Juan 11:51 - Biblia Dc en Mixe de Quetzaltepec

⁵¹ Ka'ap ja Caifás ojts kyë'ëm winma'anyëty tkäjpxy, jä'ä ko yë'ë ënety teety wintsën'ajtp tääpë jëmëjt, Dios ojts jëtu'un yajkäjpxyë ko ja Jesús tku'ookëty ja jutiis ja'ayëty;

Biblia Mixe de Quetzaltepec

⁵¹ Ka'ap ja Caifás ojts kyë'ëm winma'anyëty tkäjpxy, jä'ä ko yë'ë ënäty teety wintsën'ajtp tääpë jëmëjt, Tios ojts jëtu'un yajkäjpxyë ko ja Jesús tku'ookëty ja jutiis ja'ayëty;

Juan 11:51 Iomraidhean Croise

Éxodo 28:30

Ënet xypyëjkta'akëty ma katsyjyänën ja tsaa'u'unk mëti'ipë mëët winë yajnijawën mëti'ipë yajtijpën Urim ets Tumim. Ja tsaa'u'unk mëti'ipë mëët winë yajnijawën yë'ë ijty winë tyuknipaye'eytyëp. Ets Aarón jam tmënëjkxëty kyejkyijxy, ko nyäwya'këxë'ëkëtëty jam Dios wyintum. Yë Aarón xëmë tmënëjkxëty mëti'ipë winë tyuknipaye'eyëpën, ko nyëjkxëty jap ma Wintsënën.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Dios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Juan 11:49

E tam ënety tu'uk ja ja'ay mëti'ipë xyëëwajtypyën Caifás, teety wintsën ënety y'ity tääpë jëmëjt, yë'ë ojts y'ënä'äny: Ka'ap miits xynyijawëtë,

Juan 18:13

Jëyëjp ojts tyajnëjkxtë ma ja Anás ja tyëjkën, Caifás yë myë't, mëti'ipë teety wintsën'ajtpën tääpë jëmëjt.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

1 Samuel 23:9

Ko ja David tnija'awëy ko ja Saúl nyimina'anyë ets myatsa'anyë, ënät t'ënëmaay ja teety Abiatar ets tmëminëty ja efod, tääts t'ixëty wi'ix ja Wintsën y'ënä'äny.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.