Josue 12:3 - Biblia Dc en Mixe de Quetzaltepec

³ Yë'ë ënety näjyëtu'un jyä'äniwäämpy ja jampë joyjyot yajpaatyën a'oytsyow ma ja Jordán mëjnëëjën; tsyo'ontä'äky jam ma ja Quinéret mëjnëëjën ets tyimja'ty ma yajtijyën Ooky mëjmejy matsow yajninëjkxyën ja Bet-jesimot ets kyuye'eynyäxy, nyijkxy ëpa'tkë'ëmtsow ets jyä'ty jam ma Pisgá kopkën.

Biblia Mixe de Quetzaltepec

³ Yë'ë ënäty näjyëtu'un jyä'äniwäämpy ja jampë joyjyot yajpaatyën a'oytsyow ma ja Jordán mëjnëëjën; tsyo'ontä'äky jam ma ja Quinéret mëjnëëjën ets tyimja'ty ma yajtijyën Ooky mëjmejy matsow yajninëjkxyën ja Bet-jesimot ets kyuye'eynyäxy, nyijkxy ëpa'tkë'ëmtsow ets jyä'ty jam ma Pisgá kopkën.

Josue 12:3 Iomraidhean Croise

Génesis 14:3

Ya'atë ojts nimëkoxkpë yajkutujkpë nyämyukëtë tu'ktsiptuunpë jam ma naax joyjyotpë txëëwatyën Sitim, ma ja mejy mëti'ipë yajtijpën Ooky Myejy.

Génesis 19:25

Yajkutëkooytyääy tu'kë'ëyë mëti'ipë ënety jam tsënaaytyëpën ets tyajkëjxtaay winëjaty mëti'ipë jam yä'kp päjtpën joyjyotm.

1 Reyes 15:20

Ben-adad ojts tkupëky ijxtëm ja yajkutujkpë Asá y'ënë'ëmxëtyën, paaty tkejxy ja tsyiptuunpëtëjk ets ja Israel kajpn tnitëkëtëty, ojts kanaak ja kajpn tmëmëtä'äky: Iión, Dan, Abel-bet-maacá, tu'kkë'ëyë ja itjot ma txëëwatyën Quinéret ets ma ja Neftalí ja jyä'äy tnitänën.

Ezequiel 25:9

Paatyës nyaj'ëwa'atsa'any tu'uk yë najxtakn ma Moab kyajpnpa'ajën etsës nyaj'atëkoyä'äny yë naax kajpn mëti'ipë tyijtëpën mëj'äämpy ets kumeeny: Yë'ë yaj'antijp yë Bet-jesimot, Baal-meón ets Quiriataim kajpn.

Lucas 5:1

Jam ënety ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Dios ja y'aaw y'ayuk.

Juan 6:1

Ko wäänë y'ijty, ënät ja Jesús ojts nyijkx jamtsow nëë'awinm Galilea mejypyë'am, mëti'ipë näjyëtu'un yajtijpën Tiberias.

Deuteronomio 3:17

Yë'ëjës ojts näjyëtu'un nmo'otë yë Arabá, ëpa'tkë'ëytsyowpë ja naax kam yajpaatyën, ma ja Piskë kopkën ets jam jyëjpkëjxy ma ja Jordán mëjnëëjën. Jam tsyo'ontä'äky ma ja Cineret mëjmejyën ets jyëjpkëxy jam ma ja Arabá mëjmejyën, yë'ë mëti'ipë näjyëtu'un yajtijpën Ooky myëj mejy.

Deuteronomio 4:49

Yë'ë nyitënääpy tëkokyë yë Arabá, mëti'ipë wë'ëmpën jam ëpa'tkë'ëmtsow ma ja Jordán nëëjën ets jyä'ty jam ma ja Ookymyëjmejyën, jam Pisgá kopk'ëjxm.

Josue 11:2

näjyëtu'un mëët ja yajkutujkpëtëjk jampë kopkjotmën anëkëjxytsyowpë, joyjyotypyë ma ja Jordán mëjnëëjën, ëpa'tkë'ëmtsowpë ma yajpaatyën Quinéret mejyën, tëkokyë ma ja joyjyotën ets jënu'un tmëwinkon'atyën ja Dor jamtsow anajnytsyow.

Josue 13:20

Bet-peor, Bet-jesimot ets ja yä'äp'it mëti'ipë yajpatpën ma ja Pisgá kajpnën,

Josue 15:2

Ja tsëpa'an ja jampë ëpa'tkë'ëmtsow tsyo'ontä'äkyën jam ijty kyijpxtsoony ma ja naaxjëjpën mëti'ipë jam yajpatpën ma ja Ooky myejy nyäxyën.

Josue 15:5

Ja mëti'ipë a'oytsyow yajpatpën jam ja tsyo'ontä'äky ma Ooky myejyën ets jyä'ty ma Jordán nëë kyëtä'äkyën, e jamts jatëkok tsyo'ontä'äky wiinkpë ja tsëpa'an mëti'ipë anëkëjxytsyow pa'tëjkëpën,