Josue 16:8 - Biblia Dc en Mixe de Quetzaltepec

⁸ Jam wiinkpë tso'ontä'äky Tapúah mëti'ipë najxë'kpën anajnytsyow ets jyä'ty ma ja Caná wokën ma mëët nyäpyäätyë ja Mejy Naax'akujkpë. Ya'atë ojts tyuka'ajëtë ja Efraín ja'ay mëti'ipë yajwa'kxtën tä ënety tyu'kmëku'uk'atën.

Biblia Mixe de Quetzaltepec

⁸ Jam wiinkpë tso'ontä'äky Tapúah mëti'ipë najxë'kpën anajnytsyow ets jyä'ty ma ja Caná wokën ma mëët nyäpyäätyë ja Mejy Naax'akujkpë. Ya'atë ojts tyuka'ajëtë ja Efraín ja'ay mëti'ipë yajwa'kxtën tä ënäty tyu'kmëku'uk'atën.

Josue 16:8 Iomraidhean Croise

2 Samuel 2:9

jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

1 Crónicas 7:28

Jam tmëët'ajtë ja nyaax kyamëty ets ja tsyënaaytyaknëty Betel; jam Naarán, a'oytsyowpë wyi'imyën ets Guézer, anajnytsyowpë wyi'imyën; jam Siquem tsyoony tyimja'ty jam Ayah, tëkokyë ya'atë kajpn tu'ukjaty aaktam ja nyinaax ets aaktam ja nyiyuutakn nyituuntakn.

Josue 12:17

Tapúah, Héfer,

Josue 16:9

Ma tääpë it naaxwiinyëtën ojts näjyëtu'un jyam'atë kajpn mëjëtypë ets mutskëtypë ma ja Manasés ja jyä'äyëty tnitänëtën ets ojts yë'ë tjä'ä'atë yë Efraín yë jyä'äyëty.

Josue 17:7

Ja it naaxwiinyëtë mëti'ipë yë Manasés jyä'äy'ajtën jä'ä ënety myëjwiinëty: jampaat tsyo'ontä'äky ma txëëwatyën Aser ets jyä'ty jam Micmetat, yë'ë mëët nyäwyinku'ixëty yë Siquem ets tyimnëjkxy jëtu'un ëpa'tkë'ëmtsow, jyä'ty ma ja nëëwookyën jam Tapúah.

Josue 19:28

jyä'ty jam Abdón, Rehob, Hamón ets Caná, tyimja'ty jam ma Sidón mëj kajpnën.