Juan 16:2 - Biblia Dc en Mixe de Quetzaltepec

² Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Biblia Mixe de Quetzaltepec

² Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Tios myëtuuntëp.

Juan 16:2 Iomraidhean Croise

Isaías 65:5

Ets y'ëna'antë: Jääyë ëwxit, këtiis nëkoo xytyony; ëjts kënu'kxyës mëj këjää, ka'ap tjëkyepy nëkoo xytyonëtyës. Tääpë ja'ayëty jëtu'un tä jëënën tu'kxëëwpë yeenyën; je'eyës xyajja'antyixy koos xyjyëjp kujokë.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Daniel 11:33

Yë wijyjyä'äytyëjkëty mëti'ipë yajpatëpën ma naax kajpnën nëjkxëp mayjyä'äy tyaj'ijxpëktë, ok nëjkx yaj'ookëtë ets nyino'oka'anëtë ets myä'tsta'aja'anëtë ets nëjkx tyookëtë wiink naax wiink kajpn ets y'ëyowtëty myëtuntëty. Je'eyëp wäänë jëtu'un y'ita'any.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Mateo 24:9

Ënet miits myajkë'ëyaktëty ets myajtsaatytyuntëty ets ja ja'ay myaj'ookëtëty. Tu'kë'ëyë ja'ay nëjkx m'ëxëëk'ixëtë jä'äkyëjxm ko ënety ëjts xymyëpëktë.

Lucas 6:22

Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.

Juan 12:42

Ënet may ja jutiis ja'ayëty ojts tmëpëktë ja Jesús, wintsëntëjkpaat tmëpëjktë. Je'eyëp ko ka'ap tnikajpxtë nikëxë'ëky, jä'ä ko tsyë'këtëp ja fariseë ja'ayëty këtiipë y'ixkäxëtëty jap tsajptëkoty.

Juan 16:25

Tëë miits ya'atë ntuk'ëwaanëtë mëët ja nyi''ijxpäjtën. E pyatäämpy ja xëëw jëmëjt ko miits ka'ap n'ëktuk'ëwaanëjanëtë winë mëët ja ijxpäjtën, wa'ats nëjkx ntukmëmatyaknëtë ja nTeetyës.

Juan 16:32

Tëë ja xëëw jëmëjt tpaaty ets tyam jëtu'un nixëëwaty, ko miits mkääkwa'kxta'atëty ets mnëjkxtëty këëkjëën këëktëjk etsës nätyu'uk xy'ëxmatstëty. E ka'apës nätyu'ukëty, jä'ä ko tääjës ja nteety mëët.

Juan 4:21

Ënet ja Jesús y'ëtsoowë: To'xotyëjk, mëtoow'it mëti'ipë yam ntukmëmëtyäkpyën, ko pyätyp ja xëëw jëmëjt ma miitsëty ja Dios Teety xywyintsë'ëkëtëty oymyaajëty, oy mkatimynyëjkxtëty jam Jerusalén ëkë pën kyaminëty yaa ma ya'atë kopkën.

Juan 4:23

Pyätyp ja xëëw jëmëjt, ets tyam jëtu'un të tpaaty, ma ja ja'ay t'ëwtata'antën ja Dios Teety mëtëypyë ijxtëm ja Dios ja Kyënu'kxymyëk'ajtën tsokyën. Jä'ä ko yë Dios Teety tsyojkpy ets jëtu'un yaj'ëwtatëty.

Juan 9:22

Jëtu'un ja tyaak tyeety ojts y'ëna'antë jä'ä ko tsyë'ëkëtë, tëë ënety ja jutiis ja'ayëty tkäjpxy'atë ko ka'ap tkupëka'antë jap tsajptëkoty tu'kë'ëyë mëti'ipë ënantëpën ko Jesús yë'ë Kristë.

Juan 9:34

Ënet t'ënëmaaytyë: Mijts pokyjoty të mëxu'unk'aty, ¿ka'ap tjëkyepy xyaj'ijxpëktëtyës? Ets t'ixkäjxtë jap tsajptëkoty.

Hechos 5:33

Ko jëtu'un tmëtoowtë, tääts tukjoot'anpëjktë ets ojts tjayaj'ooka'antë.

Hechos 7:56

Tääts y'ënäny: Ëk'ixtë, ëwa'atsës yë tsajp n'ixy ets näjyëtu'un të n'ijxpaatyës ja Naaxwiinyëtë Ja'ay ja kyutënääpyë Dios pyë'aay, aka'anytsyow tyänë.

1 Corintios 4:13

Koos tsaaty ma'at nyajmëkajpxtë, ëëtsëty oyës n'ëtsowtë. Jëtu'unës tyampaat nyaj'ixtë ijxtëm ja pu'uxmën naaxwiiny, ijxtëm ja ja'ayën mëti'ipë ka'ap tii tkëjxmëtyën.

Filipenses 3:6

Mëkës ijty näjyawëty tii nmëpëky, yë'ëpaat ijty n'ëxëëk'ixyës ets n'ixjëtity npajëtiyës mëti'ipë ja Jesús myëpëjktëpën. Ka'ap ijty ëjts nyajmëyätyës ets pën ja Moisés ja y'ënä'ämën xytyukmëmëtya'akëtyës koos nkapatuny.

Apocalipsis 6:9

Ko ja Kupixyny U'unk tyaj'ëwatsy ja mëmëkoxkpë ja tsa'ayën, ënätës n'ijxy jap wintsë'këntyakn pa'tkë'p nimay ja anëmëtëjkëty mëti'ipë të tku'ookëtën ko ja Dios ja y'aaw y'ayuk të tkajpxwa'kxëtë.

Jueces 6:30

Yajpëtsëm mmaank wä'änës nyaj'ooktë. Jä'ä ko tëë yë Baal yë wyintsë'këntyakn tjijtë'kë ets näjyëtu'un ja kënu'kxykyepy mëti'ipë pa'atënaayëpën winkon ma wyintsë'këntyaknën.