Jeremias 27:9 - Biblia Dc en Mixe de Quetzaltepec

⁹ Paaty n'ënëëmëtë këtii nëkoo xymyëpëjkëtëty yë y'aaw y'ayuk tääpë käjpxynyajxpëtëjkëty, najtsja'apëtëjkëty ets ja'ayëty mëti'ipë yajkuma'aynyiwijtëpën; yë'ëpaat mëti'ipë kajpxpojktëpën, mëti'ipë yajmëtoopën tii t'akajpxtën mëti'ipë tunan jatanëpën; mëti'ipë ënantëpën ets ka'ap mnäkyë'ëyakëtëty ma ja Babilonyë yajkutujkpën.

Biblia Mixe de Quetzaltepec

⁹ Paaty n'ënëëmëtë këtii nëkoo xymyëpëjkëtëty yë y'aaw y'ayuk tääpë käjpxynyajxpëtëjkëty, najtsja'apëtëjkëty ets ja'ayëty mëti'ipë yajkuma'aynyiwijtëpën; yë'ëpaat mëti'ipë kajpxpojktëpën, mëti'ipë yajmëtoopën tii t'akajpxtën mëti'ipë tunan jatanëpën; mëti'ipë ënantëpën ets ka'ap mnäkyë'ëyakëtëty ma ja Babilonyë yajkutujkpën.

Jeremias 27:9 Iomraidhean Croise

Éxodo 22:18

Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

Éxodo 7:11

E yë mëj'ënä'ämpë ojts tnikäxë ja wyijyjyä'äytyëjk ets ja xyëëwmääpyëtëjk, yë'ëjëty jëtu'un tä ënety winë tuntën, näjyëtu'un ojts y'ëtëtstëpë.

Proverbios 19:27

U'unk maay, pën mijts ka'ap xy'oyjyawë ko pën tii mtuk'ënë'ëmxëty, jä'ä ënety m'ëxmajtsyp ja oypyë ja ëëwwijën kajpxwijën.

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Jeremias 14:14

Ënet ja Wintsën xy'ëtsooyës: Pën jëtu'un y'ëna'antë käjpxynyajxpëtëjkëty ets pën ëjts yë nxëëw kyajpxpatëp, win'ë'ëntëp yë'ëjëty. Ka'ap y'ëjtsëty të nkäxtë ets ka'ap tii ënä'ämën të nmo'otës; nijëna'a ma pën nkamëkäjpxyës. Nëkoopë y'ijxma'atë, nëkoopë wyinkëma'atë ets kë'ëm tma'kxtë jyot wyinma'anyëty. Mëti'ipë yë käjpxynyajxpëtëjk të nikajpxtë ka'ap myëtëyëty.

Jeremias 23:16

Yë Wintsën mëti'ipë maaytyääyëpën winë, jëtu'un y'ënä'äny: Miitsëty Israel ja'ayëty, këtii nëkoo xymyëjpëjkta'aktë yë käjpxynyajxpëtëjkëty yë y'aaw y'ayukëty. Aakyë'ë y'ëëwtëp kyajpxtëp mëti'ipë ka'ap myëtëyëtyën, mëti'ipë kë'ëm të tma'kxtën, mëti'ipë ka'ap y'ëjtsëty të nnikäjpxyën.

Jeremias 23:25

Tëës nmëtoow'ity wi'ix yë käjpxynyajxpëtëjk y'anta'aktën ko y'ëna'antë tëë myëtya'aktë mëët ëjts ets kuma'ayjyotyës të xywin'ixtë.

Jeremias 23:32

Mëtsipës nnäpyëjktä'äkyë ma tääpë käjpxynyajxpëtëjkëtyën mëti'ipë nyimëtyaktëpën ja tsuu kuma'ay ka'apë myëtëyëtyën; mëti'ipë yajwa'kxtëpën ja nnaax nkajpnës ko je'eyë twin'ëëntë. Ëjts ka'apës wi'ix të n'ënëëmëtë ets ka'ap y'ëjtsëty të nkäxtë, paaty yë'ëjëty ka'ap tjëkyepy nnaax nkajpnës tputëkëtëty. Ëjts Wintsën, ëjts ënaanp.

