Jeremias 8:2 - Biblia Dc en Mixe de Quetzaltepec

² jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënety të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Biblia Mixe de Quetzaltepec

² jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënäty të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Jeremias 8:2 Iomraidhean Croise

2 Reyes 17:16

Wa'ats tja'atyëkooytyääytyë ja Wintsën ja y'ënä'ämën tyiyajtën ets ojts tyajkojtë mäjtsk ja tsajpkaa aak pujxnëmpë; ojts tyajnikojtu'utë ja Aserá, ja mëtsa'a ets Baal.

2 Reyes 21:3

ojts jatëkok tkoj'o'oyëtyä'äy ja tëjk ma jap y'itën ja tsaatsetsy, mëti'ipë ënety ja tyeety Ezequías të tjijtë'ëkyën; ojts t'oytyuny wiinkpë wintsë'këntyakn ets ojts ja Aserá ja y'awinax tyajkojë; ëpëky näjyëtu'un t'ëwtajty winë jampë tsajpkëjxm yajpaatyën,

2 Reyes 21:5

Ojts näjyëtu'un ëpëky wiinkpë wintsë'këntyakn tyaj'oyë, jap ma ja tsajptëjkwiinën ma yaj'ëwtatëtyën ja xëëw po'o.

2 Reyes 23:5

Ojts näjyëtu'un t'ixkäjxta'ay ja teetytyëjkëty mëti'ipë ja Judá yajkutujkpë pyëjktakën ets jam tyuntëty ma ja tsajptëjkën tunkëjxm kopkëjxmëpë, mëti'ipë ja poom xëmë tyukwintooy tyukwinjäämtëpën; ets ja teetytyëjkëty mëti'ipë ja wyintsë'kën myooytyëpën ja Baal ets ja xëëw ja po'o, mëti'ipëjaty të tyajnikojtu'utën ets t'ëwtatë ets ja wiinkëtypë ja awinax: tä ja mëtsa'ajën mëjpë mutskpë, tä ja jaayxyëëwën ets ja mëtsa'akë'ëkën, mëti'ipë ënety ja yajkutujkpë të tpëjkta'aktën jampë tyuuntën Judá.

Salmos 53:5

Oy ënety ka'ap ma tii mëti'ipë oytsyë'kënyën, yë'ëjëty nëjkxëp tsyë'ëkëtë; Dios jëtu'unyë tyajtsëtyuuypyëka'any yë mëtsiptëjk. Ka'ap nëjkx wyinma'anypyaatë, jä'ä ko Dios yë'ë ënety ka'ap y'ëktsojkënëtë.

Salmos 83:10

mëti'ipë jam Endor kutëkooytyën, ets apu'ut y'awinpijtaaytyë.

Salmos 83:11

Jëtu'un xyajjat xyajkëpätëty mëti'ipë mëj jyëkyäjptëpën tä ojts xyajjaty xyajkëpetyën yë Horeb ets Zeeb; wä'än jëtu'un tjatë tkëpätë yë wyintsëntëjkëty ijxtëm ojts xytyunyën yë Zébah ets Zalmuná,

Eclesiastés 6:3

Oy jënu'un yë ja'ay may y'u'unk y'ëna'k tmëët'atëty ets jeky jyuuk'atëty; pën ka'ap tukxoontä'äky yë juukyajtën ets ko y'ooky tyëkoy ni pën kyayajnaaxtëkëty, ëjts jëtu'unës n'ëna'any nikë wä'än jyaktsowpaaty pi'k ëna'k mëti'ipë ooky miinpën naaxwiinyëtë ets këtiinëm tääpë ja'ay,

Jeremias 14:16

Ja naax kajpn mëti'ipë nyinëjkxtëpën tääpë käjpxynyajxpëty, tsip ets yuu nëjkx näjyëtu'un yaj'ookëtë mëët ja tyo'oxytyëjkëty ets y'u'unk y'ëna'këty ye'etyëjk to'oxytyëjkpë. Ja o'kpë jam nëjkx yajnajtsjëpijpëtya'atë kajpnjotm ma Jerusalén kajpnën ets ka'ap pën y'ita'any pën yajnaaxtëkëpën. Jëtu'un'äämpy nëjkx ntukëpätës ja tyuuntëko'oyënëty.

Jeremias 16:11

Ënet xy'ëtsowëty: Jëtu'un yë Wintsën y'ënä'äny: Tyaapë paaty jëtu'un jyäty kyëpety jä'ä ko ja m'ap m'okëty ojts xy'ëxmatstës ets ojts ja wiink tios tpanëjkxtëkëtë, yë'ë ojts t'ëwtajtnëtë ets tukwintooynyëtë ja poom; e ëjts jëkäm jëxkë'ëmës ojts xyajwë'ëmnëtë ets ka'ap pën t'ëktuunë ijxtëmës ënety të ntuk'ënëëmëtën.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 16:6

Mëj mutsk nëjkx ja'ay y'ooktë ma ya'atë naax kajpnën; ka'ap pën tyajnaaxtëkëja'any ja o'kpë ets ka'ap nëjkx pën ja o'kpë tniyä'äxy ets ka'ap ma pën nyäyajtsëtyuta'anyë ëkë ja wyääy tkääpa'any mëët ko ënety ja o'kpë tnimony tnituky.

