Jeremias 5:3 - Biblia Dc en Mixe de Quetzaltepec

³ Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Biblia Mixe de Quetzaltepec

³ Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Jeremias 5:3 Iomraidhean Croise

Génesis 19:34

Komjëpom ja mëjpë t'ënëmaay ja y'uty: Ëk'ix ya'atë tsu'um të nyäxyën ëjts mëët yë nteety'ajtëm të nma'ayës e ëwään koots jatëkok yë nteety'ajtëm n'a'ukëmëty, tääts mijts näjyëtu'un xymyëëtko'knëty. Jëtu'unts nimäjtsk yë y'u'unk nyajmëxu'un'ajtëmëty.

1 Reyes 13:33

Ja aaw ayuk mëti'ipë ja Wintsën ja myëtuunpë jyakajpxën, Jeroboam kä'äpyëm t'ëxmajtsy ja y'ëxëëk winma'any, ni'ikyënëm ojts tpëjktä'äky ja teety jam tsajptëkotm maajaty ja awinax y'ityën ka'apë mëpaat yaj'ëwtatyën. Pënjatyëty ënety jëtu'unpë ja tuunk y'atsojkpyën, Jeroboam poj'am ja tyuunkmooyë ets kyënu'kxyë ets tyeety'atëty ma ja tsajptëjkën, ma jap myäy'itën ja awinax ka'apë mëpaat yaj'ëwtatyën.

2 Reyes 1:13

Ënet ja yajkutujkpë mëtëkëëk'ok tkejxy ja tsyiptuunpë wintsën mëët niwëxtyikxymyajk ja tyuunpë. E ja tsiptuunpë wintsën mëti'ipë ënety yajkäjxpën ma ja mëtëkëëk'okpën, jam ojts tyimja'ty ma ja Elías yajpaatyën ets nyäkyoxtënaaytyakë ma yë'ëjën, tmënu'kxtäky: Tun mëyajtën, käjpxynyajxpë, ijxpatkës ets ja'amyäts koos njuukyajtën tsoowpatp ets näjyëtu'un ya'atë niwëxytyikxymyajkpë ntuunpëtëjkës;

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Salmos 51:8

Mooykyës yë xoontakën ets jotkujk'ajtën, yajjotkujktakës jatëkok oyës ëxëëk të xy'ëktuny.

Salmos 55:20

Tyuknipëtë'ktëp ja myëku'uk ja kyë'ë y'aaw, ka'ap tkuuytyuntë tä ënety ja myëku'uk mëët tii të njakäjpxy'atën.

Proverbios 21:29

Yë ëxëëk ja'ay jëtu'un kë'ëm nyäjyawëty oy yowë winë tuny, yë oyjyä'äy wa'ats nijawë ko oy winë tuny.

Proverbios 22:12

Yë Dios y'ijx'ijtyp kyëwent'ajtyp, yë wa'ats ja'ay ets nyikajpxtutyp ma ja'ayën mëti'ipë win'ë'ënën mëët jyamëta'aka'anyën.

Proverbios 23:35

ets m'ëna'ana'any: Tëës nyajkoxy nyajtsiiky ets ka'apës të njawë, tëëjës nyawopy ets ka'apës të n'ixy pënës të xywyopy, e koos nwijëty, jaak'uukaanpës yam.

Proverbios 27:22

Yë tsuuja'ay ka'ap nyiwa'atsyë yë tsyuu'at oy jënu'un yanimä'ä yajnijëtsëty.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 42:25

Paatykyëjxm tyukjoot'anpëjkëtë ets tyiytyuunëtë mëët ja tsip käjpxy mëti'ipë toopyën jëënën; e oy ëxëëk jyajajty jyakëpejty kä'äpyëm ojts jyä'äkyukëtë.

Isaías 48:4

Ëjts nija'apës ënety wa'ats ko mijts nijënu'un mkakäjpxyjyä'äkyukë, tsip ets myajkajpxwijëty, jëtu'un ja mjot mwinma'any tä tsaajën tä pujxnën, ka'ap nijënu'un tii nyäkjyätyë.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Jeremias 15:7

Jëtu'unës yë mja'ay të ntuny xit ko'ow tä ja'ay twëjwä'kxyën yë pu'uxm etsës të nyajpëtsëëmta'ay naaxjoty kajpnjoty; u'unktuk të n'ëxmatsyës ja nnaax nkajpnës, tëëjës nyajkutëkoy jä'ä ko ka'ap t'ëxmatsa'antë ja y'ëxëëk juukyajtënëty.

