Jeremias 27:3 - Biblia Dc en Mixe de Quetzaltepec

³ Ok xykyäjpxynyikäxëty yë yajkutujkpëtëjk mëti'ipë jam ënä'ämtëpën Edom, Moab, Amón, Tirë ets Sidón. Yë'ë ntukmëkäxëp ja käjpxy yë ja'ayëty mëti'ipë ja Sedequías yajkutujkpë nyimiintëpën.

Biblia Mixe de Quetzaltepec

³ Ok xykyäjpxynyikäxëty yë yajkutujkpëtëjk mëti'ipë jam ënä'ämtëpën Edom, Moab, Amón, Tirë ets Sidón. Yë'ë ntukmëkäxëp ja käjpxy yë ja'ayëty mëti'ipë ja Sedequías yajkutujkpë nyimiintëpën.

Jeremias 27:3 Iomraidhean Croise

2 Crónicas 36:13

Ënet ojts tmëtsiptsoony ja yajkutujkpë Nabucodonosor, mëti'ipë ënety të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

Isaías 23:4

Mtsëtyunëp mijts Sidón, ma mëj'äämpy të m'ityën ko të xytyukmeenypyääty ja juukymyejy, jä'ä ko nëjkxëp jëna'a m'ëna'any: Ëjts ka'apës ja n'u'unk nmaay n'ëkpatnë, ka'ap jëtu'un ja njotës y'ëkpëjknë tä ijty tëëyëpën koos n'u'unk'ijxy. Ka'apës ja n'u'unk nmaay n'ëkmëët'ajnë mëti'ipës nyajyääkëpën ets mëti'ipës nyaj'ijxpëkëpën.

Jeremias 27:12

Ëjts Jeremías, ojtsës nkajpxnajxta'ay ya'atë aaw ayuk ma Sedequías yajkutujkpën, mëti'ipë jam Judá ënä'ämpën ets ojtsës n'ënëëmë: Näkyë'ëyakëtë ma Babilonyë yajkutujkpën ets ma nyaax kyajpnën ets mjuuky'atëty.

Jeremias 27:4

Ets xytyuk'ënä'ämëty wä'än yë wyintsëntëjk t'ënëëmëtë, ko ëjts, mëti'ipë Wintsën'ajtpën, mëti'ipë maaytyääyëpën winë; mëti'ipë yë Israel ja'ay Tyios'ajtëpën, jëtu'unës n'ëna'any:

Jeremias 28:1

Ma mëkoxk po'o y'apetyën, nän yë'ë jëmëjtpë, jää ma mëmajktaxk jëmëjt y'apetyën ma Sedequías yajkutukyën jam Judá, yë Hananías käjpxynyajxpë, yë Azur yë myaank, mëti'ipë jam Gabaón kukajpn'ajtpën, ojts tninëjkxy yë Jeremías ma ënety jam tsajptëkotm yajpaatyën, ma ënety näjyëtu'un jam yajpaatën wiinkëtypë teetytyëjkëty ets ja'ayëty mëti'ipë jam kunaax'ajt kukajpnajtëpën ets t'ënëmaay:

Ezequiel 29:18

Tëë yë Nabucodonosor, yë Babilonyë yajkutujkpë, tkexy yë tsyiptuunpëtëjk jam Tirë; wa'ats të tkukä'pta'atë yë ja'ay ets may mëti'ipë kyejky të pyutsë'knën; yë Nabucodonosor ets jyä'äy nitii tkapaatë ko yë Tirë kajpn të tnipëtë'ëky.

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënety mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.