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

Jeremias 22:19

Tä kruktsën nëjkx nyaaxtëkë, je'eyë nëjkx yajwinpajëtuty ets jam yajnajtsjëtutëty ma Jerusalén kyajpnpa'ajën.

Jeremias 25:33

Jëtu'unyë nëjkx nyaaxmë'o'këtya'atë ja ja'ayëty mëti'ipë ënety ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Jeremias 31:40

Jampaat ma ja joyjyotën ma nyaaxtëkëtën yë o'kpë ets ma yajwëjyën yë kuyjaam ets ja yu'uyjyot mëti'ipë jam winkon ma Cedrón wokën, tyimja'ty jam ma këwaaytyëjk'aawën, jampaat maatsow ja potsy tyäkën maatsow yë xëëw pyëtsimyën, ëjts nëjkx nyajtuknikënu'kxë. Ya'atë naax kajpn ka'ap nëjkx nijëna'a pën t'ëkyajkutëkooynyë ets t'ëkyajma'tnë.

Jeremias 36:30

E ka'ap wyi'ixëty, ëjts, mëti'ipë Wintsën'ajtpën, tyam mijts n'ënëëmë, Joaquim, mëti'ipë ënä'ämp yajkutujkpën ma Judá kajpnën, mijts ka'ap nëjkx yë m'u'unk m'ëna'k ets m'u'unk m'ok xymyëët'aty mëti'ipë jam ja'tëpën ma David yë kyutujktaknën. Ko ënety m'ooky, yë mjot mnini'kx jëtu'unyë nëjkx wyin'aankëtä'äky xëëny ets jëtu'unyë nëjkx tyipjuuny koots,

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Jeremias 9:21

Tëë ja o'kën tëko'oyën jyä'ty ma njëën'ajt ntëjk'ajtëmën, tëë jam jyä'ty ma nkutujkëntëjk'ajtëmën; yaj'o'kpy ja u'unk ëna'k në'ëjoty tu'ujoty ets ja ëna'ktëjk jam kajpnjotm.

Jeremias 9:22

Ja ye'etyëjktëjk mëti'ipë të y'ooktën, jëtu'un ja jyot nyini'kx yaj'ixtë kamjoty pyiny jyety të'ënyën, tä ja tsajpmok kyä'äyën ko nyäxy mëti'ipë yajmujkpyën ets tääpë tsajpmok ka'ap pën tpëjkë'ëky. Yë Wintsën jëtu'un ënaanp.

Ezequiel 29:5

Tääts jam nasjëpipëja'any të'ëts'itjotm, mëët tu'kë'ëyë ja nëë jëyujk mëti'ipë jap mnëëjoty yajpatpën; wintë'ës'ituuy nëjkx mkëtä'äky ets ka'ap nëjkx pën myajnaaxtëkëty. Yë'ë nëjkx mtsu'utyë mwëtsyë yë aayjëyujk ujtsjëyujk ëwa'anëtypë ets nëjkx yë lut majkwejkxy mnukyë mpotyë.

Ezequiel 39:5

Jëpijptëy nëjkx o'kpë yajpaaty aayjoty ujtsjoty. Jëtu'unës të nikäjpxy. Tëës yë n'aaw n'ayuk nyäky.

Ezequiel 6:5

Jamës nasjëpijpëtya'aja'any ooky yë Israel ja'ayëty ma y'awinaxëtyën etsës njëpijpwa'kxta'ajanë yë wyääy pyajkëty wyintsë'këntyakn pë'am.

Ezequiel 8:16

Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Sofonías 1:17

Jëtu'un yë Wintsën y'ënä'äny: Jotmayjyotyës yë ja'ay nyaj'ita'any. Jëtu'un yaj'ixa'antë wiints yowëty, jä'ä ko tëëjës xymyëtëkoytyë. Tä naaxwayën yaj'ixa'any ja nye'pnyëty ets tä tsajpkaatë'ënyën yaj'ixa'any ja xyixyëty pyajkëty.

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

Hechos 7:42

Paaty ja Dios y'ëxmajtsëtë ets twintsë'ëkëtëty ja matsa'a ets tiijaty jam tsajpwinmën. Jëtu'un ijxtëm ja Dios ja kyäjpxynyajxpë ënety ja nyoky y'ënä'änyën: Miits, Israel ja'ayëty, ko m'ijtë jam të'ëts'itjotm wëxtyikxy jëmëjt, ¿xymyooytyës ja wintsë'kënë?

Deuteronomio 17:3

ets t'ëwtajtnëty ja wiink wintsën, ëkë twinkoxtënaaynyëty oytyiijëty, tä yë xëëw, po'ojën, ëkë mëtsa'ajën, aakyë'ë mëti'ipë yë Wintsën ka'ap nt'oyjyawën ets ka'apë të tni'ënä'ämën.

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.