Jeremias 17:23

E yë'ëjëty ka'ap ojts tmëjpëjkta'aktë n'aaw n'ayukës ets ka'apës xymyëmëtoowtë, je'eyë ojts kyujuunta'aktë, ka'ap jëtu'un tunantë ets nän ka'ap tkupëjktë ets yajtuk'ënëëmëtëty ja nyëë pyokyëty.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Jeremias 32:19

Mëj këjää winë xynyimay xynyitajë ets ko tii xytyuny mëët yë mëk'ajtën ets kuttujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Jeremias 35:13

Ëjts Wintsën mëti'ipë maaytyääyëpën winë ets mëti'ipë yë Israel ja'ayëty Tyios'ajtëpën, tyam ntuknipëky ets xy'ënëëmëty yë Judá ja'ayëty ets Jerusalén ja'ayëty: Wä'än tjatë ets tni''ijxtu'utë ja n'ënä'ämënës. Ëjts Wintsën, ëjts ënaanp.

Jeremias 44:10

Miitsëty ka'ap ninu'un xyaj'oyëtë mjot mwinma'anyëty, ka'ap mtsë'ëkëtë ets ka'ap të xypyatuntë ja ënä'ämën tëyajtën ets ja ijxpëjkën mëti'ipës nmooytyën ja m'aptëjkëty ets miitsëty.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Jeremias 7:28

Ënëëmë: Ya'atë jëtu'un naax'ajtp kajpn'ajtp mëti'ipë ka'ap tmëmëtoyën ja Wyintsën Dios ets ka'ap tsoky tii yajtuk'ënëëmëty. Ka'ap tii mëtëy t'ëknimëtyaknë.

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Ezequiel 2:4

Näyjyëtu'un yë y'u'unk y'ëna'këty ka'ap kyäjpxyjyä'äkyukëtë ets kujuun oyëty. Paatykyëjxm yam mijts nkäxa'any ma yë'ëjëtyën ets xy'ënëëmëty: Jëtu'un yë Wintsën y'ënä'äny.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënety ntsip n'äkë nyajnaxy ma mijtsën.

Daniel 9:13

Tëkokyë ya'atë amay jotmay mëti'ipës të xytyukmin të xytyukja'tën, jëtu'un tä jap myinyën këxja'ay ma Moisés ojts tkuja'ayën ja ënä'ämën tëyajtën; yë'ëkyëjxm jyëtu'unëty jä'ä ko mijts Dios ka'ap të myajmëtoy, ka'ap të myaj'ixta'ay ets ka'ap të yajpatuny ja mtëyajtën.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënety mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Amós 4:11

Ojts ntukyajkutëkoytyë ëyo'on jotmay tä jam tyuunën jyajtën Sodomë ets Gomorra; jëtu'un yaj'ijxy tä ja'ay jëëntyuk tkajppëtsëmyën jëënjoty; e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Amós 4:6

Ojts miitsëty nyaj'ayuu'atë maajaty yë mkajpnëtyën; ojts nyaj'ëmaaytyä'äkyës yë jë'kxy pëky maajaty mtsëënëtën, e miitsëty ka'apës xynyimiintë. Yë Wintsën jëtu'un ënaanp.

Amós 4:8

ojts ja'ay winnaax winkajpn tpajëtitë yë nëë ets ka'ap ku'uxyë nyëë'uktë ko nëë wäänë tpatë; e miitsëty ka'apës ojts xynyiwinpitë. Jëtu'un yë Wintsën y'ënä'äny.

Amós 4:9

Ojts yë mëkjëënpoj ntukwoptës ets ojts yë këtye'epyë ntuknikäxtës, ojts nyajtë'ëtsyës yë y'ääy y'ujtsëty ets tsatsym kam, ojts yë mu'u tyajkutëkooytyä'äy yë higo kam ets olivë kam, e miitsëty ka'apës ojts xynyiwinpitë. Jëtu'un yë Wintsën y'ënä'äny.

Sofonías 3:7

Ënet të nmay të ntajyës: Ko ënät yë Jerusalén tsyë'ëkëty ets ënät tkupëkëty yë pyoky ets y'oyëty; jëtu'un ka'ap kyutëkoyëty yë jyëën tyëjk ko ënety të ntukumëtoyës ja pyoky. E yë'ëjëty poj'am winë të tuuntëkoytyë.

Romanos 2:2

Yajnija'ap ko Dios pyaye'ey ijxtëm pyaat'atyën, ko tyiytyuunpy mëti'ipë jëtu'un ja'ay'ajtëpën.

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Dios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.