Joel 2:23 - Biblia Dc en Mixe de Quetzaltepec

²³ Xoonta'aktë miitsëty Sión ja'ayëty, xoonta'aktë ma Wintsënën mëti'ipë mTiosajtëpën. Yë'ë të mo'ojëtë nëë tuu ma myëyätyën, ma pyotm'atyën ets ma xyëkopk'atyën, jëtu'un ijxtëm ijty tëëyëp tunyën.

Biblia Mixe de Quetzaltepec

²³ Xoonta'aktë miitsëty Sión ja'ayëty, xoonta'aktë ma Wintsënën mëti'ipë mTiosajtëpën. Yë'ë të mo'ojëtë nëë tuu ma myëyätyën, ma pyotm'atyën ets ma xyëkopk'atyën, jëtu'un ijxtëm ijty tëëyëp tunyën.

Joel 2:23 Iomraidhean Croise

1 Reyes 8:36

mëtowëp jam tsajpjotm ets mpokymyä'kxëp ja mnaax mkajpn ets mtukni''ixëp ja në'ë tu'u oypyë. Mkäxëp ja nëë tuu naaxwiiny ma ja mnaax mkajpn të xytyukkumayën.

Job 33:23

E pën jam yajpaaty winkon ma yë'ëjën tu'uk yë tsajpjotmëtë kukäjpxy, tu'uk mëti'ipë pëtsëmëpën ma nimaypyë ja myëku'uktëjkën ets yë'ë nyikajpxtu'utëtëty ma y'ëna'anëtyën ko janty wa'ats yajpaaty,

Job 37:13

Tëkokyë mëti'ipë tuunëpën jajtëpën aakyë'ë Dios tyuunpy ets tëytyuna'any ja naaxwiinyëtë ëkë ets tsoka'any tjawëja'any.

Salmos 104:34

Jääpëk yë Dios t'oyjyawë yë njot nwinma'anyës, jä'ä ko ma yë'ëjën, jamës yë nxoontakën tsyoony.

Salmos 147:8

Ko jam tsajpjotm yë yoots kyëxë'ëky, yë'ë jam yajkëxë'kpy ets tyajtu'uy yaa naaxwiiny naaxkëjxy, yë'ë näjyëtu'un yë mëëy u'unk yajpëtsëëmpy jam tunkëjxm kopkëjxm,

Salmos 149:2

Xoonta'aktë miitsëty Israel ja'ayëty, miitsëty naax kajpn jampë myajpaatën Sión, jä'ä ko Dios yë'ë yajkojpë ets yë'ë yajkutujkpë ma miitsëtyën.

Salmos 28:7

Yë Wintsën yë'ëjës mëk xykyuwaanp, yë'ëjës të ntuk'ijxpety etsës të xypyutëkë. Jotkujkës näjyawëty; Ëwaanpës ko ënety ja Wintsën nkukajpxës.

Salmos 32:11

Xoonta'aktë jam ma Wintsënën, miitsëty naaxwiinyëtë ja'ayëty ninu'un oy mja'ay'atën ets ninu'un winë mëtëy xytyuntën. Xoonta'aktë ets tukyaax tukjokëtë ko jotkujk myajpaatë.

Salmos 84:6

Ko nyaxtëty jam ma it naaxwiinyëtën ma jyam'atyën ja jë'ëyën yaxën, jëtu'un tyaj'awinpitëty tä tu'uk yë it naaxwiinyëtën ma ka'ap y'ëmaaytyä'äkyën yë nëë, ets näjyëtu'un yë'ëpaat yë nëë tuu nëjkxëp yë kënu'kxën tyajkëtä'äky;

Proverbios 16:15

Ko yë yajkutujkpë jotkujk nyäjyawëty juukyajtën y'akäjpxyp; ets ko tii tkupëky jëtu'un tä yoots nëma'ajën ko tyu'uy pyojy.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Isaías 30:23

Yë Wintsën mtuknikäxanëp ja nëë tuu ma ënety të mni'ipy të mkojyën, jam mkamwinm mtu'uwinm may jam xyajpëtë'ëkëty ja tsajpmok ets ja mjë'kxy mpëky. Jä'ä xëëw ja mtsajpkaa nëjkx jyë'kxtë pyëktë ku'uxyë.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Jeremias 5:24

Miitsëty ka'ap ojts xymyëmay xymyëtajtë ets ka'ap ojts m'ëna'antë: Tsojk Wintsën nwinkutsë'këm mëti'ipë nTios'ajtëmën, mëti'ipë xymyo'oyëmën yë nëë tuu ets mëti'ipë nyija'apën jëna'a tyajwintëwa'any ja npëjktä'äky'ajtëmë.

