Joel 3:9 - Biblia Dc en Mixe de Quetzaltepec

⁹ Nikajpx nimëtya'aktë ya'atë aaw ayuk ma naax kajpnën: Nikajpxtë ko jyää'ata'any ja tsip mëti'ipë Dios tyunäämpyën. Mëkajpxmujkta'atë yë jotmëkja'aytyëjk. Wä'än yë tsiptuunpëtëjk tmiinta'atë.

Biblia Mixe de Quetzaltepec

⁹ Nikajpx nimëtya'aktë ya'atë aaw ayuk ma naax kajpnën: Nikajpxtë ko jyää'ata'any ja tsip mëti'ipë Tios tyunäämpyën. Mëkajpxmujkta'atë yë jotmëkja'aytyëjk. Wä'än yë tsiptuunpëtëjk tmiinta'atë.

Joel 3:9 Iomraidhean Croise

Salmos 96:10

Ënëëmëtë yë naax kajpn: Yë Wintsën, yë'ë tyam mëj ënä'ämpë'ajtp. Yë'ë ojts ta'tspëky tpëjktä'äky yë naaxwiinyëtë këtiipë yu'kxëty, yë'ë y'ënä'ämtääpy tëkokyë yë naax kajpn tu'knax.

Isaías 34:1

Winkon mëjwa'aktë miitsëty naax kajpnëty ets xymyëtoow'itëty; mëj naax mëj kajpn ja'akyukëtë ya'atë aaw ayuk. Wä'än ja naaxwiinyëtë tmëtoow'ity ets tëkokyë mëti'ipë jää yajpatëpën, tëkokyë ja naaxwiinyëtë ja'ayëty wä'än tmëtoow'ijta'atë mëti'ipë yam yajkajpxaanp yajmëtya'akaanpën.

Jeremias 31:10

Naax kajpnëty, mëtoow'itë yë Wintsën yë y'aaw y'ayuk ets näjyëtu'un xynyikajpx xynyimëtya'aktëty ma wiinkëtypë kajpnën mëti'ipë jëkäm yajpatëpën: Yë Wintsën yë'ë ojts t'awojpwä'kxy yë Israel kajpn, je'eyëp ko nän yë'ë jatëkok yajtu'ukmukäämpy ets tkëwent'ata'any jëtu'un tä tu'uk yë kupixyny këwent'ajtpë tkëwent'atyën yë jyëyujk.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 51:11

Yë Wintsën yajkutëkoyäämpy yë Babilonyë kajpn, tëë yë Media yajkutujkpë tukmëtoy ya'atë ëyo'on jotmay. Jëtu'un ja Wintsën tukumëtowa'any ja naax kajpn ja nyëë pyoky, mëët ko ëxëëk të y'ëtë'ëtstë ma tsyajptëjkën. Nipëjktaakëtë ja ti'pxn. Mëk majts'itë yë m'akëëytyuk.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 6:4

Tääts yë myëtsip y'ëna'antë: Nänyipëjktaakëtë ets nnipëtë'kmëty. Mintë, tsojk mëët ntsiptu'unëmë; kujkxyëëw ntukja'ajtmëty. Nëkoopë y'ëtë'ëtstë, tsu'ujënyëp yë'ënë, tëë tii tkatuntë.

Ezequiel 38:17

Ëjts Wintsën, jëtu'unës n'ëna'any: Mijtsën ojts n'antijy koos ojts tëëyëp njanimëtyä'äky mëët yë nkäjpxynyajxpëtëjkës jam Israel; yë'ëjëty ojts nikajpxtë ko ënety mijts mmina'any ets xynyitëkëja'any yë Israel kajpn.

Ezequiel 38:7

Neynyipëjktaakët ets nänyi'ixët, mijts ets tu'kë'ëyë ja'ay mëti'ipë mëët myajpaatyën; mijts ënä'ämta'a.

Miqueas 3:5

Ja nnaax nkajpnës jä'ä pyaye'epy ja në'ë tu'u ka'apë myëtëyëtyën jä'ä ko yë'ë win'ë'ënëtëp yë käjpxynyajxpëtëjkëty, mëti'ipë tyukwinwa'anëtyëpën ja jotkujk'ajtën ko pën yajkayëtë ets tsyipwinkajpxëtyëp ko pën tii kyamo'ojëtë. Jëtu'un yë Wintsën t'ënëmaay tääpë käjpxynyajxpëtëjkëty:

Hageo 2:7

Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Zacarías 14:2

Jä'ä xëëw yë Wintsën tyajmuka'any may yë naax kajpn ets tnipëtë'ëktëty yë Jerusalén kajpn. Ets nëjkx ja Jerusalén kajpn tyajtëkoytyë ets tpëjkëtya'atëty tiijaty myëët'ajtypyën, nëjkxëp ëxëëk tuntë ja to'oxytyëjkëtëjk ets kujkwä'kxynyäxy nëjkx tyajnëjkxtë tsumy matsy ja ja'ay. Niwäänë nëjkx jyaak wë'ëmtë ja'ayëty kajpnjoty.

Zacarías 14:3

Ok yë Wintsën tsyiptuna'any mëët tääpë ja naax kajpnëty mëti'ipë ënety ëxëëk të y'ëtë'ëtstën, jëtu'un ijxtëm pën tsyiptunyën ko tsip y'ity.