Jeremias 22:3 - Biblia Dc en Mixe de Quetzaltepec

³ Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Biblia Mixe de Quetzaltepec

³ Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Jeremias 22:3 Iomraidhean Croise

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

2 Reyes 24:4

ets ko ja ne'pny ënety nëkoo të tam të tjä'ätstë jam Jerusalén. Paatykyëjxm ja Wintsën ka'ap ojts y'ëkpokymyä'kxënëtë.

Job 22:9

Ko ijty yë ku'ookytyo'oxy tii m'amëtoyë ka'ap ijty tii xymyo'oy ets ëxëëk ijty xytyuny yë ku'ooky u'unktëjk.

Job 24:9

Pyëjkëtyëp näjyëtu'un yë ku'ookytyo'oxy yë y'u'unk myääy mëti'ipë je'eyë tim mëxu'unk'ajtpën ets ëyoowpëja'aytyëjk ni'ikyë winë t'amëtowtë ko tii tuknu'kxtsowtë.

Salmos 68:5

Dios, mëti'ipë ijtpën ma tsyajptëjkën, yë'ë nyiteety'äjtyp yë ku'ooky u'unk ets yë'ë näjyëtu'un pyutëjk pyupejtyp yë ku'ookytyo'oxy.

Salmos 82:4

Mo'o yë nitsokën yë ja'ay mëti'ipë ëyoowtëp jotëkooytyëpën, ets mijts mniwaantu'utëp ko yë ëxëëkja'aytyëjk wi'ix tyuna'anëtëty.

Salmos 94:21

mëti'ipë je'eyë nyikäjpxytyu'unëtyëpën yë wa'ats ja'aytyëjk ets ka'apë tii poky tuuntëkoyën, ets tyajnitukëtë ets y'ookëty.

Salmos 94:6

Yaj'o'k yajtëkooytyëp yë ku'ookpyë to'oxytyëjk jaaypyaat jaaypyo'kxy ets ku'ooky'u'unk ku'ooky'ëna'k.

Éxodo 22:21

Këtii nëkoo ëxaty xytyimtunëty yë jaaypyo'kxyjyä'äy, yë'ë ja'amyäts ko mijts ojts mjaaypyo'kxy'äty jap Egiptë.

Éxodo 22:22

Këtii ëxëëk xytyunëty yë ku'ookytyo'oxy ets ku'ooky'u'unk.

Proverbios 23:10

Këtii xyajtëkatsëty yë tsëpa'an mëti'ipë të tpëjkta'aktën yë m'aptëjk, ni yë'ë xykyapëjkëty yë nyaax kyam yë ku'ooky u'unk,

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Isaías 58:6

Ka'ap jyëtu'unëty. Ëjts ënätës ntukjotkëta'aka'any pën m'ayuu'ajtp: Ets ja tsumjyä'äy yaj'ëxmatstëty ets ja nipaye'eyën y'itëty, ets xymyëkäjëty ja tsajpkaa mëti'ipë kutsumy yajpatpën, ets yajnajtsmatsëty ja ja'ay mëti'ipë yajtëytyuunpën, ets tyimkutëkoyëty ma ja yajkutujkpëtëjk ëxëëk y'ëtë'ëtstën y'ëna'antën;

Isaías 58:7

ko xy'akaaytyukëty ja mmëku'uk mëti'ipë yuu'o'këpën ko xytyëjkmo'ojëty ka'ap ja jyëën tyëjkën, ko xymyo'ojëty ja ja'ay ja wyit tyujkxy mëti'ipë nikëëts ixkëëtsën ets xypyutëkëty xëmë ja mjëëky mmëku'uk.

Jeremias 19:4

jä'ä ko yë Israel ja'ayëty ojts xy'ëxmatstës ets ojts ya'atë it naaxwiinyëtë tyaj'awinpitë wiink naax wiink kajpn, wiink tios ojts tukwintsë'ëkëtë ja poom jok, ja tios mëti'ipë ënety ka'ap t'ixy'atën ets ja y'ap y'okëty ets Judá yajkutujkpë nän ka'ap ënety të t'ixy'atë; ojts jam tämtë tjä'ätsë ja wa'ats ja'aytyëjk ja jyot nye'pnyëty.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Jeremias 26:16

Ënet ja kopktëjkëty ets ja mayjyä'äyëty t'ënëmaaytyë ja teetytyëjkëty ets ja käjpxynyajxpëtëjkëty: Ka'ap tyaapë ja'ay tii poky tjantymyëëtëty wi'ix ko nyaj'o'kmëty; yë'ë të tnikäjpxy yë Wintsën yë y'aaw y'ayuk mëti'ipë nTios'ajtëmën.

