Josue 12:1 - Biblia Dc en Mixe de Quetzaltepec

¹ Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

Biblia Mixe de Quetzaltepec

¹ Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

Josue 12:1 Iomraidhean Croise

1 Reyes 4:19

Guéber, myaank yë Urí, jam ojts t'atänë ma ja y'itjotmën yë Gad, mëti'ipë ijty nyitënääpyën yë Sihón, jampë ojts y'ëne'emyën ma ja Amor ja'ayëtyën ets jam näjyëtu'un Ok, mëti'ipë jam ënä'ämën Basán. Ojts näjyëtu'un tu'uk ëpëky y'ijtpë ja ja'ay mëti'ipë ni'ëmukë nyiwintsën'ajtën ya'atë ja'ayëty ma tëkokyë ja naax kajpnën.

Salmos 133:3

Jëtu'un tä maanik jam kyä'äyën ma ja Hermón kopkën, jyënäky jëtu'un ma Sión kopkën ets jam ja Wintsën ja juukyajtën winë xëëw winë jëmëjtpë tyajkëtä'äky.

Salmos 136:21

Mëti'ipë kyijpxwa'kxën ja nyaax kyamëty ja yajkutujkpëtëjk, jä'ä ko yë tsyojkën jya'awën winë xëëw winë jëmëjt y'ijtëy.

Salmos 89:12

Mijts ojts xyajkojy yë anëkëjxytsyowpë y'ityën ets anajnytsyowpë yajpaatyën, yë Tabor kopk ets Hermón kopk, akujk jotkujk tkuuy'ëw tkuuyya'axtë yë mxëëw.

Isaías 16:2

Yë Moab ja'ayëty jëtu'un yaj'ixtë kyä'äktë ko jam Arnón nyaxtë tä joonën mëti'ipë nyitso'ontutypyën yë pyä'än ko tii jëyujk y'ëtsë'ëkëty.

Deuteronomio 2:24

Ënet ja Dios y'ënäny: Tsoontë ets xytyuknaxtëty yë Arnón mëjnëë. Ëjts miits ntukë'ëtëkëjantëp yë Sihón mëti'ipë Amor ja'ayën, jampë yajkutukyën Hesbón, mëët tëkokyë yë nyaax kyajpn. Tëkëtë jam ma nyaax kyajpnëtyën ets tsiptuntë mëët yë'ëjëty.

Deuteronomio 2:32

Ja Sihón ojts näjyëtu'un jam tsyo'ompë ma ënety yajpaatyën mëët ja myäytsyiptuunpë ets xynyimiintës jam maas ënety nyajpaatën ets tsyiptuna'any mëët ëëtsëty jam Jahas.

Deuteronomio 3:1

Ënet ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.

Deuteronomio 4:44

Ya'atë yë Moisés ojts tukni''ixë yë Israel ja'ayëty.

Deuteronomio 4:46

Ma ënety jam jyaak yajpaatënëm ëpa'tkë'ëmtsow ma ja Jordán nëëjën, jam joyjyotm winkon ma txëëwatyën Bet-peor ma nyaaxjotmën ja Sihón mëti'ipë yajkutujkpën ma Amor ja'ayëtyën. Yë Sihón jam ënety tsyëënë ma Hesbón kajpnën, e yë Moisés ets Israel ja'ayëty yë'ë ojts yajkutëkoyëtë ko jap tsyo'ontë Egiptë.

Deuteronomio 4:48

Ja nyaaxjotëty jampaat ënety tsyo'ontä'äky ma Aroer itjotmën, nyäxy jam ma Arnón mëjnëëjën ets tyimja'ty ma Sirión kopkën, yajtijp näjyëtu'un Hermón.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënety yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Dios ja tyuunpë, të mo'ojëtën.

Josue 11:17

Ojts tniwä'äky ja naaxwiinyëtë jampë yajpaatyën Halac, ma mëët nyäpyäätyë yë Seir, jampaat Baal-gad, ma ja joyjotmën mëti'ipë Líbano nyitënääpyën ets tyim'ixkëtä'äky jam ma Hermón kopkën. Josué wa'ats tmajtstaay ets tyaj'o'ktaay ja jampë ja yajkutujkpëtëjk,

Josue 11:3

Ojts näjyëtu'un tuntë ja käjpxytyu'unën mëët ja Canaán ja'ayëty mëti'ipë ënety yajpatëpën jamtsow a'oytsyow ets anajnytsyow, näjyëtu'un mëët yë Amor ja'ayëty, Hit ja'ayëty, Ferez ja'ayëty, Jebús ja'ayëty jampë tsyëënëtën ets Heve ja'ayëty mëti'ipë jam tsënaaytyëpën ma ja mëjkopk txëëwatyën Hermón Mizpá nyaaxjot.

Josue 13:8

Yë jyä'äyëty yë Gad, yë Rubén ets kujkwä'kxy yë Manasés yë jyä'äyëty ojts ja nyaax tpëktë ko ja Moisés ojts tyajwä'kxy jam awinmtsow ma Jordán mëjnëëjën.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Jueces 11:18

E ëëtsëty jam të'ëts'itjotm, ojts na'ëwtitës ja nyaax kyajpnëty ja Edom ets Moab ja'ayëty ets nja'ajtës jamtsow a'oytsyow ma Moab y'itjotmën; jamtsës ojts tu'kjëmëjt ntsënaaytyaknpëktë jamtsow awinm ma Arnón mëjnëëjën. E kajts ojts ntuknaxtës jä'ä ko jam ënety tsyo'ontä'äky ja Moab ja'ayëty ja nyaaxjotmëty.