Jeremias 8:3 - Biblia Dc en Mixe de Quetzaltepec

³ Mëti'ipë ënety juuky të jyaakwë'ëmtën ma ya'atë ëxëëkja'ayëtyën, oy ënety myaajëty yajpaatë nëjkxëp tjatsoktë ets jeexyë y'ooktë ets ja juukyajtën ka'ap nëjkx t'ëktsojkën'ajnëtë. Ëjts Wintsën, mëti'ipë maaytyääyëpën winë, ëjts ënaanp.

Biblia Mixe de Quetzaltepec

³ Mëti'ipë ënäty juuky të jyaakwë'ëmtën ma ya'atë ëxëëkja'ayëtyën, oy ënäty myaajëty yajpaatë nëjkxëp tjatsoktë ets jeexyë y'ooktë ets ja juukyajtën ka'ap nëjkx t'ëktsojkën'ajnëtë. Ëjts Wintsën, mëti'ipë maaytyääyëpën winë, ëjts ënaanp.

Jeremias 8:3 Iomraidhean Croise

1 Reyes 19:4

E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Jeremias 23:8

jä'ä nëjkx y'ëna'antë: Mëët yë'ë ko yë Wintsën jyuukyëty, mëti'ipë yajtso'onën ja Israel kajpn ma ënety tsumy matsy yajpaatën wiink kë'ëy wiink kajpn jam anëkëjxmtsow. Ets kyë'ëm naaxjotm kyë'ëmkajpnjotm nëjkx yajpaatë.

Jeremias 29:14

N'a'ixëjäämpyës ets miits xypyaatëtyës ets nyajkutukäämpyës ets y'oyëtëty ja mjuukyajtënëty: nëjkxëp nyajtsoontë muum wiink kë'ëy wiink kajpn ets oymyaajëty ma ojts nnajtswopëtën ets jatëkok nyajwinpita'antë ma ya'atë naax kajpnën ma mtso'ontën. Ëjts Wintsën, ëjts ënaanp.

Jeremias 29:28

Yë'ëpaat ojts tu'uk yë noky xytyunikäjxëmë jam Babilonyë, ma y'ënä'änyën: Miitsëty jeky jam m'ita'antë Babilonyë tsumy matsy, paaty nikë tim kojtë jam yë mjëën mtëjkëty ets yajxon mtimtsyënaaytyaknpëktëty, kojtë päntë yë aay kepy aay ujts ets xyjyë'kxtëty xypyëktëty.

Jeremias 40:12

Ënet wyimpijtë, jam ojts nyëjkxtë Judá ets t'aye'eytyääytyë ja jutiiyë ja'ayëty maajaty yajpaatën, ojts tninëjkxtë ja Guedalías jam Mizpá. Ojts näjyëtu'un may'äämpy tnipëjkpätë yë tsatym nyëë ets aaytyëëm ujtstëëm.

Jeremias 44:2

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Miitsëty tëë xy'ixtë ja ëyo'on jotmay mëti'ipë jam Jerusalén të y'ityën ets ma Judá nyaax kyajpnën. Tyam xit ko'ow yajpaaty ets ka'ap jam pën tsyëënë

Jeremias 44:6

Ënet njoot'anpëjkyës ets n'ëwa'antäkyës, jëtu'un tä jeexyë yë jëën tsyooypyijkyën jam Jerusalén ets jam Judá ets të mya'taay ja naax kajpn, xit ko'ow të jya'ajtaay tyampaat je'eyëm jam.

Jeremias 6:9

Yë Wintsën mëti'ipë maaytyääyëpën winë, jëtu'un y'ënä'äny: Yaj'ixta'ajantëp ja Israel ja'ayëty mëti'ipë ënety jaakwë'ëmtëpën juuky, jëtu'un yaj'ixta'aja'antë tä ja'ay t'ixta'ayën yë tsatsymtsya'am ko muum wyi'imy, nitu'uk tka'ëxmatsy kyamjoty.

Daniel 9:7

Mijts Wintsën, mwa'atsmës, e ëëtsëty jutië ja'ayëty wintsëtyu'un jëjptsëtyu'un ëëts näjyawëtë; mëti'ipë juuky'ajtëpën jam Jerusalén ets wiinktsowpë yë Israel ja'ayëty, wiinkonëtypë ets jëkämëtypë, mëti'ipë yajpatëpën wiink naax wiink kajpn ma ojts mijts xynyajtswopën.

Amós 3:1

Israel ja'ayëty, mëtowtë wi'ix ja Wintsën t'ënëëmën ja kajpn mëti'ipë jap Egiptë yajpëtsëëmën:

Jonás 4:3

Paatykyëjxm yam n'ënëëmë mijts Wintsën, ko xypyëjkëtyës yë njuukyajtënës. Tsoopaatëp ni'ik koos n'ookëty këtii koos njuuky'atëty.

Miqueas 2:3

Paaty yë Wintsën y'ënä'äny: Ëjts nmëët'ajtypyës ja jot winma'any wi'ixës ntëytyuna'anyën mëti'ipë tuuntëkooypyën. Ntuknikäxantëpës yë ëyo'on jotmay ma ka'ap nëjkx tjëkyepyën wi'ix nyäjyuutëtëtyën ets ka'ap nëjkx amëj akëjxm y'ëkye'ey y'ëknajxnëtë jä'ä ko ja ëyo'on jotmay ënety ijtp.

Deuteronomio 30:1

Ko ënety jëtu'un mjaty mkëpety, ma yam të yajnikäjpxyën ja näkyënu'kxë ets ja näpyojkën ets mjootja'tëtëty mëktä'äky ya'atë aaw ayuk jam wiink naax wiink kajpn, ma ja mWintsën të mnajtswop të mnajtskäxëtën.

Deuteronomio 30:4

ja mmëku'uktëjkëty mëti'ipë ënety muum jëkäm yajpatëpën wiink'it wiink naaxwiinyëtë, yë Wintsën nëjkxëp jam yajtsoonëtë ets wyoowmukëtë.

Apocalipsis 6:16

ets nëëmëtë ja tun kopk ets ja tsaakopk: Nija'apäjtëk ets yu'tstëk ëëtsëty, këtiipës xy'ixtëty mëti'ipë u'unyääpyën jam ma kutujktaknën, këtiipës xypyaatëty ja tyiytyu'unën mëti'ipë yajtijpën Kupixyny U'unk.

Apocalipsis 9:6

May ja ja'ay tjatsoktëty ets jeexyë y'ooktë, je'eyëp ko ka'ap nëjkx pën y'ooky.