Juan 13:23 - Biblia Dc en Mixe de Quetzaltepec

²³ Ënet tu'uk ja ijxpëjkpë mëti'ipë ja Jesús ni'ik tsyojkpyën, yë'ë ënety jam pyë'am mëët y'a'ux'aty,

Biblia Mixe de Quetzaltepec

²³ Ënät tu'uk ja ijxpëjkpë mëti'ipë ja Jesús ni'ik tsyojkpyën, yë'ë ënäty jam pyë'am mëët y'a'ux'aty,

Juan 13:23 Iomraidhean Croise

2 Samuel 12:3

e ja mëti'ipë ëyoopën je'eyë tu'kpajk ja kupixyny tmëëtëty mëti'ipë ënety kë'ëm të tjuyën. Kë'ëm ojts tyajyeeky tu'knax mëët ja y'u'unk y'ëna'k, jëtu'un tu'knax tyajkay tyaj'uuky; tmu'uxy tpe'eny, yë'ë tyukjë'kxyp mëti'ipë kë'ëm jyi'kxyp pyijkpyën ets nän jap tu'ukyë mëët y'ukmuky ma ja y'a'ukënyën. Ja ja'ay jëtu'un ja kyupixyny ënety tjawë tä jeexyë nyëëxën.

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;

Lucas 16:22

Ënet ojts y'o'knë ja Lázaro ets yajnëjkxë ja Dios ja y'anklës jam tsajpjotm ma ja Abraham yajpaatyën; ok ja kumeenyjyä'äy näjyëtu'un y'o'ky, tääts nyaaxtëjkëy.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Juan 11:3

Ënet ja Lázaro ja myëkä'äx nimäjtsk ojts tnikäxëtë ja Jesús: Wintsën, pëjkëp ja mmëku'uk mëti'ipë ni'ik mtsojkpyën.

Juan 11:36

Tä ja jutiis ja'ayëty y'ënantë: Ixtë, tsyojkpy ijty mëk.

Juan 11:5

Oy ënety ja Jesús ni'ik tjatsoky ja Marta mëët ja myëkä'äxtëjk Maria ets Lázaro,

Juan 13:24

ets ja Simón Pedro ame'tsyë y'ënëmaayë ets tyajtëwëty ja Jesús pën jëtu'un tyijpy.

Juan 13:25

Ënet ojts tnimëjkoy ja Jesús ets tyajtëëy: Wintsën, ¿nikajpx pën jëtu'un mtijpy?

Juan 19:26

Ko ja Jesús t'ijxy ja tyaak ets ko tam winkon tyänë ja y'ijxpëjkpë mëti'ipë ni'ik tsyojkpyën ënät t'ënëmaay ja tyaak: Nanë, tam mpa'atënëty ja m'u'unk.

Juan 20:2

Ënet ojts nyijkx pëyi'ikyë ma ja Simón Pedro mëët wiinkpë ijxpëjkpën mëti'ipë Jesús ni'ik tsyojkpyën. Tääts ja Maria y'ënäny: Tëë ja Wintsën ja nyi'kx kyopk yamëke'eky ets ka'ap yajnijawë maa të tpëjkta'aktë.

Juan 21:20

Ko ja Pedro y'ijxwinpijty ets t'ijxy ko ja ijxpëjkpë ix'ok myiny mëti'ipë ja Jesús mëk tsyojkpyën, mëti'ipë ënety të tyajtëyën ja Jesús ma jam y'a'ux'atën: Wintsën, ¿pën mkë'ëyakanëp?

Juan 21:24

Ya'atë jëtu'un ja ijxpëjkpë mëti'ipë yam winë nyimëtyäkpyën, ets yë'ë të tkuja'ay. Ets nija'awëm ko tyiyëty mëti'ipë nyimëtyäkpyën.

Juan 21:7

Ja ijxpëjkpë mëti'ipë Jesús ni'ik tyimtsojkpyën, jä'ä ojts t'ënëëmë ja Pedro: Wintsën yë'ë. Je'eyë ja Simón Pedro ojts tnamëtoy ko jyä'äjëty ja Wintsën, ënät ja wyit tuktëjkëy, jä'ä ko tëë ënety ja wyit tjeny ko të nyëëtëkë.