Juan 10:18 - Biblia Dc en Mixe de Quetzaltepec

¹⁸ Ka'ap pën xypyëjkës ja juukyajtën, koos nyäky nkë'ëmtsojkënës jëtu'un. Nmëët'ajtypyës ja kuttujkën etsës nyakëty etsës n'ëxajëty jatëkok. Jëtu'unës ja nTeety të xymyo'oy ja ënä'ämën.

Biblia Mixe de Quetzaltepec

¹⁸ Ka'ap pën xypyëjkës ja juukyajtën, koos nyäky nkë'ëmtsojkënës jëtu'un. Nmëët'ajtypyës ja kutujkën etsës nyakëty etsës n'ëxajëty jatëkok. Jëtu'unës ja nTeety të xymyo'oy ja ënä'ämën.

Juan 10:18 Iomraidhean Croise

Juan 10:11

Ëjts jëtu'un ijxtëm ja oypyë kupixyny këwent'ajtpën. Ja oypyë kupixyny këwent'ajtpë kyu'o'këp ja kyupixyny;

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Dios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Juan 10:17

Xytsyojkpës ja nteety, jä'ä koos nyäky ja njuukyajtën ets jatëkok n'ëxajëja'anyës.

Juan 14:31

kopkpëky ko jëtu'un tyunëtëty jyatëtëty, ets tëkokyë ja'ay nija'awëtya'atëty koos yë'ëjës ntsojkpy yë Dios Teety ets koos yë'ë ntuny mëti'ipës të xytyuk'ëne'emyën. Pëtë'ëktë ets ja'amtë.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Juan 19:11

Ënet ja Jesús y'ëtsooy: Mijts nitii kuttujkën xykyamëët'aty ma ëjtsën ko jeexyë ja Dios ka'ap të mo'oyë ja kuttujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Juan 5:26

Jëtu'un ijxtëm ja Dios Teety tmëëtëty ja juukyajtën, näjyëtu'un ja y'U'unk tëë tmo'oy ja juukyajtën kë'ëm,

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Dios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Hechos 2:24

E tëë ja Dios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Hechos 2:32

Tëëts ja Dios tyajjuukpyiky ja Jesús, ëëtsajtëm tëë wa'ats n'ijx nija'awëmë.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Dios tëë yajjuukpyikyë ets ëëtsëty tëëjës kë'ëm ntimy ixtë.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.