Jeremias 32:3 - Biblia Dc en Mixe de Quetzaltepec

³ Yë Sedequías yajkutujkpë yë'ë ojts nyi'ënä'ämëty ets yajtsum yajmatsëty, jä'ä ko y'ënä'äny: Jëtu'un yë Wintsën tnikäjpxy: Ëjts nyajkutukäämpy ets ya'atë naax kajpn jam kya'ajëty ma Nabucodonosor kyë'ëjotmën mëti'ipë jam Babilonyë yajkutujkpën,

Biblia Mixe de Quetzaltepec

³ Yë Sedequías yajkutujkpë yë'ë ojts nyi'ënä'ämëty ets yajtsum yajmatsëty, jä'ä ko y'ënä'äny: Jëtu'un yë Wintsën tnikäjpxy: Ëjts nyajkutukäämpy ets ya'atë naax kajpn jam kya'ajëty ma Nabucodonosor kyë'ëjotmën mëti'ipë jam Babilonyë yajkutujkpën,

Jeremias 32:3 Iomraidhean Croise

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

Éxodo 5:4

E ja mëj'ënä'ämpë mëti'ipë jap Egiptë yajkutujkpën tyaa ojts y'ëtsowëtë: Mijts Moisés ets mijts Aarón ¿tii ko nëkoo ja'ayëty xywyinma'anytyuktëkëtë ma jam tyuntën? Nëjkxtë, nëjkx yë mtuunk ixtë.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 21:3

ets Jeremías t'ëtsooy ja Sedequías ja jyä'äy mëti'ipë ënety të tkexyën: Ënëëmëtë yë Sedequías

Jeremias 27:8

E pën jää yë naax kajpn mëti'ipë ka'ap nyätyuk'ëne'emyën yë Nabucodonosor, ëjts ntëytyunäämpyës tääpë naax kajpn mëët yë tsip, yuu xëëw ets pa'am ëyo'on, koonëm ja naax kajpn aakjam yajpata'atëty ma Nabucodonosor y'ëne'emyën. Ëjts Wintsën, ëjts ënaanp.

Jeremias 34:21

Tëës näjyëtu'un ntuknipëjktaakë ets Sedequías, Judá yajkutujkpë mëët yë tyuunpëtëjk kya'atëty ma ja myëtsiptëjkëtyën, ma ja Babilonyë ja'ayëtyën mëti'ipë tsiptuuntëpën, mëti'ipë tu'ktsojkyë ja tsipt të tyajxäämtën.

Jeremias 36:29

Ets xy'ënëëmëty: Jëtu'un yë Wintsën y'ënä'äny: Mijts ojts xynyino'oky ja noky axaatsy ets ojts yë Jeremías xytyuk'ojy ko tjaay mëti'ipë ja Babilonyë yajkutujkpë tyunäämpyën, ko myina'any ma ja naax kajpnën ets tyajkutëkoyä'äny ets nitu'uk ja ja'ay juuky tkayajwë'ëma'any ets jëyujkpaat tyajkëjxtaja'any.

Jeremias 37:4

Ka'anëm ënety yë Jeremías yajtsumnyëm, jaaknëjkxpnëm ënety muum ma naax kajpnën.

Jeremias 38:18

E pën mijts ka'ap mnäkyë'ëyäkyë ma Caldeo ja'ayëtyën, yë'ëjëty jyëënmo'ojantëp ya'atë kajpn ets nëjkx wyintooykyëtä'äky, e mijts ka'ap nëjkx tii mëk'ajtën xy'ëkmëët'ajnë wi'ix mkä'äkëtyën.

Jeremias 38:3

Jëtu'un yë Wintsën y'ënä'äny: Yë kajpn yë'ë nnitëkëjanëyëp yë Babilonyë yajkutujkpë. Yë'ë nyitëkëjäämpy yë kajpn ets ka'ap nëjkx tjëkyepy wi'ix pën y'ëtukëtëty.

Jeremias 38:4

Ënet ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Jeremias 38:8

ënätyë yë Ébet-mélec tsyo'ony ma jam ja kutujkëntëjkën ets ojts tninëjkxy ja yajkutujkpë tä t'ënëmaay:

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Lamentaciones 1:14

Tëës yë Wintsën yë nnëë mpoky xy'ijxë; yë'ëjës të xytyukjëëtsëmë'ëky, tä yë tsajpkaa yajtukutsumyën yë kyepy; ënu'kxëpës. Tëës Wintsën xykyë'ëyäky ma ja'ayën mëti'ipës ka'ap nmëmëta'aka'anyën.

Amós 7:13

je'eyëp ko këtii tii xy'ëkkajpxnajxnëty Betel, jä'ä ko mëjtsajptëjk yë yaa ijtp mëti'ipë jyä'ä'ajtypyën yë yajkutujkpë.

Lucas 20:2

ets t'ënëmaaytyë ja Jesús: ¿Pën ja kuttujkën mooyëp ko jëtu'un winë xytyunëty? ¿Pën të m'ëne'emyë?