Jeremias 29:8

Ëjts Wintsën mëti'ipë maaytyääyëpën winë, yë Israel ja'ay Tyiosëty, ëjts ënaanp: Këtii mnätyukwin'ëënëtëty yë ja'ay mëti'ipë nätyijëtëpën najtsja'apë ets käjpxynyajxpë, mëti'ipë jam yajpatëpën ma miitsëtyën; këtii xymyëpëktëty yë kyëma'ayëty mëti'ipë nyimëtyaktëpën.

Ezequiel 21:29

Mëti'ipë mjawin'ijxtëpën ka'ap tyiyëty ets mëti'ipë mkajpxtëpën ka'ap myëtëyëty. Jam ja tëypyujxn kyëxka'aja'any ma ja yo'knëtyën tääpë ëxëëk ja'ayëty mëti'ipë je'eyë të tyuuntëkoytyën. Tyimpatyp ja nyixëëw ma yajtëytyuna'antën tääpë ja'ayëty.

Daniel 4:7

Tä myiintaaytyë ja wijyjyä'äytyëjkëty, ja xëëwmääpyëtëjkëty ja najtsja'apëtëjkëty ets tëkokyë ja ijxpëkyjyä'äytyëjkëty, ënätës ntukmëmëtyaktaaytyë ja nkuma'ayës, je'eyëp ko ka'ap ojts tmëwinma'aypyaatë wi'ix nyiwijyën.

Miqueas 3:7

tääpë käjpxynyajxpëtëjkëty ets najtsja'apëtëjkëty nëxi'iky tukxi'iky nëjkx wyë'ëmtë. Amonyë nëjkx wyë'ëmta'atë jä'ä ko ka'ap ënety ja Dios të myo'ojëtë ja ëtsoowinpijtën.

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Hechos 8:11

Yë'ëts ja xëëwmääpyë ja jyä'ä pyatuunëtëp, jä'ä ko tëë ënety kanaak jëmëjt wyin'ëënëtë.

Efesios 5:6

Këtii pën mnätyukwin'ëënëtëty mëët ja aaw ayuk mëti'ipë ka'ap tyunyën; jä'ä ko yë'ëkyëjxm jëtu'un ja Dios ja tsyäätsy tyu'unën myina'any ma ja ja'ayëtyën mëti'ipë ka'ap të myëmëtoyën.

Deuteronomio 13:2

Ets jyänty y'atëwëty mëti'ipë ënety të tnikäjpxyën ets y'ëna'anëty: Mintë, tsojk n'ëwtajtëm yë wiinkpë tios, mëti'ipë miits ka'ap xy'ixy'atën, tsojk nmëjja'aw njaantyjya'awëmë yë'ë.

Deuteronomio 18:14

Tääpë ja'ayëty mëti'ipë jam tsënaaytyëpën ma ja it naaxwiinyëtën mëti'ipë miits mjä'ä'atantëpën, ko tii tnijawëja'antë, yë'ë ënätyë nyinëjkxtëp yë najtsja'apë ëkë xëëwmääpyë, e yë Wintsën ka'ap t'ëwa'atsy ets miitsëty näjyëtu'un m'ëtë'ëtstëty.

Josue 13:22

Ëpëky näjyëtu'un ko ojts ja Israel ja'ayëty tyaj'o'ktëpë ja Balaam mëti'ipë najtsja'apën, ja Beor ja myaank ets ëpëky nimay tjaakyaj'o'ktëpë mëti'ipë ka'ap yaa yajnikäjpxyën.

Apocalipsis 18:23

Ka'ap y'ëkjaj y'ëktë'kxnëty ja kutë'kxn, nijëna'a kya'ëkyajmëtoownëty ja xëëwtu'unën, ja pëjkën ukën, oy ja m'ajuuy m'ato'kpë mëkja'ay të jya'itë yaa naaxwiiny. Tëë nëkoo xywin'ëëny ja naaxwiiny ja'ay mëët ja mpanajxën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 9:21

Ets ni yë'ë tka'ëxmajtstë ja yajja'ay'o'k, ja panajxk, ja ëxëëk juukyajtën ets ja mä'tsk.