Lamentaciones 4:2

Yë Sión ja'ayëty, mëti'ipë ijty yajtsojktëpën, mëti'ipë ijty tsoopatëpën këtiinëm yë pu'ts pujxn, tyam jëtu'un yajjawëtë naaxtu'tsën.

Ezequiel 34:26

Jamës yë nkupixyny nyajtänëja'any maas yë nkopkën wa'atspë etsës nkënu'kxa'antë; yë'ëjës ntuknikäxantëp ja nëë tuu mëti'ipë kënu'kxën yajkëtäkpyën ma ënety mëtëy myëyätyën.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Amós 4:7

Ojtsës näjyëtu'un nyaj'ëmaaytyä'äky yë nëë tuu ma miitsëtyën, tëkëëk po'o ënety tkapaatynyëm ma xyajpëtë'ëktëtyën yë mpëjktä'äkyëty. Muumëty ojts nyajtu'uyës ets muumëty ka'ap;

Zacarías 10:1

Amëtowtë yë Wintsën ets tyajtu'ujëty xëkopkjoty, yë Wintsën mëti'ipë yajëtsujkpyën nëjkxëp tkexy yë nëë tuu mëjwiin këjää ets tmo'oja'any yë aay ujts oypyënëty jam kamjotm tu'ujotm.

Zacarías 10:7

Yë Efraín jëtu'un tä tsiptuunpën nyaxa'any. Jotkujk yë jyot wyinma'any tjawëja'any tä jeexyë tsatym nyëë t'uukyën ets ko ënety ja y'u'unk y'ëna'k y'ixyë tääts näjyëtu'un jotkujk yajpaata'antë. Jotkujk yë jyot wyinma'any tjawëja'antë jä'ä ko yë Wintsën tsyokyë jyawëty.

Zacarías 9:13

Tëës yë nti'pxn nwo'onë'ëky, yë'ëjës yë Judá kajpn ntijpy, ets tëëjës ntuknikäpy yë nyiku'umën, yë'ëjës yë Efraín ntijpy. E mijts Sión, jëtu'un mpëjkta'aka'any tä tu'uk yë tëypyujxnën ets ntuknipëka'anyës yë m'u'unk ëna'k ets tnipëtë'ëktëty yë Grecië ja'ayëty.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Hechos 14:17

ka'ap ojts tyajjëjptuky ja y'oyajtën ma yë'ëjëtyën, xëmë ja Dios ja ijxpäjtën tyäjky ets yajnijawëty ko xëmë oy winë tuny; yë'ë kyejxyp ja nëë tuu ets y'ity ja pëjktä'äky, jëtu'unts mmo'ojëtë mëti'ipë mkaytyëp m'uuktëpën ets jotkujk myajpaatëty.

Deuteronomio 11:14

Yë'ë nëjkxëp t'a'ixë ets ja nëë tuu tyajminëty potmjoty ets xëkopkjoty, jëtu'un xyajpëtë'ëkëty mëj këjää ja tsajpmok, ja tsatym nyëë ets ja on ma ja mkam mtu'ujën.

Deuteronomio 28:12

Kyäxäämpy yë nëë tuu ma mkam mtu'ujën, tä yë naaxwiinyëtë tyajmëyätyën ets ja mpëjktä'äky wyintëwëty, jëtu'un ka'ap nyatëkë'atëty ja mjot mëjaaw. Nëjkxëp xy'ëkyajnu'kxnë wiinkëtypë naax kajpn, e mijts ka'ap nëjkx tii xynyu'kxy.

Deuteronomio 32:2

Jëtu'unës yam ya'atë aaw ayuk najtsmatsëja'any, tä tyu'uy pyojyën, ets jya'tëty jap ma jot winma'anyën, tä yë maanikën, tä yë tuu kyëtä'äkyën naaxkëjxy ets tä yë maanik tyajxookyën yë mëëynyak.

Filipenses 3:1

Jëtu'un mëku'uktëjkëty, tukxoonta'aktë ja Wintsën. Ka'apës näy'atsipë njawë oyës yam jatëkok nja'ay mëti'ipës të n'ëkjääpyën, jä'ä ko mtuna'anxëtëp yë'ë.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Filipenses 4:4

Tukxoonta'aktë ja Kristë xëmë. Njaaknikäjpxyës ets mxoonta'aktëty.