Joel 1:7 - Biblia Dc en Mixe de Quetzaltepec

⁷ Yë'ë të tyajkutëkooytya'atë yë tsatsymkyam, tëë tyajkëjxta'atë yë higos kepy; wa'ats të tnikä'ptuta'atë; poopëm të tyajwinwatsnëtë.

Biblia Mixe de Quetzaltepec

⁷ Yë'ë të tyajkutëkooytya'atë yë tsatsymkyam, tëë tyajkëjxta'atë yë higos kepy; wa'ats të tnikä'ptuta'atë; poopëm të tyajwinwatsnëtë.

Joel 1:7 Iomraidhean Croise

Salmos 105:33

Ojts tëjta'ay twäjxta'ay yë tsatsymyon ets tsajpmok yon mëti'ipë ënety tkojtën, wa'ats tëjtaay twäjxtaay yë aay kepy jap Egiptë.

Éxodo 10:14

Tä tukye'eyëtyääytyë tëkokyë ja naax kajpn. Nijëna'a ënety jëtu'un kyayaj'ixynyëm ja maymyu'u tä jam kyëxë'ëkyën ets näy ka'ap nëjkx jëtu'un nijëna'a y'ëkyaj'ijxnë jëtu'un tä ojts kyëxë'ëkyën jä'ä xëëw.

Éxodo 10:15

Yajxon tjantyajwintujktaaytyë ja naaxwiinyëtë, nimaa ojts kyayaj'ixy winwa'ats, yë'ë ojts tjaakyajkëjxta'atë ja aay ujts ets ja aaytyëëm ujtstëëm mëti'ipë ënety të jyaakwë'ëmyën ko ja tëtsn tuu nyäjxy. Nimaa ja aay ujts ojts tsuxk kyawë'ëmy jap Egiptë, ni jam kamjotm tu'ujotm ets ni jam kepykyëjxm.

Isaías 24:7

Ka'ap ja tsatym nyëë nëkooyënë, ja tsatsymkyam nän pëjkëtëp ijxëtëp; mëti'ipë ijty akujk jotkujk juuky'ajtëpën, tyam mon tuk yajpatnëtë.

Isaías 32:12

Yaj'ixëtë ko miitsëty mpëjkëtëp m'ijxëtëp jam ma mkam mtu'ujëtyën ets ma ja m'tsatym kamëtyën.

Isaías 5:6

jëtu'unyës ntimyjyä'äytyëkoyä'äny. Ni pën kyakuyu'ujëtëty ets ni pën kyawinpux kyawinpootëtëy, äämjyoty pejyjoty nëjkx wyi'imy. Ëjts kë'ëm njëpëkäämpy ja yoots nëma'a ets ka'ap y'ëktuunëty.

Jeremias 8:13

Jëtu'un yë Wintsën y'ënä'äny: Jëtu'unës yë nnaax nkajpn ntuna'any tä ja'ay tkutëjtu'utyën yë tsajpmok yon. Nitu'uk kyawë'ëma'any yë tsatsymtsya'am ma nyi'aatsën, nitu'uk higo tëëm ma nyikepyën. Yi'iyë y'ääy xootspë jaakwë'ëmaanp.

Oseas 2:12

Nyajkutëkooyäämpyës yë tsatsym kamën ets y'higo kamëty, mëti'ipë ijty tyijtëpën: Ya'atës xytyukmëjuupy yë n'atsokyjyä'äyës. Äämjyotës nyaj'awinpita'any ets äämjyot yë'ë nëjkx t'ojkta'atë yë aayjëyujk ujtsjëyujk.

Joel 1:12

Tëë ja tsatsymkyam tyëëtsë'kta'ay ets tëë ja higo kepy mya'ta'ay. Näy të'ëts të wyë'ëmta'atë ja granados ets ja kum ets ja manzaan ets tëkokyë ja aay kepy tëë tyëëtsë'kta'atë. Paaty ja xoontakën; wa'ats të kyëjxta'ay.

Amós 4:9

Ojts yë mëkjëënpoj ntukwoptës ets ojts yë këtye'epyë ntuknikäxtës, ojts nyajtë'ëtsyës yë y'ääy y'ujtsëty ets tsatsym kam, ojts yë mu'u tyajkutëkooytyä'äy yë higo kam ets olivë kam, e miitsëty ka'apës ojts xynyiwinpitë. Jëtu'un yë Wintsën y'ënä'äny.

Habacuc 3:17

Ënätës ntukxoonta'aka'any ja Wintsën mëti'ipë yajnitsokpën. Je'eyëmës nmëjjawëja'any nkënu'kxyjyawëja'any yë higo kepy, tsatym kyepy ets olivë'aats oy ka'ap yë pyijy t'ëk pëjktaknëty ets kya'ëktëëmpäjnëty; oy jam kamjotm tii kya'ëkwintëëwnëty; oy kya'ëknimayënëty yë kupixyny ets tsajpkaa ma ku'ëkemy yajpaatën.

Malaquías 3:11

Ka'apës n'ëwa'atsa'any ets mu'u tyajwintëkoytyëty yë pyëjktä'äkyëty.