Josue 2:6 - Biblia Dc en Mixe de Quetzaltepec

⁶ E ja to'oxytyëjk nëkoopë ojts je'eyë wyin'ëëny, jä'ä ko ja nimäjtskpë ja Israel ja'ayëty jap ënety tëjkëjxy të tyu'utsy ets të tnipe'eny mëët yë ujtstë'ëts mëti'ipë ja'ay yajwitkojpyën.

Biblia Mixe de Quetzaltepec

⁶ E ja to'oxytyëjk nëkoopë ojts je'eyë wyin'ëëny, jä'ä ko ja nimäjtskpë ja Israel ja'ayëty jap ënäty tëjkëjxy të tyu'utsy ets të tnipe'eny mëët yë ujtstë'ëts mëti'ipë ja'ay yajwitkojpyën.

Josue 2:6 Iomraidhean Croise

2 Samuel 11:2

Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

2 Samuel 17:19

Tä ja Bahurim ja tyo'oxytyëjk tku'ëkëëy ja jut, jam t'o'oxtëëy yë triikë pu'uxm ets ka'ap yaj'ixy tii jap.

1 Reyes 18:13

¿Ti këtiijën pën të mtuk'ëwa'anxëty wi'ixës ojts tëëyëp may ja Wintsën ja myëtuunpë nyajtsokënë, ko ja Jezabel tyaj'o'ky mëti'ipë ja Wintsën myëtuuntëpënë? Ëjts mayës ojts nyu'uty, wëxtyikxy majkjaty ojts mpëjkwa'kxës etsës jap aankjoty mpëjktaktaay japtsës ntukninëjkx ja kyä'äyënëty y'ukënëty.

1 Reyes 18:4

paaty ko ojts ja Jezabel may tyaj'ooky ja ja'ayëty mëti'ipë ja Wintsën myëtuuntëpën, yë Abdías, may ojts tyajtso'oky yë Wintsën mëtuunpëty, wëxtyikxy majkjaty tpëjktäky ets tyu'ty, yë'ë tyim yajkaay.

2 Reyes 11:2

E yë Joseba, yë nyëëx yë yajkutujkpë Joram, yë Ocozías yë y'uty, ojts tkoonyu'utsy yë Joás, yë myaank yë Ocozías; jam ojts tkoontëkoy ma myëkä'äxtëjk jam ja ja'ay yaj'ookëtën ets ojts tukwinkuyu'utsy ja Atalía; yë'ë tyukkë'ëtëjkëy ja tyuunpë, ja to'oxytyëjk mëti'ipë yaj'u'unk'ijxypyën ma jap myä'äyën. Paaty ojts ka'ap tyaj'ooktë,

Éxodo 2:2

ojts ja to'oxytyëjk wyi'imy u'unk mëët ets tyajmiiny tu'uk yë u'unk maay ye'etyëjkpë. Ko ja to'oxytyëjk t'ijxy ko ja y'u'unk myääy janty'oy janty tsuj ets janty'oy janty mëk, ënät tyu'tsy tëkëëk po'o.

Jeremias 36:26

ni'ikyë ojts tni'ënä'ämë ets ja Jeremías ets ja jyääpyë Baruc yajmatstëty. Ets tuknipëjky ja Jerahmeel, yë'ë yajkutujkpëtëjk jyä'äy ets ja Seraías, yë Azriel yë myaank ets ja Selemías, yë Adbeel yë myaank. Je'eyëp ko yë Jeremías ets Baruc ojts yë Wintsën yu'utsëtë, ka'ap yajpatë.

Mateo 24:17

ets pën ënety të pyetyën tyëjkëjxm jä'ä xëëw, ka'ap y'ëkjënajknëty ets tii tyajpëtsëma'anëty jap tyëkoty;

Deuteronomio 22:8

Ko pën tu'uk yë tyëjk tkojëty, jam tëjknëkëjxm nëjkxëp yë pya'a tnapojts'ëwtijtë, këtiipë jam pën y'awa'knaxëty ets pën pyokytyëkëty ma ja ja'ayëtyën mëti'ipë ënety tääpë ja jëën tëjk tyuktsëna'ayëtëpën.

Colosenses 3:3

Jëtu'un tpaaty ijxtëm jeexyë të m'ooktën mëët ja Kristë. Kristë ja mjuukyajtënëty myëët'ajtyp tuknipëjkë'ëkë ma ja Tiosën.

Hebreos 11:23

Mëët ja mëpëjkën, ko ja Moisés myëxu'unk'ajty, ojts ja tyaak tyeety yu'utsyë tëkëëk po'o; kä'äp tsë'këtyë oy ënety ja yajkutujkpë të tjani'ënä'ämë ets ja mëxu'unktëjk y'o'kta'atëty mëti'ipë ye'etyëjkën.

Santiago 2:25

Näyjyëtu'un tyuunë jyajtë mëët ja ku'into'oxy Rahab; ojts ja Dios wa'ats yajnaxyë ko oy winë tuuny; jä'ä ko ojts tyajja'ajtä'äky ja yajkäjpxye'epyë ets wiink tu'u tukni''ijxëy ma ja myëtsip ka'ap pyaatëtëtyën.

Josue 2:5

Jää të nyëjkxnëtë ko të kyootsënyë, jä'ä ko jää yë tëjk'aaw y'ëtuky ma yajnitëkën yë kajpn, e ëjts ka'apës të nyajtëy maatsow të nyëjkxtë. E pën mpanëjkxtëpts ënätyë wä'än xynyajtspaatëtëty.

Josue 2:7

Ënet ja yajkutujkpë ja tyuunpë pëyi'ikyë tsyo'ontë jam kajpntum ets ojts tpanëjkxtë ja tu'u mëti'ipë nëjkxpën ma ja Jordán mëjnëëjën, tyimja'ajtë jam nëë'ëkë'ëm. Je'eyë tsyo'ontë ja tsiptuunpëtëjkëty tääts ojts ja tëjk'aaw ënätyë y'ëtuky ma ja kajpn yajnitëkën.

Josue 2:8

Ka'anëm ënety myaanaxtënëm mëti'ipë të nyëjkxtën ijxpë tuunpë, ko ja Rahab jap tëjkëjxy nyipäjtëtë ets y'ënëmaayëtë.

Josue 6:25

Ja Josué ojts ja Rahab tnime'kxy mëët ja tyaak tyeety ets ja jyiiky myëku'uk, jä'ä ko yë'ë ojts tyu'utsy ja ja'ayëty mëti'ipë ojts ja kajpn t'ixtën tuntën jam Jericó. E tyampaat yajpatëp yë Rahab yë y'u'unk y'ok ma Israel ja'ayëtyën.