Jeremias 5:28

je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Jeremias 9:24

Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Lamentaciones 3:36

ko ja oypyë ja nipaye'eyën kyayajtuny, ka'ap yë Wintsën jëtu'unpë t'oyjyawë.

Ezequiel 18:12

yaj'ëyoopy ja ëyoopëja'ay ets mëti'ipë yajmëyäjtypyën winë ni'ikyë tmeetsy, ka'ap tmooywinpity mëti'ipë të tpëjkën; tyuk'ijxpejtyp wiink tios ets yë'ë tyuunpy ëxëëkpës n'ixyën,

Ezequiel 18:7

ka'ap jyiiky myëku'uk tyaj'ëyoy, myoopy jatëkok ja myëku'uk mëti'ipë të t'amëtoyën ko të tyajnu'kxy; ka'ap pën tmeetsy; yajwä'kxyp yë kyääky y'uuky ma ja'ayën mëti'ipë yuu'o'këpën ets xyojxyp mëti'ipë niwa'ats ëxwa'atsën.

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Ezequiel 45:9

Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Joel 3:19

Xit ko'ow yë Egiptë jyata'any e yë Edom anë'ëk tëëtsë'ëk y'awinpita'any, jä'ä ko ojts ëxëëk tuntë Judá ja'ayëty ets jam kyajpnjotmëty ojts tyaj'ooktë ja'ay mëti'ipë ka'ap tii poky tmëëtëtyën.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Amós 5:24

Yë'ëjës ntsojkpy ets winë mëtëy yajnipaye'eyëty tä nëë pyëyi'ikyën tu'uwitsy ets ja oypyë ja tu'unën kajpxën xëmë y'itëty tä nëë myuutyën.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Mateo 23:23

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mjatukniwë'ëmtëp ja Dios ja jyä'ä ko tii xyajwintëwtë, ijxtëm: ja menta, anis ets cominë; je'eyëp ko ka'ap xymyëjpëjkta'aktë ja ënä'ämën tëyajtën mëti'ipë kopkpëkyën yajpatunëty, ijxtëm: ja nipaye'eyën mëtëypyë, ja pa'ëyo'ow najts'ëyo'owën ets oypyë juukyajtën. Ya'atëtën ijty ni'ik oy ja kopkpëky, oknëm ma ja Dios ja y'ayajk y'ako'onën yajmo'oyën.

Deuteronomio 10:18

Mëti'ipë nyipaye'epyën ja ku'ooky'u'unk ku'ookytyo'oxy ets mëti'ipë myoopyën ja wyit tyujkxy ja jaaypyaat jaaypyo'kxy; mëti'ipë yajpatëpën ma miitsëtyën.

Deuteronomio 24:17

Këtii nëkoo o'ktëy xytyuntëty yë jaaypyo'kxy, ni yë'ë ëxaty xykyatuntëty yë ku'ooky u'unk ets ja ku'ookytyo'oxy, ko ënety mënu'kxy'ätyë. Këtii yë wyit tyujkxy xypyëjkëtëty mëti'ipë ja nu'kxy mtukutëkëtëpën.

Deuteronomio 24:7

Ko tu'uk yë Israel ja'ay yajnijawëty ko tëë myëku'uk tkukä'ptuta'ay ets tyaj'awinpita'any ëyoopë mëtuunpë, ëkë tooka'any; tääpë ja'ay mëti'ipë ënety ja myëku'uk jëtu'un të tunyën, kopkpëky ko nëjkx tku'ookë jëtu'unpë ja tuuntëko'oyën. Jëtu'un'äämpy ka'ap yaj'ijxta'akëty ja nëë poky ma miitsëtyën.

Deuteronomio 25:1

Ko nimäjtsk yë ja'ay tsyiptuntëty, nimäjtsk mëpaat jam nyëjkxtë ma ja yajkutujktaknën ets yajnipaye'eytyëty ja pyokyëty ets ja kutuunktëjkëty yë'ë nëjkx nikajpxtë pën ënety pokymyëët ets pën ka'ap.

Deuteronomio 27:19

Poky yë ja'ay wyë'ëmëty, mëti'ipë o'ktëy yë jaaypyaat jaaypyo'kxy tyuunpyën näjyëtu'un yë ku'ookytyo'oxy ets ku'ooky'u'unk. Ënet ja ja'ay y'ëtsowtëty: Oy, jëtu'un'atëp.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.