Joel 1:9 - Biblia Dc en Mixe de Quetzaltepec

⁹ jëtu'un yë teetytyëjkëty jyë'ëtë ya'axtë jä'ä ko ka'ap jap tii tsatym nyëënë tsajptëkoty tii y'uuktëpën ets tii yë Wintsën tyukwintsë'ëkëtëpën.

Biblia Mixe de Quetzaltepec

⁹ jëtu'un yë teetytyëjkëty jyë'ëtë ya'axtë jä'ä ko ka'ap jap tii tsatym nyëënë tsajptëkoty tii y'uuktëpën ets tii yë Wintsën tyukwintsë'ëkëtëpën.

Joel 1:9 Iomraidhean Croise

2 Crónicas 13:10

E ëëtsëty ënät, ja nTiosëtyës yë'ëjës nWintsën'ajtëp ets nijëna'a yë'ë të nka'ëxmatstës. Ja teetytyëjkëty mëti'ipë jam ja Wintsën myëtuuntëpën aakyë'ë Aarón yë y'u'unk y'ok, mëti'ipë jam wiinkëëy kujkëëytyëpën yë'ë yë Leví ja'ayëty.

Éxodo 28:1

Ma Israel ja'ayëtyën, yë m'ajty Aarón yë'ë xëmë winkon myaj'itëp mëët yë y'u'unk y'ëna'k mëti'ipë xyëëwajtëpën; Nadab, Abihú, Eleazar ets Itamar, yë'ëtsës xëmë xymyëtuntëp ma tsajptëjkën.

Isaías 61:6

Jä'ä miitsëty myajtija'antë teety mëti'ipë Dios myëtuuntëpën. Nëjkxëp xytyukxon xytyuk'itë ja wyit myeenyëty ja naax kajpn, ets mëj'äämpy nëjkx m'itë ma yë'ëjëtyën.

Lamentaciones 1:16

Je'eyës xyajyaxnë. Je'eyës yë nwiin nëë kyä'änë, ka'ap maa pën pënës xyajjotkujkëp, pënës xyajxäjku'tëp. Xit ko'owës ja n'u'unk n'ëna'k të jyajta'atë jä'ä ko ja mëtsip ni'ik ja myëkëty.

Lamentaciones 1:4

Mon tuk yaj'ixy yë Sión tu'u. Ka'ap pën y'ëkmiinë xëëw'ijxpë. Aanë'ëk tëëtsë'ëk yajpaaty ja tëjkëtyakn, jëëytyëp yaxtëp ja teetytyëjkëty, ëjtëp tu'ktëp ja ëna'ktëjkëty ets ja Jerusalén kajpn yajpaaty mon tuk.

Oseas 9:4

ka'ap t'ëk uukanë yë tsatym nyëë tëpë nyimaanaxyën mëti'ipë Wintsën yajtukmëjja'apën ets nän ka'ap t'ëktukwintsë'ëkëjanë jam yë wintsë'kën. Ja tsajpkääky mëti'ipë kyäyäämpyën jëtu'un tkayä'äny tä ja'ay y'o'kpë nikayën ets pën ënety kyääytyëpën ëxëëk wyë'ëma'antë, yë'ë nëjkx tkaytyë tääpë tsajpkääky ets ka'ap nëjkx tjëkyepy tmënëjkxtë ma Wintsën tsyajptëjkën.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Joel 1:16

Yajxon n'ijxëmë wi'ix yë një'kxy'ajtëm mpëky'ajtëm nyajpëjkëmë ets jap tsajptëkoty tëë kyixy nyäxy ja xoontakën.

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?