Joel 1:10 - Biblia Dc en Mixe de Quetzaltepec

¹⁰ Ma kam tu'ujën nitii jam kyaka'ty; je'eyë yaj'ijxnë tëë yowë ja'ay y'o'ktaaynyë. Tëë ja tsajpmok myä'äty, tëë ja tsatym tyëëtsë'ktaaynyë ets olivos aak xootsëty kyëxë'knëtë.

Biblia Mixe de Quetzaltepec

¹⁰ Ma kam tu'ujën nitii jam kyaka'ty; je'eyë yaj'ijxnë tëë yowë ja'ay y'o'ktaaynyë. Tëë ja tsajpmok myä'äty, tëë ja tsatym tyëëtsë'ktaaynyë ets olivos aak xootsëty kyëxë'knëtë.

Joel 1:10 Iomraidhean Croise

Génesis 4:12

Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

Isaías 15:6

Tëë tyëtstaaynyë ma ijty ja nëë myuutyën, ja aay ujts tëë xyo'tstaaynyë ets tyëtstaaynyë ja aay kepy, nimaa tsuxk kya'ëkyaj'ijxnë.

Isaías 24:11

Je'eyë ja'ay yaxnëtë jä'ä ko ka'ap maa uukynyë mëti'ipë mukpën; tëë ja äjtsën xoontakën pyi'tsta'ay; jëtu'un yaj'ijxnë wiink it wiink naaxwiinyëtë yowë ja'ay të nyëjkxtaaynyëtë tsumy matsy.

Isaías 24:7

Ka'ap ja tsatym nyëë nëkooyënë, ja tsatsymkyam nän pëjkëtëp ijxëtëp; mëti'ipë ijty akujk jotkujk juuky'ajtëpën, tyam mon tuk yajpatnëtë.

Jeremias 12:11

Aanë'ëk tëëtsë'ëk ets mon tuk të tyajwë'ëmtë, n'ijxypyës wi'ix jyi'iy yä'äxyën. Aanë'ëk tëëtsë'ëk tu'kë'ëyë ja naax kajpn yajpaaty ets ni pën tkamëmay tkamëtajy.

Jeremias 12:4

¿Jëna'a jyëjpkëxa'any ja xëëw jëmëjt ma ja naaxwiinyëtë ka'ap anë'ëk tëëtsë'ëk y'ëk'ijnëty ets ma ja aay ujts ka'ap y'ëktëtsnëty? O'kta'ajanëp yë aayjëyujk ujts jëyujknë ets joon jëyujk mëti'ipë kääkëtijtëpën, mëët ko ja naaxwiinyëtë ja'ay ëxëëk y'ëtë'ëtstë y'ëna'antë ets y'ëna'antë ko mijts ka'ap xy'ixy yë tyuuntëko'oy kyajpxtëko'oyënëty.

Jeremias 48:33

Tyam ka'ap pën y'ëk'ëëw y'ëkyaxnë akujk jotkujk jam Moab. Tëë y'akëjxënë ja tsatym nyëë ma ijty kom yajpëjkë'ëkyën. Tyam ka'ap pën ja tsatym t'ëkwintä'änë ets ka'ap pën y'ëk'ëëw y'ëkyaxnë akujk jotkujk.

Oseas 4:3

Paatykyëjxm yë naax kajpn jëtu'un yaj'ixy o'kën tëko'oyën yowë të y'ity; ets jëtu'un yaj'ixy ka'ap yowë pën mëk'ajtën t'ëkmëët'ajnë; ets y'o'ktaaynyë ja aayjëyujk ujtsjëyujk, joon jëyujk ets nëë jëyujkpaat y'o'knë.

Oseas 9:2

Yë Israel kajpn ka'ap tmëët'ata'any yë tsyajpmok ets y'uvë nëë tëëpë nyimaanaxyën; yë jyemy tsatym nyëë ka'ap myëta'akëty.

Joel 1:12

Tëë ja tsatsymkyam tyëëtsë'kta'ay ets tëë ja higo kepy mya'ta'ay. Näy të'ëts të wyë'ëmta'atë ja granados ets ja kum ets ja manzaan ets tëkokyë ja aay kepy tëë tyëëtsë'kta'atë. Paaty ja xoontakën; wa'ats të kyëjxta'ay.

Joel 1:5

Miitsëty, ëmu'ukyëjyä'äytyëjkëty, ëkwijtë. Jë'ëtë ya'axtë mëti'ipë tyukjajtëpën y'uuktëty myu'ukëtëty, miimp ja xëëw jëmëjt jëna'a nëjkx myajpëjkëtë yë tsatym nyëë tëëpë nyimaanaxyën.

Joel 2:19

jëtu'un y'ënäny: Tyam ntuknikäxtëty yë tsajpmok, yë tsatym nyëë ets on, mapaat mku'uxëtën; ka'apës nijëna'a n'ëkyajkutukanë ets naax kajpn mëti'ipës ka'ap xy'ixy'ätyën mtukxi'ikëtëty.

Habacuc 3:17

Ënätës ntukxoonta'aka'any ja Wintsën mëti'ipë yajnitsokpën. Je'eyëmës nmëjjawëja'any nkënu'kxyjyawëja'any yë higo kepy, tsatym kyepy ets olivë'aats oy ka'ap yë pyijy t'ëk pëjktaknëty ets kya'ëktëëmpäjnëty; oy jam kamjotm tii kya'ëkwintëëwnëty; oy kya'ëknimayënëty yë kupixyny ets tsajpkaa ma ku'ëkemy yajpaatën.

Hageo 1:11

Ëjts të nyajminy yë anpë ma cam tu'ujën ets ma tun kopkën; ma tsajpmokën, tsatym kyamën, olivë kamën, ma pëjktä'äkyën, ma ja'ayëtyën ets ma nitëkokyë jëyujkën wi'ix kawi'ixëtypë ets ma tu'kë'ëyë tyuunk y'ëyo'onëtyën.

Malaquías 2:3

Mpëjkëjantëp yam yë mkutujkënëty ets të'ëny ntukwinkujätëja'antë, yë kupixyny ets tsajpkaa yë tyi'iny mëti'ipë mwintsë'kën'ajtëpën. Ets tu'ukyë mëët yë të'ëny myajpätmuka'antë ets myaj'ixko'owtëty.