Juan 10:30 - Biblia Dc en Mixe de Quetzaltepec

³⁰ Dios Teety ets ëjts, tu'ukyë ëëtsëty.

Biblia Mixe de Quetzaltepec

³⁰ Tios Teety ets ëjts, tu'ukyë ëëtsëty.

Juan 10:30 Iomraidhean Croise

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Juan 10:29

Mëti'ipës ja nTeety të xymye'eyën ni'ik myëjëty këtiinëm tii, ets ka'ap pën myäyëtëty pyëjkëtëty.

Juan 10:36

E pën ëjts tëëjës ja Dios xykyënu'kxy ets yë'ëjës të xykyexy yaa naaxwiiny, ¿tii ko m'ëna'antë ko Dios nmëtëkoyës koos nätyijyë ko yë'ë xy'u'unkëtyës?

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Juan 14:9

Ënet ja Jesús y'ëtsoowë: Felipe, tëë miits yaa jeky nmëët'atë, ¿ets ka'anëm xy'ixy'ätyësë? Pën të xy'ijxyës, tëëjën ja t'ixy ja Dios Teety. ¿E tii ko m'ëna'any ko ntuk'ixëty ja Dios Teety?

Juan 16:15

Tu'kë'ëyë mëti'ipë ja Dios Teety myëët'ajtypyën, ëjts yë'ë njä'a näjyëtu'un. Paatyës të n'ëna'any ko ja Kënu'kxymyëkajtën t'ëxajëty mëti'ipës ëjts njä'ä'ajtypyën ets miits myajtuknijawëja'antë.

Juan 17:10

Tu'kë'ëyë mëti'ipës njä'ä'ajtypyën aakmijts yë'ë mjä'ä; ets mëti'ipë mijts mjä'ä'ajtypyën ëjts yë njä'a; ets ja nmëj'ajt n'oyajtënës nikëxë'kp jam ma yë'ëjëtyën.

Juan 5:17

E jëtu'un ja Jesús ojts nyë'ëmxëtë: Yë nteetyës xëmë të tyuny, paatyës ëjts näjyëtu'un winë ntunyës.

Juan 5:23

e ja Dios U'unk näjyëtu'un yajwintsë'ëkëty ijxtëm ja Dios Teetyën. Pën ka'ap twintsë'ëkë ja Dios U'unk, nän ka'ap twintsë'ëkë ja Dios Teety mëti'ipë kyejxypyën ja Dios U'unk.

Juan 8:58

Ets ja Jesús tyaa y'ëtsoowëtë: Tëy miits nëëmëtë, naamka'anëm ja Abraham ënety myëxu'unk'atynyëm, koos ëjts njääjëty.

Deuteronomio 6:4

Mëtoow'it, ënät tyam mijts Israel ja'ayëty: Yë nWintsën'ajtëm Dios tu'ukyë je'eyë Wyintsën'aty.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

1 Juan 5:7

Tëkëëkpëky nmëët'ajtëm mëti'ipë yajtëytyëjkëpën ko ja Dios t'U'unkëty ja Jesús.