Josue 2:9 - Biblia Dc en Mixe de Quetzaltepec

⁹ Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

Biblia Mixe de Quetzaltepec

⁹ Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

Josue 2:9 Iomraidhean Croise

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënety winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.

2 Samuel 17:10

Yë'ëpaat yë ja'ay mëti'ipë näjya'awëyëpën jotmëk, jëtu'unpë myëkëtyën tä tu'uk yë kaa jëyujkën; nëjkxëp ja wyinmaaytyëkatsy, jä'ä ko yë ja'ayëty nyija'awëtyëp ko yë mteety tsip'ixy ets aakjëtu'un yë tsyiptuunpëtëjk.

2 Reyes 5:15

Ënet ja Naamán ets ja jyä'äy ojts ninëjkxtë ja Elisejë. Ko jam jyä'äjty ma ja Elisejë yajpaatyën, ënät ja Naamán t'ënëmaay: Ëjts tëëjës ënät yajxon nijawë ko ka'ap maa wiinkpë Wintsën jaakmëjpë jëtu'unpë tä mëti'ipë yajpatpën ma Israel nyaax kyajpnën. E tyam mijts npëjktsoy ets xytyunëty yë mëyajtën xykyupëkëty ya'atë näynyamo'ojë mëti'ipë të ntukniminyën.

2 Reyes 7:6

E tsyaats ojts tyunyë jyätyë, yë Wintsën ënety kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

Nehemías 6:16

Ja mëtsip ojts tnijawëtë ets ja naax kajpnëty mëti'ipë mëët ja näpyaatë y'ityën ma naax tsëpa'anën ojts tsyë'ëkëtë, ja myëj'ajt kyëjxm'ajtënëty jëtu'unyë ojts nyaaxkumo'onëtyä'äy tä aay kepy nyaaxkupu'utën, jä'ä ko nyija'awëtyë ko ya'atë tuunk yë'ë ënety mëët ja Wintsën ja pyutëjkën të wyintu'upëky.

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Job 19:25

Ëjts nija'apës ko juuky yajpaaty mëti'ipës xypyukajpxëjaanpën ets yë'ëjës xynyikajpxtu'utaanp yaa naaxwiiny naaxkëjxy.

Salmos 112:10

Yë ëxëëk ja'ay ëxëëk nyäjyawëty ko muum y'ixyë, yë ëxëëk ja'ay ka'ap tjëkyepy tii tunëty paaty je'eyë tyëts t'akä'pmuky; yë ëxëëkja'aytyëjk oy tii tjatsojkën'atëty ka'ap tii tpaata'any.

Salmos 115:16

Yë tsajp, Dios yë kyë'ë'am'ajtyp, ets naaxwiinyëtë ja'ay ojts yajtukë'ëtëkë.

Éxodo 18:11

ma ënety o'ktëy mjatën mkëpätën. Tyamës ënät yajxon njanty nyijawë ko yë Dios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Éxodo 23:27

Ëjts nyajkutukëp ets oypyënëty nëjkx mtsë'ëkëty mjawëty, oy ënety maanaax maakajpn mtimnyäxy, yë mëtsiptëjk jëtu'unyë mkukä'äk mkuputëtëty.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Dios y'ëwtajtypyën oy jyuuky'äty;

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Isaías 23:5

Ko ënety ja Egiptë ja'ayëty tnijawëtë wi'ix ja Tirë kajpn jyajnën kyëpäjnën, nëjkxëp tmëkjawëtë,

Jeremias 27:5

Mëët yë mëj'ajtën kuttujkën ojts nyajkojyës yë naaxwiinyëtë; yë ja'ayëty ets jëyujkëty mëti'ipë jam yajpatëpën, njëkyejpyës pën nmo'ojëty mëti'ipës ënety nmo'ojäämpyën.

Nahúm 2:10

Yë Nínive kajpn jä'ä yajpaaty aanë'ëk tëëtsë'ëk, mon tuk ets jë'ë ya'ax. Aak tsë'këtyëp yë ja'ay ets aak je'eyë myontë tyuktë, jëtu'un yaj'ijxnëtë tëë yowë myëjaawkukëjxënëtë ets aak tsuxk wi'ixnë yaj'ijxnëtë.

