Juan 13:5 - Biblia Dc en Mixe de Quetzaltepec

⁵ Tääts ja nëë t'atä'ämëy ma ja kë'ëpujtaknën ets ja y'ijxpëjkpëtëjk ja tyeky ojts tpujë ets tmäxtëtsy mëët ja wit mëti'ipë myoxwëën'ajtypyën.

Biblia Mixe de Quetzaltepec

⁵ Tääts ja nëë t'atä'ämëy ma ja kë'ëpujtaknën ets ja y'ijxpëjkpëtëjk ja tyeky ojts tpujë ets tmäxtëtsy mëët ja wit mëti'ipë myoxwëën'ajtypyën.

Juan 13:5 Iomraidhean Croise

Génesis 18:4

Tyamës nëjkx yë nëë nyajtsoony ets mkë'ëpuj mtekpyujtëty. Tääts wäänë mwinpo'kxnaxtëty yaa kepypya'tkë'ëy ma nyiktuuyëtyën.

Génesis 19:2

Tä t'ënëmaay: Mëku'ukëty tuntë mëyajtën nmënu'kxtaktëp yam ets mjamtëty maas yë ntëjkën, jam yë tsuu xyajnaxtëty ets mkë'ëpuj mtekpyujtëty, jopynyëm tsojk jatëkok mtu'upëktëty. Ënet ojts y'ëtsowtë: Ka'ap, Dios kyujuyëp ko jëtu'un mja'ëna'any, jëtu'unyë ëëts yë tsuu muum nyajnaxa'antë muum tu'ujoty.

Génesis 43:24

Tä ojts tu'ukmukyë twoownëjkxta'ay ma ja José ja tyëjkën, tmooy ja nëë ets tyekpyujtëty ets ojts näjyëtu'un ja jëyujk tjë'kxymyo'oy.

2 Reyes 3:11

Tä Josafat tyajtëëy: ¿Yaa ka'ap maa ja'ay mëti'ipë Wintsën myëtuunpyënë, tääts jeexyë yë'ë nyajtë'ëwëm tii tunan jatanëp? Tääts ojts tu'uk ja ja'ay y'ëtsoy, yë'ë yajkutujkpë ja tsyiptuunpë wintsën: Tyaa yë Elisejë, yë myaank yë Safat, mëti'ipë ijty mëët jyëtityën yë Elías.

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Éxodo 29:4

Tä ënät xywyoownëjkxëty yë Aarón mëët yë y'u'unk y'ëna'k jam ma yajnitëkën ja wit tëjk ma näpyaatë y'ityën ets xy'ënëëmëty, ko jam tsyi'iwtëty.

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Lucas 7:38

Yaxp ja Jesús twinkuwa'këy ets ja tyeky ojts tyajxo'kë mëët ja wyiin nëë ets ja wyääy tukmäxtëtsy, ets ojts tsu'kxë ja Jesús ja tyeky ets tuktekymyëtä'ämëy ja pa'akxu'kpë nëë.

Lucas 7:44

Ënet ja Jesús t'ijxy ja to'oxytyëjk ets t'ënëmaay ja Simón: ¿M'ijxyp ya'atë to'oxytyëjkë? Nikë tëëjës yë nteky xyajkxo'kë mëët yë wyiin nëë ets wyääy të tukmäxtë'ëtsy; e koos yaa të ntëkë ma mtëjkën, ni nëës mijts të xykyamo'oy ets jeexyë ja ntekyës të npujy.

Juan 13:10

Ënet ja Jesús y'ëtsoowë: Mëti'ipë ja'ay të tsyi'iyën, oy je'eyë tyeky tpujëty, ka'ap kopkpëky tyimtsi'iwëty, jä'ä ko wa'ats yë'ënë ets wa'ats miitsëty, oy kyani'ëmukëty.

Juan 13:6

Ënet ja Simón Pedro y'ënäny ko ja Jesús ja tyeky pyuja'anxëty: Wintsën, ¿mijtsës yë nteky mpujjäämpyë?

Juan 13:8

Ënet ja Pedro y'ënäny: Kajëna'ajës nkakupëkëty ets mijts yë ntekyës xypyujëty. Ënet ja Jesús y'ëtsooy: Pën ka'ap yë mteky npujëm, ka'ap myajpaata'any ma ëjtsën.

Juan 19:34

Ënet tu'uk ja tsiptuunpë tkatsymyëku'umëy ja Jesús ets ja kyäty y'ëwatsy ets pyëtsiimy ja ne'pyny ets ja nëë.

Hechos 22:16

E tyam, ka'ap jeky m'ëwxitëty. Pëtë'ëk ets mnëëpätëty, ja'amyäts ja Wintsën ets myajpokywya'atsëtëty. Jëtu'unës xynyëmaay.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

1 Juan 5:6

Ko ja Jesús myiiny yaa naaxwiiny, ijxwë'ëmy ojts wyi'imy mëët ja nëë ko ojts nyëëpety ets mëët ja ne'pyny ko ojts kyëruutspety; ka'ap yi'iyëty nëë, näjyëtu'un ja ne'pyny. Kënu'kxymyëk'ajtën ya'atë yajtëytyëjkëp, jä'ä ko yë Kënu'kxymyëk'ajtën mëtëy yë'ë.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Jueces 19:21

Ja mëjja'ay ojts tyajnëjkxy ja tu'uye'epyë ma ja tyëjkën, ja tu'uye'epyëty tap ja ënety kyë'ëpuj tyekpyujtu ets kyäytyë y'uuktë, ko ja mëjja'ay ja jëyujk jap näjyëtu'un tyajjë'kx.

1 Samuel 25:41

Tä ja Abigail nyaaxkooy ets tyajnikëxë'ky jëtu'un ja näywyinkutsë'kën ets y'ëtsooy: Ëjts je'eyës jëtu'unës nyajpaaty tä tu'uk yë tuunpën ma Davidjën, jëjp'ixyës ntimy'ity oy jëna'a yë tyuunpëtëjk yë kyë'ë tyeky npuja'anëtyës, pën yë'ëjës xytyuk'ënä'ämp.