'këntyakn ets maajaty ja poom tyajtoytyën mëti'ipë jam Jerusalén yajpatpën. Jap tkujëpijpnajxtaaytyë wokjoty.

Nehemías 2:15

Kootsnëm ënety koos jam jatëkok najxë'ky ma ja wokjotmën, koos n'ijxtaay jëtu'un ja kajpnapotsy, tääjës jatëkok nwinpijty ma ja tëjk'aawën mëti'ipë jamtsow nëjkxpën joyjyotm.

Jeremias 31:40

Jampaat ma ja joyjyotën ma nyaaxtëkëtën yë o'kpë ets ma yajwëjyën yë kuyjaam ets ja yu'uyjyot mëti'ipë jam winkon ma Cedrón wokën, tyimja'ty jam ma këwaaytyëjk'aawën, jampaat maatsow ja potsy tyäkën maatsow yë xëëw pyëtsimyën, ëjts nëjkx nyajtuknikënu'kxë. Ya'atë naax kajpn ka'ap nëjkx nijëna'a pën t'ëkyajkutëkooynyë ets t'ëkyajma'tnë.

Mateo 26:30

Ko y'ëëwtaaytyë tääts ojts nyëjkxtë ma Olivos kopkën.

Mateo 26:36

Tääts ja Jesús ojts nyijkxy mëët ja y'ijxpëjkpëtëjk jam Getsemaní, jam ja Jesús t'ënëmaay ja y'ijxpëjkpëtëjk: Yaa u'unyëtë ëjts Dios mëkajpxpës nëjkxy.

Marcos 14:26

Ko t'ëëwtaaytyë tu'uk ja ëy, jam ojts nyëjkxtë ma Olivos kopkën.

Marcos 14:32

Tääts ojts nyëjkxtë ma ja it txëëwatyën Getsemaní. Jamts ja Jesús ja y'ijxpëjkpëtëjk t'ënëmaay: Yaa u'unyëtë, wä'änës ja Dios nëjkx n'ëkja'amyetsy.

Marcos 14:42

Pëtë'ëktë ets nja'amëty, tyaa ja ja'ay myiny mëti'ipës xykyë'ëyakaanpën.

Juan 14:31

kopkpëky ko jëtu'un tyunëtëty jyatëtëty, ets tëkokyë ja'ay nija'awëtya'atëty koos yë'ëjës ntsojkpy yë Dios Teety ets koos yë'ë ntuny mëti'ipës të xytyuk'ëne'emyën. Pëtë'ëktë ets ja'amtë.

Juan 18:26

Tääts tu'uk ja teety wintsën ja tyuunpë näjyëtu'un yajtëëwë, yë'ë ja myëku'uk mëti'ipë ënety ja Pedro të tatskpujxtu'utyën: ¿Këtii myijtsëty mëët të n'ixy jam ma ja olivë kamënë?

Hechos 21:11

Ko jyä'äjty maas ënety jamëtyën, ënät ja Pablo ja wyëën yajwijtsë'ky ets nyätyukë'ëtsuum nyätyuktekytsyuumë, ets y'ënäny: Ja Kënu'kxymyëkajtën jëtu'un ënaanp: ko yë jutiis ja'ayëty mëti'ipë jam Jerusalén yajpatëpën, jëtu'un tmatsa'antë ya'atë wëën yë nyiwintsën ets tkë'ëyaka'antë ma ja kutuunktëjkën mëti'ipë ka'ap jyutiis'atën.