Joel 3:16 - Biblia Dc en Mixe de Quetzaltepec

¹⁶ Amuupëm jam yë Wintsën yajmëtowa'any Sión ets nojkpëm jam Jerusalén yajmëtowa'any, yu'kxaanp yë naaxwiinyëtë. E yë Wintsën yë'ë kyuwa'anäämpy yë nyaax kyajpn, jëtu'un yajpaata'any tä tu'uk yë tsaapotsyën mëti'ipë kajpn kyuwäänpyën ma Israel ja'ayëtyën.

Biblia Mixe de Quetzaltepec

¹⁶ Amuupëm jam yë Wintsën yajmëtowa'any Sión ets nojkpëm jam Jerusalén yajmëtowa'any, yu'kxaanp yë naaxwiinyëtë. E yë Wintsën yë'ë kyuwa'anäämpy yë nyaax kyajpn, jëtu'un yajpaata'any tä tu'uk yë tsaapotsyën mëti'ipë kajpn kyuwäänpyën ma Israel ja'ayëtyën.

Joel 3:16 Iomraidhean Croise

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Salmos 29:11

Yë Wintsën myëkmoopy myëjaawmoopy yë nyaax kyajpn; yë Wintsën kyënu'kxyp yë nyaax kyajpn mëët yë akujkajtën jotkujk'ajtën.

Salmos 61:3

jä'ä ko mijts ntsoktakn'ajtyp. Jëtu'un mijts m'ity npë'aayës tä tu'uk yë mëjpotsyën mëkpë tyänën ets jëtu'un ka'ap tjëkyepy yë nmëtsipës xymyëmëta'akëty.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Isaías 33:16

Tääpë ja'ay jotkujk jyuuky'ata'any, jam tsaatunkëjxm tsoktakn tmëët'ata'any; ma nyäkyuwa'anëtëtyën, myëët'atäämpy xëmë ja kyä'äyën y'ukën, ets nëë ka'ap tyaj'ëmaaytya'aka'any.

Isaías 33:21

Oy tsuj jam yë Wintsën nyänyikëxë'ëkyë. Oy jam jyänty yaj'ixy yë nëëjot wokjot, mëjjëty ets komëty, ma ka'ap nijënu'un tjëkyepyën wi'ix ja mëtsip tyëkëtyën.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

Isaías 51:16

ëjts ojts nwijtstëy yë tsajp ets ojts nyajta'tspëkyës yë naaxwiinyëtë. Ëjts mijts n'ayukmooy, ëjts mijts të nkuwa'any mëëtës yë nkë'ë. Täätsës të n'ënëëmë yë Sión kajpn: Mijts nkajpn'ajtyp.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 17:17

Këtii atsë'ëkë ajawë tii xytyunëty ma ëjtsën, jä'ä ko mijts ntsoktakn'ajtyp koos ëxëëk njaty nkëpety.

Ezequiel 38:19

Maas yam njoot'anpëkyën, jëtu'unës yam n'ëna'any nxëëwkyëjxmës ko jääjës nëjkx tu'uk yë ujx mëkpë nyajnaxy ma Israel kajpnën.

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.

Amós 1:2

Ko yë Wintsën tyajmëtoyë yë y'aaw y'ayuk, jëtu'un yajmëtoy tä ënääwën jam Sión, jam Jerusalén, tim xo'tstääpy yë aay ujts ets tim nitëtstutääpy yë Carmel kopk.

Amós 3:8

¿Pën jëtää katsë'ëkëp ko yë kaa myu'uy? ¿Pën kakajpxaanp ko yë Dios tni'ënä'ämë ets tu'uk yë ja'ay kyajpxëty?

Nahúm 1:7

Yë Wintsën oy yë jot winma'any tmëëtëty; mpatmëp yë tsoktakn ma yë'ëjën ko mon tuk nyajpatmëty: Nyikëëpy nyixäjpy mëti'ipë tuk'ijxpäjtëpën.

Hageo 2:6

Ëjts tsojkës nyajyu'kxa'any yë naaxwiinyëtë ets tsajp, yë mejy ets mëti'ipë ta'tspëkyën.

Hageo 2:7

Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

Zacarías 10:6

Jëtu'un yë Wintsën y'ënä'äny: Ëjts nmëjaaw mo'ojäämpy yë Judá ja'ayëty ets nyajtso'oka'antës yë José y'u'unk y'okëty. Nwoownëjkxäämpyës jatëkok ma nyaax kyajpnëtyën, jä'ä ko npa'ëyoowtëpës yë'ëjëty. Jëtu'unës jatëkok nyaj'ita'antë tä jeexyë ka'ap nijëna'a të ntukjoot'anpëktënës, jä'ä ko ëjts Wintsën mëti'ipë Tios'ajtpën, nmëtoow'ijtypyës wi'ixës pën xymyëkäjpxyën.

Zacarías 9:12

Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Hebreos 12:26

Ko ja Dios ojts kyäjpxy kopkëjxm, ojts yu'kxy ja naaxwiinyëtë, e tyam jëtu'un y'ënä'äny: Nyajyu'kxäämpyës jatëkok ja naax; je'eyëp ko ka'ap yi'iyëty naax, näjyëtu'un ja tsajp.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 16:18

Ënet myiiny ja ënääw wëtsuk ets mëk ujx myiiny mëti'ipë ka'anëm nijëna'a yaj'ixy yajnijawënëm jënu'un ja naaxwiinyëtë ja'ay jyuuky'atën.

1 Samuel 15:29

Jä'ä ko yë Dios mëti'ipë yë Israel kajpn mëj'äämpy jyëkyejpyën, ka'ap yë wyin'ëëny ets ka'ap yë jyot wyinma'any tyëkatsy tä yë naaxwiinyëtë ja'ayën.