Juan 10:28 - Biblia Dc en Mixe de Quetzaltepec

²⁸ Ëjts nmooytyëp ja juukyajtën xëmëkyëjxmëpë, nijëna'a kyakutëkoytyëty ets ni pën xykyapëjkëtyës.

Biblia Mixe de Quetzaltepec

²⁸ Ëjts nmooytyëp ja juukyajtën xëmëkyëjxmëpë, nijëna'a kyakutëkoytyëty ets ni pën xykyapëjkëtyës.

Juan 10:28 Iomraidhean Croise

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Salmos 31:5

Mijts nkë'ëmoopy yë njot nja'awënës; Yaj'ëwaatsëpëtsëëmkës, Wintsën, mëtëypyë Tios'atyën.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Proverbios 24:16

Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Isaías 27:3

Ëjts Wintsën, ëjts nkëwent'ajtyp ets ëjts xëmë nyajxo'kpy. Xëëny kootsës nkëwent'aty këtiipë tsyë'ëtsëty wyintëkoyëty.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Jeremias 31:3

jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënety wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Dios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Dios të wyin'ixyën.

Lucas 23:46

Tääts ja Jesús mëk yujk'ënany: Dios Teety, mijts ntukë'ëtëjkëp yë njot nja'awënës. Ko jëtu'un y'ënaantaay, tääts y'o'ky.

Juan 10:29

Mëti'ipës ja nTeety të xymye'eyën ni'ik myëjëty këtiinëm tii, ets ka'ap pën myäyëtëty pyëjkëtëty.

Juan 11:25

Ënet ja Jesús y'ënëmaayë: Ëjts yajjuukpyëjkpë, ëjts nyäjkpy ja juukyajtën. Pën ëjts xymyëpëjkp, oy jya'ooky, juukpyëkaanp jatëkok;

Juan 14:19

Tim jawäänë jëtu'un, ets ka'ap nëjkx xy'ëk'ijxnëtës mëti'ipë yi'iyë naaxwiinypë myëmaay myëtajtëpën; e miitsëty nëjkxëpës xy'ixtë ets mjuuky'attëty jä'ä koos juuky'ajtpës.

Juan 17:2

Jä'ä ko mijts të xymyo'oy ja kuttujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Juan 18:9

Paaty ya'atë jëtu'un tyuunë jyajtë ets y'atëwëty ko ja Jesús ojts kë'ëm y'ënä'äny: Mëti'ipës mijts të xymye'eyën, nitu'uk të kyatëkoy.

Juan 3:36

Pën ja Dios U'unk myëpëjkpy, yë'ë myëët'ajtyp ja juukyajtën xëmëkyëjxmëpë; e mëti'ipë ka'ap tmëpëkyën Dios U'unk, ka'ap tmëët'ata'any ja juukyajtën xëmëkyëjxmëpë, yë'ë y'ëxajëjäämpy ja Dios ja tyiytyu'unën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Dios Teety yë kuttujkën të myo'oyë.

Juan 6:37

Tu'kë'ëyë mëti'ipës ja nteety të xymye'eyën, ëjts xynyimiinp; ets pën xynyimiinpës, nijëna'ajës nka'ixkäxëty.

Juan 6:47

Tëy miits nëëmëtë ko pën xymyëpëjkpës, yë'ë myëët'ajtyp ja juukyajtën xëmëkyëjxmëpë.

Juan 6:68

Ënet ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Hechos 7:59

Tam ënety tkuka'atstë ja Esteban ko ja Dios tmëpëjktsooy ets y'ënäny: Wintsën Jesús, mijts ntukë'ëtëjkëp yë nja'awënës.

Romanos 5:17

Pën paatykyëjxm jyää'ajty ja o'kën ko tu'ukpë ja ja'ay pyokytyuuny. Ni'ik ja Dios, mëët ja tsyojkën jya'awën namëyajtënpë tyajwa'atsa'any ja mayjyä'äy, ma y'ënä'äma'anyën xëmëkyëjxm tu'ukpë ja ja'ay, ja Jesukristë.

