Joel 2:18 - Biblia Dc en Mixe de Quetzaltepec

¹⁸ Ënet ja Wintsën ojts ja nyaax kyajpn tpa'ëyoy, tsyojk jya'awëy; ojts ja kyajpn tnajts'ëyowë,

Biblia Mixe de Quetzaltepec

¹⁸ Ënät ja Wintsën ojts ja nyaax kyajpn tpa'ëyoy, tsyojk jya'awëy; ojts ja kyajpn tnajts'ëyowë,

Joel 2:18 Iomraidhean Croise

2 Reyes 19:31

Jä'ä ko jam wyë'ëma'any Jerusalén, ma ja Sión kopkën, nëjkxëp näjyëtu'un jyam'aty ja ja'ayëty mëti'ipë të tsyo'oktën o'kënjëjp'am. Ko ënety jëtu'un jyäty kyëpety yë'ëkyëjxm ko ja Wintsën ja tsyojkën jya'awën maaytyääyëp winë.

Salmos 103:13

Yë Wintsën jëtu'un Tyios'aty tä tu'uk u'unkteetyën ma ja'ayëtyën mëti'ipë mëjpëjktakëpën,

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Isaías 37:32

nëjkxëp jam wyë'ëmtë Jerusalén, jam ma Sión kopkën jam'atantëp ja mëti'ipë juuky wë'ëmantëpën. Ya'atë jëtu'un tyunäämpy ja tsyojkën jya'awën mëjpë këjääpë ja Wintsën mëti'ipë maaytyääyëpën winë.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

Isaías 60:10

Wiink ja'ay nëjkx ja mkajpn nnapotstë, ets wiink yajkutujkpë nëjkx mmëtunyë; oy yë Wintsën të m'ëk tukjoot'anpëkyë, tyam mtsojkëp ets mpa'ëyoowëp jatëkok.

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Lamentaciones 3:22

E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Zacarías 1:14

ets ja tsajpjotmëtë kukäjpxy xytyuknipëjkyës ets nimëtya'akëtyës ja aaw ayuk: Jëtu'un yë Wintsën y'ënä'äny, mëti'ipë maaytyääyëpën winë: Ëjts nëkooyës ntsojknë nja'awënë yë Jerusalén kajpn ets Sión kopk.

Zacarías 8:2

Yë'ëjës ya'atë aaw ayuk nikäjpxyp, ëjts Wintsën mëti'ipë maaytyääyëpën winë, jëtu'unës n'ëna'any: Äjkëpës, mëj këjääjës ni'akë'aty yë Sión kajpn, nëkooyës n'äjkënë.

Lucas 15:20

Ënet tyu'utëjkëy ets ojts nyijkx ma ja tyeety ja tyëjkën. Jëkämnëm ënety myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.

Deuteronomio 32:16

Tëë yë Dios tyajjoot'anpëktë ko të t'ëwtatë naaxpotsy.

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënety t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënety t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

Deuteronomio 32:43

Miitsëty naaxëty kajpnëty, xoonta'aktë mëët tu'kmukyë yë Wintsën yë nyaax kyajpn. Yë'ë ka'ap jëtu'unyë näyajninaxa'any, ko yë y'u'unk y'ëna'k y'ooktë tyëkoytyë. Pyaatëp yë xëëw po'o jëna'a ets tyajkutëkooytya'ajëty yë myëtsiptëjk, ets nëjkx ja nyaax kyajpn tpokymye'kxy.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

Jueces 10:16

Ënet ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Dios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.