Juan 15:1 - Biblia Dc en Mixe de Quetzaltepec

¹ Ënet ja Jesús jyaak mëtyäky: Jëtu'unës ëjts ijxtëm ja mëtëypyë ja tsatym aatsën, ets nTeetyës, yë'ë ja tsatym nyiyu'ujëp.

Biblia Mixe de Quetzaltepec

¹ Ënät ja Jesús jyaak mëtyäky: Jëtu'unës ëjts ijxtëm ja mëtëypyë ja tsatym aatsën, ets nTeetyës, yë'ë ja tsatym nyiyu'ujëp.

Juan 15:1 Iomraidhean Croise

Cantares 7:12

Jëpom nja'amëty ma tsatym kyamën ets n'ijxmëty pën tëë myuxy, pën jam kujk pyëtsimy yë y'ääy u'unk, pën jam mëti'ipë pëjpën ets pën jam mëti'ipë tëë tyëëm'ajtë'ëkyën. Jam nmo'ojëty ëjts yë ntsojkën nja'awën.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Jeremias 12:10

Yë may wintsëntëjk mëti'ipë mëtsip'ajtëpën tëë tyajkutëkoytyë yë ntsatymkyamës, tëë tä'änjëtijta'atë ja nkamës. Aanë'ëk tëëtsë'ëk të tyaj'awinpitë ja naaxwiinyëtë mëti'ipës ijty mëk ntsojkpyën.

Jeremias 2:21

Jëtu'un ojts mijts njakojy njamä'kxy tä tu'uk yë tsatym aatsën oypyë juunpë mëti'ipë pyajk oy të pyëtsimyën. E mijts ëxëëk të mnätyunyë, ka'ap të n'ëk'ijxkajpnë.

Ezequiel 19:10

Jëtu'un ijty yë mtaak tä tu'uk yë tsatym kyepyën mëti'ipë nëë ëkë'ëy tënääpyën, tëëm'ajtp ets nëkooyë ojts yoonë mëët ko ja nëë xëmë tmëëtëty.

Oseas 10:1

Jëtu'un yë Israel kajpn nyäxy tä tu'uk yë tsatym kyepyën; ko may ja tyëëm tpëjktä'äky, may näjyëtu'un t'oytyuny ja wyintsë'këntyakn; ko ja nyaax kyajpn ijty y'oyë, nän oy ja y'awinax t'oytyuny mëti'ipë kënu'kxy yajnajxypyën.

Zacarías 3:8

Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

Mateo 15:13

Tääts ja Jesús y'ëtsooy: Jëtu'un yë fariseë ja'ayëty ijxtëm yë ujtsën mëti'ipë ka'ap yë nTeetyës të tkojyën. Oytyii'ujtsëty pën ka'ap yë'ëjëty yë nTeetyës tsajpjotmëpë të tkojy, yajwijxë'ëkaanp jappaat ma tyiktsën.

Mateo 20:1

Jëtu'un ja tsajpjotmëpë kuttujkën npëjktakmëty ijxtëm tu'uk ja kukamën, mëti'ipë ojts tsyoonyën tsojkyë tuunpë ixtääpyë ets tyuntëty ma ja tsyätym kamën.

Mateo 21:33

Mëtoow'itë ya'atë wiinkpë ijxpäjtën: Tu'uk ja ja'ay ojts tpëjktä'äky ja tsyätym kam ets tnakeemy tnapëjky, ënät t'oytyuuny tu'uk ja tsyätym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk yajtukë'ëtëjkëtyë ënu'kxy ja kam ets ojts nyijkxy ëpëky it ja wintsën.

Marcos 12:1

Ënet ja Jesús yaj'ijxpëjktso'ony mëët ja ijxpäjtën ets y'ënäny: Tu'uk ja ye'etyëjk ojts tpëjktä'äky ja tsatsymkyam ets tnakeemy tnapëjky, ojts t'oytyuny tu'uk ja tsatym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk ojts tuknipëky ja kam ets ojts tsyoony nyijkxy jëkäm.

Lucas 13:6

Tääts ja Jesús tnimëtyäky ya'atë ijxpäjtën: Tam ijty tu'uk ja ja'ay tmëëtëty ja higo kepy kyamjotm. Tääts ojts nyijkx ets t'ixa'any pën jam ja tyëëm ets nitu'uk tkapaty ja higo tëëm.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Juan 6:32

Ets ja Jesús y'ëtsoowëtë: Tëy miits nëëmëtë ko ka'ap yë'ëjëty yë Moisés ojts mmo'ojëtë ja tsajpkääky mëti'ipë tsajpjotm tso'onpën, ja nTeetyës ojts mmo'ojëtë ja tsajpkääky mëtëypyë mëti'ipë tsajpjotm tso'onpën.

Juan 6:55

Jä'ä ko ja ni'kx nkopkës ets ja ne'pnyës, yë'ë mëtëypyë tsu'utsy ets mëtëypyë uuky.

Romanos 11:17

Jëtu'un ja jutiis ja'ayëty ijxtëm ja olivë kepyxye'entyën mëti'ipë të yajkatspuxyën; ets mijts mëti'ipë ka'ap jyutiis ja'ayëty, jëtu'un ijxtëm ja pa'olivos xe'entyën ets të myatukpu'ootsë ja olivë kepy mëti'ipë mëtëyën. Ets të m'awinpity ijxtëm jeexyë mijts mjanty olivë'atën.

1 Corintios 3:9

Tu'ukyë ëëts ja Dios ja tyuunk ntuunëtë ets jëtu'un miitsëty ijxtëm ja kamën ma ja Dios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Dios të tkojyën.

1 Juan 2:8

Tyam näjyëtu'un ntuknijayëtë yë jempyë ënä'ämën, nätsyokëtë nixim niyam ijxtëm ja Kristë xytsyojkëmën. Yë'ë jëtu'unpë ja winma'any yajkutëkoopy ja ëxëëk winma'any ets y'oyë ja juukyajtën.