Juan 11:19 - Biblia Dc en Mixe de Quetzaltepec

¹⁹ ets may ja jutiis ja'ayëty ënety të tninëjkxtë ja Marta ets Maria ets tjotmëkwinkajpxëtë ko ja myëkä'äx Lázaro të y'ooky.

Biblia Mixe de Quetzaltepec

¹⁹ ets may ja jutiis ja'ayëty ënäty të tninëjkxtë ja Marta ets Maria ets tjotmëkwinkajpxëtë ko ja myëkä'äx Lázaro të y'ooky.

Juan 11:19 Iomraidhean Croise

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

2 Samuel 10:2

Ënet ja David ojts myäy tyäjy, ko näjyëtu'un t'oyjyawëja'any ja Hanún tä ja tyeety ojts y'oyjyawëtyën; paaty ja David tkejxy ja tyuunpëtëjk ets nëjkx tnijë'ë tniya'axtë ja Hanún ja tyeety ko ënety të y'ooky; e jääts ko ja David ja tyuunpëtëjk jam jyajtë ma ja Amón ja'ayëty ja kyajpnëtyën,

1 Crónicas 10:12

ënät ojts aakyë'ë nyäkyajpxëtë ja ja'ayëty mëti'ipë jotmëkëtyën, tääts jam tmëkäktë ja Saúl ja nyini'kx ets ja y'u'unk y'ëna'k ja jyä'äjëty ets tmënëjkxtë jam Jabés. Jamts tyajnaaxtëjkëtyë ma jam tu'uk ja xoj kepy tyänën. Ko tyajnaaxtëjkëtyääytyë, wëxtujk xëëw y'ayuu'ajtë.

Job 2:11

Tam ijty yë Job tmëët'aty yë myëku'uktëjk mëti'ipë mëët oy nyämyäyën, jä'ä xyëëwajtëp: Elifaz, jam tsyëënë Temán; yë Bildad, jam tsyëënë Súah ets Sofar, jam tsyëënë Naamát. Ko tnija'awëtyë ko tëë Job ja yuu pa'am pyäätyë, ënät ojts tninëjkxtë ets tjämyëët'ata'antë ma jam pyikyë y'ixyën.

Job 42:11

Ënet ja myëkä'äxtëjk, ye'etyëjkpë to'oxytyëjkpë, myëjëën myëtëjk ets mëti'ipë mëët nyäwyin'ixy'ätyën ojts nyimiinta'ajëtë, tu'uk ja xëëw tyaj'apatëtyë jam ma ja Job ja tyëjkën. Ojts myëmëtya'akëtë ets wyinxoon wyin'ijtëtë ko ënety o'ktëy të jyäty të kyëpety, ko ënety ja Wintsën ja ëyo'on jotmay të tyuknikexyë, tu'ukjaty ojts tmo'otë ja wit meeny ets pu'ts pujxnkë'ëjiits.

Eclesiastés 7:2

Ni'ik tsyowpaaty ko nëjkxmëty ma ja'ay nyaaxtëkën ets këtii ko nëjkxmëty ma ja'ay xyëëwtunyën; jä'ä ko yë o'kën tëko'oyën kopkpëky ko yë naaxwiinyëtë ja'ay tpata'aja'any ets mëti'ipë juuky'ajtëpën oy ko jeexyë tja'amyätstë.

Isaías 51:19

Ya'atë ojts mäjtsk xy'ëyo'on'aty: ko ja mnaax mkajpn kyutëkooy ets winë yajmä'tstaay, ets ko ojts ja mja'ay ja jëën tsip ets yuu xëëw yaj'ookëtë. ¿Pën ënät mpa'ëyowëtëp? ¿Pën ënät myajjotkujkëtëp?

Lamentaciones 1:16

Je'eyës xyajyaxnë. Je'eyës yë nwiin nëë kyä'änë, ka'ap maa pën pënës xyajjotkujkëp, pënës xyajxäjku'tëp. Xit ko'owës ja n'u'unk n'ëna'k të jyajta'atë jä'ä ko ja mëtsip ni'ik ja myëkëty.

Lamentaciones 1:2

Tu'ktsu'um jyi'iy yä'äxy; pëyë'ktëëp yë wyiin nëë ma y'apënuukyën. Nitu'uk yë y'atsoky ja'ay kyajjotkujkmo'oyë. Aak tëë yë y'ëxmajtsta'ayë mëti'ipë ijty mëët oy nyämyäyën; myëtsip të y'awinpijta'atë.

