Jonás 2:2 - Biblia Dc en Mixe de Quetzaltepec

² ets y'ënä'äny: Maas nyajpaatyën jotmayjoty jää mëk të nmëkäjpxy mijts Wintsën, e mijts ojtsës xy'ëtsoy. Jap tsajpkëkjoty ma o'kën tëko'oyën y'ityën jap ojts nmëkäjpxy, e mijts ojts xymyëtoow'ity.

Biblia Mixe de Quetzaltepec

² ets y'ënä'äny: Maas nyajpaatyën jotmayjoty jää mëk të nmëkäjpxy mijts Wintsën, e mijts ojtsës xy'ëtsoy. Jap tsajpkëkjoty ma o'kën tëko'oyën y'ityën jap ojts nmëkäjpxy, e mijts ojts xymyëtoow'ity.

Jonás 2:2 Iomraidhean Croise

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

Salmos 116:3

Ja o'kën jëtu'unës të xytyukja'ty tä ja'ay yajtsumy yajxotyën mëët yë tejpxy, tëës ja monyëtukyë xytyukja'ty mëti'ipë jap tso'onpën o'kpëjutjoty tä jeexyë tsumy matsy nyajpaatyënës jëtu'unës të näjyawëty mëët ja tsë'ëkë ets ja pëjkën ijxën.

Salmos 120:1

Koos nnäjyawëty nmony ntuky pojënës yë Wintsën nmëkäjpxy, e yë'ë ënetyës xy'ëtsoy.

Salmos 16:10

Jä'ä ko mijts ka'apës o'këntuuy xyajwë'ëma'any, ka'ap tjëkyepy jap jutjoty tu'uk yë wa'ats ja'ay xy'ëxmatsëty.

Salmos 22:24

Jä'ä ko yë'ë ka'ap tii jëtu'unyë tna'ixy ets ka'ap jëtu'unyë tyajninaxy ko ëyoopëja'ay ëxëëk jyäty kyëpety, ka'ap je'eyë nyäyu'tsënë. Yë'ë myëtoopy ko y'amëtoyë näypyutëkë.

Salmos 34:6

Tëë ya'atë ëyoopëja'ay yujkyä'äxy ets Wintsën të tmëtoy, tääts të yajjotkujktä'äkyë ma ënety jë'ë ya'ax yajpaatyën.

Salmos 4:1

Dios mëti'ipës xykyuwaanp xykyënu'kxpën, xy'ëtsowëpës ko nmëkajpxëty. Koos ënety nyajpaaty mon tuk, ojtsës xymyo'oy jotkujk'ajtën. Pa'ëyoow najts'ëyo'owëkës ets mëtoow'it wi'ix n'ënëëmën.

Salmos 61:2

Jamës nkäjpxy ma naaxwiinyëtë jyëjpkëxyën, jëtu'unës nja'awënë japës yowë yë njot nwinma'any wya'kmëkënë. Yajtsokës yë njuukyajtën jëtu'un tääjës jeexyë muum nkëxwä'äkyën tsaatunkëjxy,

Salmos 65:2

jä'ä ko mijts wa'ats xymyëtoow'ity yë tsajpkäjpxy. Tëkokyë yë naaxwiinyëtë ja'ay jam myintë ma mijtsën.

Salmos 86:13

Mëjwiin këjää yë mtsojkën mja'awën xymyëëtëty mëët ëjts. Tëës mijts xyajtso'oky, ets ka'ap të xy'ëwa'atsy etsës n'ookëty ntëkoyëty etsës nka'ajëty jap o'kpëjutjoty.

Isaías 14:9

Jap naaxpa'tkë'p, ma o'kpë yajpaatën, janty'ëtëtsp janty ënantëp jap o'kpëty, mijts myaj'ëwxijtp. Jëtu'un ja o'kpë jap yaj'ixtë ma'aywyijtëp yowë, ja mëti'ipë të y'ëne'emy të kyutukyën, jä'ä jap mnitso'onëp ets m'ëxajëja'anyë; tëkokyë ja yajkutujkpëtëjk tëë wyä'ätsë'kta'atë ma ja y'ënyääytyaknëtyën.

Lamentaciones 3:55

E ëjts, Wintsën, ënetyës të nkajpxpaaty yë mxëëw maas ënety jap naaxpa'tkë'p nyajpaatyën;

Ezequiel 26:20

ets mkinëty në'ppaat ma o'kpë yajpaatën, ma nyipätën yë o'kpë tëëyëpë jyuuky'atën. Jap pa'tkë'p nyajjëjpta'aka'any ma ja naax kajpnën mëti'ipë tëëyëp nikoompäjtën ets jap mjuuky'atëty ma ja o'kpë tsyëënëtën. Ka'ap nëjkx pën y'ëktsënaaynyë ma mijtsën ets ka'ap nëjkx nijëna'a m'ëk yaj'akojënë ma ja'ayëtyën mëti'ipë juuky'ajtëpën.

Ezequiel 31:14

Ets nimëti'ipë kepy nëjkx kya'ëkyoonë, oy ënety nëëpë'aay jyayajpaaty, oy jënu'un jyanëëpa'atye'eyëty ka'ap nëjkx nëkooyë y'ëkyujkyoonë ets ja tsajp tpaatëty. Tëë nyitujkëtya'atë ets y'o'kta'atëty ets naaxpa'tkë'p jyëjptakta'atëty ets tpuwa'akëtëty ja myëku'uk mëti'ipë tëëyëp o'ktëpën.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Lucas 11:10

Yë'ë ko ja'ay tii t'amëtoy, yajmoopy yë'ë; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

Lucas 22:44

Ma ja Jesús y'ëyoyën ets ja Dios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

Hechos 2:27

Ka'ap mijts xyajwë'ëmëtyës o'kpëjutjoty, ni xykyayajkutukëty ets wyintëkoyëty ja mwa'ats Ja'ay nyi'kx kyopk.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

1 Samuel 1:16

Ijxkëm mijts määpyë mtajpë koos yë'ë tu'uk yë to'oxytyëjk ka'apë wyintëy wyinkujkëtyën, jä'ä tëy ëjts Tiosës të nmëkäjpxy maa të xy'ixyën ëjts një'ëy nyä'äxyës, jä'ä ko mon tukës näjyawëty ets je'eyës nkumon nkutëkë.

1 Samuel 30:6

David ojts wäänjaty tsyë'ëkë, jä'ä ko yë'ë ojts ja ja'ay tyukjoot'anpëkyë ko ënety jëtu'un të jyatë kyëpätë ja y'u'unk tyo'oxytyëjkëty. E ja David ojts ja jyot wyinma'any tmëktuny ets tu'ukyë ja Wintsën tuk'ijxpejty.