Mateo 20:15

ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Deuteronomio 11:25

Ni pën nëjkx xykyayajmëta'aktë ko ënety mtsiptuntë. Jä'ä Ko yë Wintsën yë'ë yajkëta'akäämpy yë mëktsë'ëkë ma mmëtsiptëjkëtyën ma ënety muum mnaxtën, jëtu'un tä të twinwanën.

Deuteronomio 2:25

Ëjts yam jëtu'un ntuknipëjktakëp ets tëkokyë yë naax kajpn mtsë'ëkëtëty. Ko tmëtoy'atëty mwinkontë, jëtu'un tsyëyuuypyëjkta'atëty ets ka'ap jyotkujk'atëty mëët ja tsë'ëkë.

Deuteronomio 28:10

Ënet nëjkx ja ja'ayëty tnijawëtë, mëti'ipë wiink naax wiink kajpn yajpatëpën, ko ma miitsëtyën yajmëjja'ap yë Wintsën yë xyëëw ets ko jëtu'un tnijawë'atëty ka'ap nëjkx nëkoo mëmayëtë jä'ä ko myëët'atëp ja tsë'ëkë ma miitsëtyën.

Deuteronomio 32:8

Tëëyëp, yë Dios Ni'ik Këjxmëpë, ojts tyajwä'kxy yë naaxwiinyëtë, ets näjyëtu'un yë naax kajpn, ko ojts tyajnämyä'kxyë, ënät ojts tpëjktä'äky ja nyitsëpa'an. E ja Israel ja'ayëty ka'ap ojts tja'atyëkoy, ni'ikyë tsojky tja'awëy.

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Dios kyamëmëtoowtëpën, jä'ä ko tëë ënety oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Josue 2:11

Ko yajmëtoy'äty ko miitsëty ni pën mkawinkuwa'akëja'anëtë, ni'ikyë ja'ay tsyë'ëkëtë. Jä'ä ko Dios mëti'ipë mTiosajtëpën, jëtu'un Tyios'aty yaa naaxwiiny tä jam tsajpjotmën.

Josue 2:24

Y'ënantë: tääpë it naaxwiinyëtë tëë Wintsën xymyo'oyëmë. Yë ja'ayëty jampë tsyëënëtën tëë tsë'ëkë tyuktëjkëtya'ajëtë mëët ëëts'ajtëmë.

Josue 2:8

Ka'anëm ënety myaanaxtënëm mëti'ipë të nyëjkxtën ijxpë tuunpë, ko ja Rahab jap tëjkëjxy nyipäjtëtë ets y'ënëmaayëtë.

Josue 5:1

Tëkokyë yë yajkutujkpëtëjk mëti'ipë ënety jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënety ja Dios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Josue 6:2

Paaty ja Wintsën t'ënëmaay ja Josué: mijts yam ntukë'ëtëjkëp tääpë naax kajpn mëët yë nyiyajkutujkpë ets tsyiptuunpëtëjk.

Josue 9:10

ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

Josue 9:24

Ënet t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënety ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Dios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

Josue 9:9

Tää y'ëtsoowtë: Ëëtsëty jëkäm'it ntsoontës, nimintë yaa miitsëty mëët ko ja mWintsën Dios mëj'äämpy yajnikäjpxy jamtsow muum, tëëjës nijawë'atë ko ojts ja myëj'ajtën tyaj'ixyë mëjwiin këjää jap Egiptë,

Jueces 7:14

Ets ja myëku'uk y'ëtsoowë: Tääpë yë'ë nyikäjpxyp yë Gedeón yë yenypyujxn, yë Joás yë myaank, yë Israel ja'ay. Yë Dios tëë kyë'ëyakëtë yë Madián ja'ayëty mëët tëkokyë yë wyitëjkëty ets jyëyujk tsyajpkaajëty ma Gedeónkën.