Lamentaciones 1:21

Njamëtoowtëp yë ja'ayës koos n'ëjy ntu'uky, je'eyëp ko ni pënës xykyaniminy mëti'ipës xyajjotkujkta'akëpën. Nyija'awëtyääytyëp yë nmëtsipës koos o'ktëy njaty nkëpety ets nmëtsipës je'eyë xyoontä'äky ko tnijawë'aty mijtsës xytyuunp. Yajmin ja xëëw po'o mëti'ipë të xynyikäjpxyën ets wä'än näjyëtu'un tjatë tkëpätë tä njaty nkëpetyën.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Lamentaciones 2:13

¿Pën mëët nëk ijxkijpxëty wi'ix mjaty mkëpetyën mijts Sión kajpn, oypyë mkëxë'ëkyën? Mëjwiin këjää të m'ëyo'onpaaty; ¿pën m'ëk yajjotkujk'atëtëp?

Lucas 10:39

Ets ja myëkä'äx tu'uk, Maria xyëëwajtyp; yë'ë ojts Jesús wyintum nyaaxweetsy ets tmëtoow'ity wi'ix y'ënä'änyën.

Lucas 10:42

Je'eyep ko tu'ukyë je'eyë mëti'ipë kopkpëkyën. María yë'ë të twin'ixy mëti'ipë ni'ik kopkpëkyën ets ka'ap tjëkyepy pën pyëjkxëtëty.

Juan 1:19

Ënet ja jutiis ja'ayëty mëti'ipë jam Jerusalén kukajpnajtëpën tkäjxtë ja teetytyëjkëty ets ja tsajptëjk mëtuunpëtëjkëty ma ja Juankën ets tyajtëëwtë pën yë'ë.

Juan 11:1

Tää ijty tëëyëp tu'uk ja pa'amja'ay mëti'ipë xyëëwajtypyën Lázaro, Betania kyukajpnëty, ma ja Maria kyukajpnëtyën ets ja myëkä'äx Marta.

Juan 11:31

Ja jutiis ja'ayëty mëti'ipë ënety jyämyëët'ajtëpën ja Maria jam ma tyëjkën, ko t'ijxtë ko ja Maria pyëti'ky ets pëyi'ikyë tsyo'ony ënät tpatso'ontë jä'ä ko jëtu'un myäytyë tyajtë ko ja Maria jam nyijkx ma ja o'kpë të nyaaxtëkën ets jam tniya'axa'any.

Juan 11:33

Ko ja Jesús t'ijxy ko ja Maria yä'äxy mëët ja jutiis ja'ayëty mëti'ipë ënety mëët të myinyën ënät ja Jesús ojts y'amutskë,

Juan 11:36

Tä ja jutiis ja'ayëty y'ënantë: Ixtë, tsyojkpy ijty mëk.

Juan 11:45

Paaty ja jutiis ja'ay ojts may tmëpëktë ja Jesús mëti'ipë ja Maria ojts tjämyëët'atën jä'ä ko t'ijxtë mëti'ipë ja Jesús tyuunën.

Juan 11:8

Ja y'ijxpëjkpëtëjk jëtu'un y'ënëmaayë: Wintsën, tyaa naamnëm yë Judá ja'ayëty mjakuka'atsa'anëtë, ¿ets jam jatëkok mnëjkxankojnëpë?

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

2 Corintios 1:4

Yë'ë xyjyotmëkmo'oyëm ko nyajpatmëty ëyo'onjoty ets jëtu'un nyajjotkujk'ajtmëty näjyëtu'un mëti'ipë ëyoowtëpën ijxtëm ja Dios Teety të xyajjotkujk'ajtëmën.

1 Tesalonicenses 4:18

Näjyotmëkmo'ojëtë nixim niyam mëët ya'atë aaw ayuk.

1 Tesalonicenses 5:11

Paaty, näyjyotmëkwinkajpxëtë ets näyjyotmëkmo'ojëtë nixim niyam, jëtu'un ijxtëm jam xytyuntën.

1 Samuel 31:13

Ja kuyjaam mëti'ipë ojts wyintooykyëtä'äkyën jam ojts tyajnaaxtëkëtë Jabés, ma tu'uk yë kepypya'tkën. Wëxtujk xëëw y'ayuu'ajtë, tmëkjawëtë ko ënety ja o'kën tëko'oyën të y'ity ma ja Saulën mëët nitëkëëk ja myaank.