Jeremias 3:2 - Biblia Dc en Mixe de Quetzaltepec

² Ix yë tun kopk je'eyë të nyatë'kxënë: Nikajpx ënät ¿ma mëyajt wintsë'kën të xyajtëkoy? Jëtu'un ijty muum tu'u'aay m'u'unyë tä árabe to'oxyën jam të'ëts'itjotm. Tu'u'aay ijty xy'ëwxity ja ye'etyëjk jëna'a m'ëk niminyë. Tëë xyaj'ëxëëkë yë naax kajpn ko m'into'oxy'äty.

Biblia Mixe de Quetzaltepec

² Ix yë tun kopk je'eyë të nyatë'kxënë: Nikajpx ënät ¿ma mëyajt wintsë'kën të xyajtëkoy? Jëtu'un ijty muum tu'u'aay m'u'unyë tä árabe to'oxyën jam të'ëts'itjotm. Tu'u'aay ijty xy'ëwxity ja ye'etyëjk jëna'a m'ëk niminyë. Tëë xyaj'ëxëëkë yë naax kajpn ko m'into'oxy'äty.

Jeremias 3:2 Iomraidhean Croise

Génesis 38:14

Ënet tjeeny ja wyit mëti'ipë myëku'ookytyo'oxy'äjtypyën ets nyätyukwinkuyä'pëy yë wit këtiipë pën y'ixkapëtëty ets jam nyaaxwe'tsy tu'u'am, ma ja kajpn yajnitëkën, mëti'ipë xyëëwajtypyën Enaim. Jam yë tu'u nyäxy mëti'ipë nëjkxpën Timnat. Paaty jëtu'un yë Tamar wyinma'anypyäty ets jëtu'un y'ëtë'ëtsëty, jä'ä ko jya'ijxnëp ënety ko ja Selá myëjnë'ajnë, e ka'ap nyäky pyiky mëët yë'ë.

1 Reyes 11:3

Niwëxtujk mëko'px tmëët'ajty ja tyo'oxytyëjk mëti'ipë mëët yajxon pyijkyën y'ukyën, ëpëky tëkëëk mëko'px mëti'ipë jëtu'unyë nyamëët'ajtën, yë'ëts ojts ja jyot wyinma'any yajtëko'oyxyëty.

2 Reyes 23:13

Ojts may tjijtë'ëky ja tsajptëjk mëti'ipë jamën awinmtsow ma ja Jerusalén kajpnën ets ëpa'tkë'ëmtsow ma ja Olivos kopkën mëti'ipë ojts ja Salomón tkojyën, jampë yajkutujkyën Israel; jä'ä tyuknikojëy ja Astarté, mëti'ipë ja Sidónja'ay ja'ayëty y'ëwtajtëpën mëti'ipë ja Wintsën ëxëëk t'ixyën; ojts tnikojë näjyëtu'un ja Quemós, mëti'ipë yë Moab ja'ayëty y'ëwtajtëpën ets tuknikojëy näjyëtu'un yë Milcom, mëti'ipë y'ëwtajtën yë Amón ja'ayëty.

Salmos 106:38

Ojts nanëkoo tyaj'o'knëtë mëti'ipë ënety ka'ap tii poky tmëëtëtyën, ja jyot nye'pynyëty ja nyëëxëty ets ja myaankëty, ojts tukwintsë'kënëtë ja ka'apë tiosëtyën, jampë Canaán yajpaatyën. Jëtu'un'äämpy ja naaxwiinyëtë ojts tyaj'ëxëëkëtë mëët ja jot ne'pny.

Proverbios 23:28

Jëtu'un nyë'ëtän tyu'utänë tä tu'uk yë mä'tspën, ets may yë ye'etyëjktëjk tyajnë'ëtëkoy tyajtu'utëkoy.

Proverbios 7:11

mëti'ipë ye'eynyajxpën ets je'eyë wyiin y'aaw tmëtë'ëty, ka'apë twinjawën tu'k'ityë y'u'unyëty jyëënjoty tyëkoty.

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Jeremias 2:23

¿Wi'ix m'ëna'ana'any: Ëjts ka'apës tii poky nmëëtëty ets ka'apës wiink tios të npanëjkxyë? Mëmay mëtaj wi'ix ojts m'ëtë'ëtsy m'ëna'anyën jam joyjyotm; ja'amyäjtsta'a tiijaty të xytyunyën ko ojts mnäypyëjktä'äkyë tä jëyujk jëku'ux to'oxyën mëti'ipë xii yaa pëyë'knajx pëyë'ktëjkëpën;

Jeremias 2:7

Ëjts ojts yaa miitsëty nyajmintë ma jyi'kxynyaaxjotëtyën ets xyjyë'kxtëty xypyëktëty ja aaytyëëm ujtstëëm, aakyë'ë oyjyätyëtypë mëti'ipë yaa pëtsëëmpën kamjoty tu'ujoty. E miitsëty ojts mintë ets xyaj'ëxë'këtyë ja nnaaxës, je'eyës ojts njot kyu'kxpëky maas ja nkajpnën.

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënety mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Jeremias 3:13

Yi'iyë mkupëkëp ko tëë mpokytyuny, ko yë mWintsën Dios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.

Jeremias 3:9

Nijënu'un tsip të tkajawë tyuuntëkoy ets ja naax kajpn të tyajnipäxëtëjkëtyä'äy. Të tyajtëkoy ja wintsë'kën ma ëjtsën ko të t'ëwtajnë ja tsaa ets kepy.

Jeremias 7:29

Miitsëty Jerusalén ja'ayëty, nëkä'pta'atë yë mkuwaayëty ets xy'ixpotstëty. Ëw tu'uk yë ëy mon tukpë jam tunkëjxm të'ëts'itjotm, jä'ä ko yë Wintsën tëë tukjoot'anpëky yë mja'ay, tëë tnike'eky ets tëë t'ëxmatsy.

Ezequiel 16:16

Mëët yë mwit mtujkxy ojts xy'oytyuny yë nyitsajptëjk yë wiink tios jam muum tunkëjxm kopkkëjxm ets jam ja mjot mnini'kx xytyo'ky.

Ezequiel 20:28

Koos ojts nyajtëkëtë ma ja naaxwiinyëtën mëti'ipës ënety të ntukwinwanëtën, tim je'eyë muum t'ijxpatë tu'uk yë mëj kepy ëkë nitun, ënätyë ijty wyintsë'kën ets y'ayajk y'ako'onën tmo'otë ja awinax, ja tsooy mëti'ipë pa'akxu'kpën ets ja tsatym nyëë mëti'ipë tëë nyimaanaxyën, yë'ë mëët xytyukyajjoot'anpëjktës, jëtu'un ja wyintsë'kën tyajtëkooytyë ma ëjtsën.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.

Lucas 16:23

Jap ënety y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.

Deuteronomio 12:2

Yajkutëkooytya'atë tëkokyë yë it naaxwiinyëtë, ma ja'ayëty t'ëwtatën yë wyintsënëty, mëti'ipë tsënaaytyëpën jam ma it naaxwiinyëtën, mëti'ipë mjä'ä'atantëpën. Tukpu'ujëtya'atë yë y'awinaxëty, mëti'ipë myëët'ajtëpën jam tunkëjxm kopkëjxm, tu'u'am ëkë jampë muum kepypya'tkë'ëm yajpaatyën.