Juan 17:1 - Biblia Dc en Mixe de Quetzaltepec

¹ Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Dios nja'amyejtsy: Dios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Biblia Mixe de Quetzaltepec

¹ Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Tios nja'amyejtsy: Tios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Juan 17:1 Iomraidhean Croise

Salmos 123:1

Ma mijtsën Wintsën jamës nkëx'ixy mëët tu'uk yë nnu'kxtakën ma mijtsën mëti'ipë ënä'ämpën jam tsajpjotm.

Isaías 38:14

Je'eyës njaak ajëjy tä kuukën, tä pakën. Tëës ja nwiin nyatimy'ënu'kxënë mëët koos jam tsajpkëjxm mpa'at'ixy. Wintsën ëjts ëxëëkës näjyawëty, tun mëyajtën mijtsës ni ijxkëtak.

Marcos 14:41

Mëtëkëëk'ok ojts wyimpity ets y'ënëmaayëtë: ¿Mjaakmaap mjaakpo'kxtëpë? Jäpaat të ma'atë, tëë ja nyixëëw tpaaty etsës nyajkë'ëyakëty ma ja pokyjyä'äyëtyën, ëjts, naaxwiinyëtë ja'ay ja y'U'unk.

Lucas 18:13

E ja yajkukëpäjtpë, jëkäm jam tyänë, ets ni kya'ijxë'ëky, je'eyë nyäkyätsykyupyë ets y'ënä'äny: Dios Teety, pa'ëyoowkës, pokyjya'ayës ëjts.

Lucas 22:53

Ko të nyajpaatyës ma ja mëjtsajptëjkën winjëpom, ka'ap ijty miits xymyatstës; tyam ënät të myëpaat'aty ets winë xytyuntëty jëtu'un ijxtëm ja akootstuuypyë yajpaatën.

Juan 11:4

Ko ja Jesús jëtu'un tmëtooy ets y'ënäny: Ka'ap ya'atë pa'am yaj'ooky, jä'ä yë'ë ets nyikëxë'ëkëty ja myëj'ajtën y'oyajtën ja Dios ets ja Dios U'unk.

Juan 11:41

Ënet ja tsaa tjëkëëytyë ets ja Jesús pya'at'ijxy tsajpwinm ets y'ënäny: Dios Teety, mijts nkukajpxëp, jä'ä ko tëëjës ja n'ayuk xymyëtoowë.

Juan 12:23

Ënet ja Jesús y'ënëmaayëtë: Tëë ja xëëw jëmëjt tpaaty ko yajmëjjaw yajjaantyjyawëty ja naaxwiinyëtë ja'ay ja y'U'unk.

Juan 13:1

Tyimpatnëp ënety ja ëmaayxyëëw ets nyija'ap ja Jesús ko tëë ja xëëw jëmëjt tpatnë ets ja naaxwiinyëtë t'ëxmatsa'any ets wyimpita'any ma ja Dios Teetyën. Xëmë ijty tsoky ja y'ijxpëjkpëtëjk mëti'ipë yaajëtyën naaxwiiny ets jëtu'un tsojky mapaat y'o'kyën.

Juan 16:32

Tëë ja xëëw jëmëjt tpaaty ets tyam jëtu'un nixëëwaty, ko miits mkääkwa'kxta'atëty ets mnëjkxtëty këëkjëën këëktëjk etsës nätyu'uk xy'ëxmatstëty. E ka'apës nätyu'ukëty, jä'ä ko tääjës ja nteety mëët.

Juan 7:30

Ënet ojts tjamatsa'antë, je'eyëp ko ni pën ojts tkanixajë, jä'ä ko ka'anëm ënety ja nyixëëw tpaatynyëm.

Juan 7:39

Ko ja Jesús jëtu'un y'ënäny yë'ë Kënu'kxymyëkajtën tyij mëti'ipë y'ëxajëtëpën ja mëpëjkpë, jä'ä ko ka'anëm ënety ja Jesús tsyajp petynyëm, paaty ja Kënu'kxymyëjajtën ënety ka'ap myinyëm.

Juan 8:20

Jëtu'un ja Jesús y'ënäny tam ënety yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënety ja nyixëëw tpaatynyëm.

Hechos 3:13

Ja Dios mëti'ipë ja Abraham, Isaac ets ja Jacob y'ëwtajtën, ëëts ja n'ap'ajt n'ok'ajtëmë; yë'ë të tmëjjaw të tjaantyjyawë ja Tyuumpë Jesús, mëti'ipë miits mkë'ëyajtën ets y'ookëty; mëti'ipë ja Pilato jya'ëxmatsanën.

1 Pedro 1:21

Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.