Josue 7:2 - Biblia Dc en Mixe de Quetzaltepec

² Yë'ë Josué ojts jëyëjp tkexy yë ja'ay jam Aí mëti'ipë tso'ontën Jericó ets nëjkx t'ixtë tuntë ja naax kajpn wi'ix yajpaatyën, tääpë kajpn a'oytsyow ënety wyi'imy mëët yë Betel, winkon ma txëëwatyën Bet-avén. Ja ja'ayëty ojts jam nyëjkxtë ets ojts y'ixtë tyuntë.

Biblia Mixe de Quetzaltepec

² Yë'ë Josué ojts jëyëjp tkexy yë ja'ay jam Aí mëti'ipë tso'ontën Jericó ets nëjkx t'ixtë tuntë ja naax kajpn wi'ix yajpaatyën, tääpë kajpn a'oytsyow ënäty wyi'imy mëët yë Betel, winkon ma txëëwatyën Bet-avén. Ja ja'ayëty ojts jam nyëjkxtë ets ojts y'ixtë tyuntë.

Josue 7:2 Iomraidhean Croise

Génesis 12:8

Ënet ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënety wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Dios ja xyëëw.

Génesis 28:19

Ma tampë ja it naaxwiinyëtën tam ënety tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

1 Reyes 12:29

Ënet tu'uk jam tpëjktäky Betel ets tu'uk jam Dan.

Nehemías 11:31

E ja jyä'äy ja Benjamín jam tsyënaaytyaknpëjktë Gueba, Micmás, Aías, Betel mëët ja nyinaax nyikamtëjk;

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Proverbios 24:6

Jëtu'un ko yë tsip yajniwinmayë, jëyëjp yë ja'ay yajxon tmëmay tmëtajy; e ko pën myëtä'äky jam tsipjotm, paatykyëjxm myëtä'äky jä'ä ko nyimay'atë mëti'ipë najts'ë'ëw najtskajpxëtëpën.

Isaías 10:28

Jam jyä'ty Aíat, Migrón nyäxy, jam Micmás ja tsyimy kyi'iy tyajwë'ëmy,

Jeremias 49:3

Jë'ë ya'ax mijts Hesbón kajpn, ko tëë ja Aí kajpn kyutëkoy. Nasyaaxëtë miitsëty to'oxytyëjkëty mëti'ipë jam Rabá kukajpnajtëpën. Tuktëkëtë ja mwit mtujkxyëty mëti'ipë kuump u'kxpën ets mnäkyätykyupëtëty. Jëtu'un mpëyë'knax mpëyë'ktëkëtëty tä jeexyë mpojëtën, yajtsëtyutë mjot mnini'kxëty. Jä'ä ko ja Milcom mëti'ipë m'ëwtajtëpën, wiink naax wiink kajpn të yajmënëjkxy tsumy matsy mëët ja teetytyëjkëty ets ja ja'ayëty mëj'äämpyë y'itën.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Efesios 5:15

Paaty nëëmëtë niwijy nikejy winë xytyuntëty. Ka'ap jëtu'un mjuuky'atëty tä tsuuja'ayën, wijy kejy myajpaattëty.

Josue 12:9

E tyaa yajnikäjpxy mëti'ipëjaty ja yajkutujkpëtëjk ojts ka'ap myëta'aktën; ojts y'ooktë mëti'ipë jam ënä'ämpën Jericó ets Aí mëti'ipë myëwinkon'ajtëpën yë Betel,

Josue 18:12

Ja tsyëpa'anëty jam ojts tsyo'ontä'äky anëkëjxmtsow ma ja Jordán mëjnëë jyënäkyën ets jëtu'un tkunaxy yë Jericó y'itjot anëkëjxmtsow ets tyimnëjkxy, kyopktëkë jamtsow anajnytsyow ets pyëtsimy ma ja Bet-avén të'ëts'itjotmën.

Josue 2:1

Jam ënety yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënet ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Josue 7:3

E ko wyimpijnëtë tä t'ënëmaaytyë ja Josué: ka'ap kyopkpëkyëty nyëjkxta'atëty yë ja'ay tsiptuunpë ets Aí kajpn yajnitëkëty. Jyëkyejpy je'eyë nyëjkxtëty mäjtsk mil ëkë tëkëëk mil, këtii ja'ay xykyäjxta'ajëty, jä'ä ko mëti'ipë kyuwantëpën yë kajpn niwäänë jam yajpaatë.

1 Samuel 13:5

Yë filistejë ja'ayëty näjyëtu'un ojts nyäyajmujkta'ajëtë ets mëët tsyiptuna'antë ja Israel ja'ayëty. Ja ënety tmëët'atë i'px majk mil yë pujxnwintëkäämpë mëti'ipë myëtsiptuuntëpën, nitëtujk mil mëti'ipë jëyujk këjxy nëjkxtëpën ets ja mëti'ipë tekyye'epy nëjkxtëpën jëtu'un nyimay'ajnëtë nëë'ajinën. Tä nyëjkxta'atë jam Micmás ets jam awinmtsow Bet-avén, jam y'ijtakn tyaj'ixtaktë.

1 Samuel 14:23

Jampaat ojts jya'ajnëtë tsiptuunpë ma txëëwatyën Bet-avén, jëtu'un'äämpyë ojts yë Wintsën tyajtso'oky yë Israel ja'ayëty jä'ä xëëw.

1 Samuel 30:27

Ojts näjyëtu'un tuknikexy ja näynyamo'ojë ja myëku'uktëjk mëti'ipë jam yajpatëpën Betel, Ramot ma Négueb y'itjotmën, jam Jatir,