Romanos 5:2

Mëët ko ja Kristë të nmëpëjkëmë paaty të tjëkyepy wi'ix nmëwinko'onmëtyën ja Dios, ets xoontä'äky nyajpatmëty ko të xypya'ëyo'owëmë, mëk ja mëpëjkën nmëët'ajtmëty, ets amëj akëjxm njëjp'ijxmëty ja Dios ja myëj'ajt y'oyajtën.

Romanos 5:21

Jëtu'un ijxtëm ja poky ojts y'ëne'emyën mëët ja o'kën, näjyëtu'un ja Dios ja y'oyjyot y'oywyinma'any ojts mëtëy y'ëne'emy ko tyajmiiny ja juukyajtën xëmëkyëjxmëpë, mëët ja Jesukristë ja xyëëw.

Romanos 5:9

Ets tyam ko tëë ja Dios wa'ats xyajwë'ëmëmë ko ja Kristë të xykyu'o'këmë, wäänëni'ik ëëts njëjp'ijxëm ko mëët ja Kristë ka'ap npaata'anëmë ja Dios ja tyiytyu'unën.

Romanos 6:23

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Romanos 8:1

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

Romanos 8:29

Mëti'ipë tëëyëp ja Dios y'ixy'äjtypyën ets ojts tuknipëjktaakë ko t'u'unk'ata'any; jëtu'un ja y'u'unk mëj y'itëty ma nimay ja myëkä'äxtëjkën.

Deuteronomio 33:3

Jä'ä ko Wintsën tsyojkpy jya'ap yë nyaax kyajpn, xëmë tkëwent'aty mëti'ipë nakyuwanëpën jam ma yë'ëjën tu'ukyë. Mëti'ipë jëjp'ijxp tim ijtëpën, oy tii yajtuk'ënä'ämtë.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

2 Tesalonicenses 2:13

E ëëtsëty xëmës nkukajpxëtë ja Dios mëët miitskyëjxmëty, jëëky mëku'ukëty mëti'ipë Dios tsojkëtëpën; jä'ä ko yë'ë të mwin'ixëtë ets jëyëjp xypaatëty ja nitsokën mëët ja Kyënu'kxymyëk'ajtën, mëti'ipë mëtëyën ets mëti'ipë të myajpokywya'atsëtën ko të xymyëpëktë.

1 Timoteo 1:16

Paaty ja Dios të xypya'ëyoyës ets ja Jesukristë tyaj'ixëtëty ma ëjtsën ja myä'kxtujkën. Jëtu'untsës nyajnikëxë'ëky ma ja mëpëjkpëtëjkëtyën ko yajpaata'any ja juukyajtën xëmëkyëjxmëpë.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

1 Juan 1:2

Tääpë juukyajtën tëë nyänyikëxë'ëkyë: tëë kë'ëm n'ijxëmë ets tëë nnikajpx nimëtyakëmë, ets tëë ntuk'ëwaanëtë ya'atë juukyajtën xëmëkyëjxmëpë, mëti'ipë ënety yajpatpën mëët ja Dios Teety tëëpë nyajtuk'ijxëmë.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

1 Juan 2:25

Ets yë'ë ya'atë mëti'ipë ja Wintsën Jesukristë të xytyukwinwa'anëmën, ja juuky'ajtëm xëmëkyëjxmëpë.

1 Juan 5:11

Ya'atë mëpëjkën yë'ë xytyuknija'awëm ko ja Dios të xymyo'oyëm ja juukyajtën xëmëkyëjxmëpë, ets ya'atë juukyajtën jam yajpaaty ma y'U'unkën.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Dios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Judas 1:21

Näy'ijx'itëtë näkyëwent'atëtë, näyaj'itëtë mëët ja Dios ja tsyojkën, tyam xyjyëjp'ixtë ja Wintsën Jesukristë, mëti'ipë mëët ja pa'ëyo'owën xymyo'oja'anëmën, ja juukyajtën xëmëkyëjxmëpë.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.