Juan 1:6 - Biblia Dc en Mixe de Quetzaltepec

⁶ Ojts tu'uk ja'ay jyuuky'äty, Juan xyëëwajt, Dios ojts kyexyë.

Biblia Mixe de Quetzaltepec

⁶ Ojts tu'uk ja'ay jyuuky'äty, Juan xyëëwajt, Tios ojts kyexyë.

Juan 1:6 Iomraidhean Croise

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Mateo 11:10

Yë'ë Juan yajnimëtyakp ma ja Dios ja y'aaw y'ayuk myinyën kuja'ay, ko y'ënä'äny: Tyamës jëwyiin nkexy tu'uk ja nkäjpxynyajxpës ma mijtsën, ets ja mnë'ë mtu'u tnipëjktaakëty.

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Dios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

Lucas 1:76

E mijts, u'unk maay, jä'ä nëjkx myajtijy: Dios ni'ik këjxmëpë kyäjpxynyajxpë, jä'ä ko jëyëjp mnëjkxa'any ma ja Wintsënën ets xynyipëjktaakëja'any ja nyë'ë tyu'u,

Juan 1:33

Ka'apës ënety ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënety mëti'ipë nëjkx yajnëëpetyën mëët ja Kënu'kxymyëkajtën.

Juan 3:28

Ojts miits kë'ëm xy'ixtë ko ojts n'ëna'anyës koos ka'ap ëjts nKristëty, je'eyës jëyëjp të nyajkexy.

Hechos 13:24

Naamka'anëm ënety ja Jesús myëxu'unk'atynyëm, ënät ja Juan Yajnëëpäjtpë ojts tkajpxwä'kxy ets ja Israel ja'ayëty ja y'ëxëëk winma'any t'ëxmatstëty ets nyëëpätëty.