Juan 14:12 - Biblia Dc en Mixe de Quetzaltepec

¹² Tëy miits nëëmëtë, pën xymyëpëjkpës, tyunëp näjyëtu'un ja tuunk mëti'ipës ntuunpyën; ets tyunëp ja tuunk jaakmëjpë, yë'ë koos jap nnëjkxy ma ja Dios Teetyën.

Biblia Mixe de Quetzaltepec

¹² Tëy miits nëëmëtë, pën xymyëpëjkpës, tyunëp näjyëtu'un ja tuunk mëti'ipës ntuunpyën; ets tyunëp ja tuunk jaakmëjpë, yë'ë koos jap nnëjkxy ma ja Tios Teetyën.

Juan 14:12 Iomraidhean Croise

Mateo 21:21

Tääts ja Jesús y'ëtsoowëtë: Tëy miits n'ënëëmëtë, pën mmëpëjktëp ets ka'ap yë mjot mwinma'any xyajtëkatstë, ka'ap yi'iyë xytyuntëty tääpë xy'ixtën koos yë higo kepy nyajtë'ëtsy. Yë'ëpaat ya'atë kopk jyëkyejpy xy'ënëëmëtëty: jëwa'ak yaa, nëjkx jap mejyjoty ets jatëp jëtu'un.

Marcos 11:13

Tä tu'uk t'ijxpaty ja higo kepy jam jëkäm, tam ja y'ääy yaj'ixy. Tääts ojts tninëjkxy ets t'ixa'any pën jam ja tyëëm. Ko t'ijxy nitu'uk kyatëëm je'eyë ja y'ääy, jä'ä ko ka'ap ënety nixëëwëty.

Marcos 16:17

Ja ja'ay mëti'ipë mëpëjktëpën, yë'ë tyuntëp: Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk;

Juan 14:28

Tëë xymyëtowtë koos n'ëna'any koos nnëjkxy ets ko jatëkok nmina'anyës ets nyajpaata'anyës mëët miitsëty. Ko jeexyë miits xytsyoktës, mxoontaktëp jeexyë ko xynyijawëtë koos nnëjkxy ma ja Dios Teetyën, jä'ä ko Dios Teety wäänë mëj yë'ë këtiinëm ëjts.

Juan 16:7

E tëy miits nëëmëtë: Nëjkxaanpës ets miits xytyuk'oy'atëty. Koos nkanëjkxëty, ka'ap tjëkyepy myinëty ja Nikajpxtutpë ma miitsëtyën; e pën nëjkxpës, ëjts jam nkäxäämpy.

Juan 4:37

Tëy yë'ë ko ayuk y'ënä'äny: Ëpëky ja ja'ayëty mëti'ipë niptëpën ets ëpëky mëti'ipë yajpëtë'ktëpën ja pëjktä'äky.

Juan 5:20

Dios Teety tsyojkpy ja y'U'unk ets tyuk'ijxtääpy mëti'ipë yë'ë tyuunpyën ets jyaak timtyuk'ixäämpy ni'ikpë mëti'ipë mëj'ixy y'ixtëpën.

Juan 7:33

Tääts ja Jesús y'ënäny: Wäänës yaa njaak'ita'any mëët miitsëty, tsojkës jam nëjkxa'any ma yajpaatyën mëti'ipës xykyäjxpën.

Juan 7:39

Ko ja Jesús jëtu'un y'ënäny yë'ë Kënu'kxymyëkajtën tyij mëti'ipë y'ëxajëtëpën ja mëpëjkpë, jä'ä ko ka'anëm ënety ja Jesús tsyajp petynyëm, paaty ja Kënu'kxymyëjajtën ënety ka'ap myinyëm.

Hechos 10:46

ojts tmëtowtë ko tkajpxtë ja wiink ayuk ets ja Dios tmëjja'awëtë tjaantyja'awëtë.

Hechos 16:18

Ko jëtu'un kanaak xëëw y'ëtitsy, yä'äxy jyoky; tää ja Pablo tsyijpënë ets tniwa'akwinpijty ets t'ënëmaay ja ku'oypyë mëti'ipë ja to'oxy'ëna'k ënety myëët'ajtypyën: Jesukristë xyëëwkyëjxm yam mijts n'ëne'emy, ëxmats yë to'oxy'ëna'k. Tääts ja to'oxy'ëna'k ënätyë y'ëxmajtsë ja ku'oypyë.

Hechos 19:12

jëna'ajëty ja Pablo ijty je'eyë yajtukniminy ja paayë ëkë ja wit ets tonëty, yë'ëts myënëjkxtëp ma ja pa'amja'ayën ets tsyo'oky. Näyjyëtu'un tuuntë mëti'ipë ja ku'oypyë myëët'ajtëpën, ets y'ëxmatsëtë.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Hechos 2:41

Mëti'ipë myëpëjktën ja aaw ayuk mëti'ipë ja Pedro nyikajpxën, ënätyë ojts nyëëpätë. Jä'ä xëëw, nitëkëëk milën ojts ja ja'ay nyäpyäätyë.

Hechos 4:16

Ets nyäy'ënanëtë: ¿Tii winma'any ënät npatmëp mëët ya'atë ja'ayëty? Y'aaknija'awëtyëp yë Jerusalén ja'ayëty ko yë mëj'ajtën të tyaj'ixëtë. Ka'ap tjëkyepy nkuyu'tsmëty.

Hechos 4:33

Ets ja ijxpëjkpëty ni'ikyë mëk'ajtën mëët tnikäjpxy tnimëtya'aktë ko tëë ja Wintsën Jesús jyuukpyiky jatëkok. Ni'ikyë ja Dios kyënu'kxëtë ni'ëmukë.

Hechos 4:4

May ja ja'ay myëpëjktë mëti'ipë ënety të tmëtowtën ja aaw ayuk; ja mëpëjkpëtëjkëty, yi'iyë ye'etyëjktëjkëty, jä'ä nyimay'ajtë mëkoxk mil.

Hechos 5:15

Ets ja pa'amja'ay jam may tpëjktaktë tu'u'am, tam mëti'ipë myaapäjnkëjxm ko'knaaytyëpën ets tam mëti'ipë to'okykyëjxmën; yë'ë y'ëwxijtëp ko ja Pedro nyaxëty ets ja ja'ay tsyo'oktëty, oy je'eyë ja y'äpk pyaatëtëty.

Hechos 6:7

Ja Dios ja y'aaw y'ayuk ni'ikyë ënety myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Hechos 8:7

May ja ku'oypyë t'ixkejxy ja Felipe. Ayaxp ajojkp pyëtsëëmtaaytyë ma ja ja'ayëtyën. Näy tsoktaaytyë ja kë'ëxujxpë tekyxyujxpë ets ja ja'ay tekymya'atëtypë.

Hechos 9:34

Tääts ja Pedro t'ënëmaay ja Eneas: Eneas, Jesukristë yam myajtsokëp. Pëtë'ëk, yajpëtë'ëk mmaapäjn. Tääts ja Eneas ënätyë pyëti'ky.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Dios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënet ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.