Josue 3:5 - Biblia Dc en Mixe de Quetzaltepec

⁵ Tä yë Josué y'ënëmaayëtë: Näyajwa'atsëtë Dios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.

Biblia Mixe de Quetzaltepec

⁵ Tä yë Josué y'ënëmaayëtë: Näyajwa'atsëtë Tios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.

Josue 3:5 Iomraidhean Croise

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Dios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Dios ëkë muum tëkatsy myäytyë tyajtë.

Salmos 77:15

Mëët yë mmëkajtën ojts xyjyuuty yë mnaax mkajpn jam o'kënjëjp'am, yë y'u'unk y'ëna'k yë Jacob ets José.

Salmos 86:10

Jä'ä ko tu'uk mijts mTiosëty, e mijts janty mëj ets mëj këjää yë mëj'ajtën xyaj'ixyë.

Joel 2:16

yajmuktë yë Wintsën yë nyaax kyajpn ets yajwa'atstë yë mjuukyajtënëty; winwoowmuktë yë mëjja'aytyëjk, yë pi'k ëna'ktëjkëty ets mëxu'unktëjkëty mëti'ipë tsi'tspnëmën. Yë'ëpaat yë mëti'ipë naanpëkëtyën wä'än jap tpëtsëmtë ma tyëjkëtyën ma jap mya'atë pyo'kxtën.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Josue 3:13

Ko yë teetytyëjkëty ëka'any kyuwa'akëtëty nëëjoty mëti'ipë ja kaaxë kyiiynyëjkxtëpën, mëti'ipë ja käjpxytyu'unën myë'ijtypyën, ënät ja nëë nyäwya'kxa'anyë mäjtskpëky: tu'kpëky anëkëjxytsyow ets tu'kpëky ëpa'tkë'ëytsyow ets kyëxë'ëka'any jëtu'un yowë ja nëë nyäwyimpijtmukyë.

Josue 3:4

Jëtu'un'äämpy xynyijawëtëty mëti'ipë tu'u mëpaat xypyanëjkxtë, jä'ä ko ma tääpë it naaxwiinyëtën, ni pën jää kyatëkënëm. Tii tëy, ka'ap nëkoo xymyëwinkontëty yë kaaxë mëti'ipë käjpxytyu'unën myë'ijtypyën, jëkäm xypyaye'eytyëty, jä'ä xymyëjëkäm'atëty tëtujk mëko'px ja tëkë'px tëtujk xajpk ja mäjtsk kë'ënuxën.

Josue 3:6

Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënet ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

1 Samuel 16:5

Jëtu'un, oypyës yë jot winma'any nmëmiinpy nyajmiinpy, jëtu'un y'ëtsooy yë Samuel. Yë Wintsën Dios yë'ë wyintsë'kën nmo'ojäämpyës. Paaty tyam näkyajpxkëxë'ëkëtë wa'ats ma Tiosën etsës xyjyämyëët'atëty maas ja wintsë'kën nyajka'anyën. Ënet ja Samuel ojts tkajpxkëxë'ëky ma Tiosën wa'ats ja Jesé, mëët ja y'u'unk y'ëna'k ets twoowtaay, tääts mëët ja wintsë'kën tyaka'any.