Jeremias 22:2 - Biblia Dc en Mixe de Quetzaltepec

² ma Judá yajkutujkpën, mëti'ipë jam yajpatpën ma David yë kyutujktaknën ets ma tyuunpëtëjkën ets ma nitëkokyëty yë ja'ayëtyën mëti'ipë jam tsënaaytyëpën kajpnjotm: Mëtoow'itë yë Wintsën yë y'aaw y'ayuk.

Biblia Mixe de Quetzaltepec

² ma Judá yajkutujkpën, mëti'ipë jam yajpatpën ma David yë kyutujktaknën ets ma tyuunpëtëjkën ets ma nitëkokyëty yë ja'ayëtyën mëti'ipë jam tsënaaytyëpën kajpnjotm: Mëtoow'itë yë Wintsën yë y'aaw y'ayuk.

Jeremias 22:2 Iomraidhean Croise

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

Isaías 1:10

Miitsëty wintsëntëjkëty, Sodomë ja'ayëty, mëtoow'itë ya'atë aaw ayuk mëti'ipë ja Wintsën kyajpxäämpyën. Miitsëty, Gomorra ja'ayëty mëtoowkukëtë wi'ix ja Wintsën ja y'ënä'ämën y'ënä'änyën.

Isaías 28:14

Paatykyëjxm tyam myaj'ënëëmëtë miitsëty naax kajpnëty, mëtoow'itë ya'atë aaw ayuk, miitsëty yajkutujkpëtëjk ets mëti'ipë ënä'ämtëpën wintsën'ajtëpën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 19:3

Jëtu'un xy'ënëëmëty: Judá yajkutujkpëtëjk ets miitsëty Jerusalén ja'ayëty, mëtoow'itë ya'atë Wintsën yë y'aaw y'ayuk, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Mëk ëyo'onës nkäxäämpy ma ya'atë kajpnën; ko ënety pën tnijawë'aty, je'eyë nëjkx myony tyuk,

Jeremias 22:1

Jëtu'unës yë Wintsën të xy'ënëëmë: Nëjkx jam ma yajkutujktaknën ets xynyikajpxëty ya'atë aaw ayuk

Jeremias 22:4

Pën mtuuntëp mëti'ipë ntuk'ënä'ämtëpën, jää'ataanp ja ja'ay mëti'ipë yajkutukëpën ma ja David ja kyutujktaknën, mëti'ipë tëkëjantëpën kepy wintëkäämpëkëjxy ets kwaaykyijxy jam ma yajnitëkën yë kutujktakn, mëët ja ja'ayëty mëti'ipë mëj'äämpy ijtëpën ets wintsëntëjkëty.

Jeremias 29:20

E paaty n'ënëëmëtë ets yë'ë xytyuntëty mëti'ipës nikäjpxypën, tu'kë'ëyë miitsëty mëti'ipë ojts myajmëtsoontën tsumy matsy jam Jerusalén ets myajmënëjkxtë jam Babilonyë.

Jeremias 34:2

Ëjts, mëti'ipë Wintsën'ajtpën, mëti'ipë yë Israel ja'ayëty Tyios'ajtëpën, mijts ntuknipëjkpy ets nëjkx xy'ënëëmë yë Sedequías yajkutujkpë, mëti'ipë jam Judá ënä'ämpën: Jëtu'un yë Wintsën y'ënä'äny: Ëjts nyajkutukäämpy ets Babilonyë yajkutujkpë myinëty ma mnaax mkajpnën ets tjëënmo'ojëty yë mkajpn.

Jeremias 36:30

E ka'ap wyi'ixëty, ëjts, mëti'ipë Wintsën'ajtpën, tyam mijts n'ënëëmë, Joaquim, mëti'ipë ënä'ämp yajkutujkpën ma Judá kajpnën, mijts ka'ap nëjkx yë m'u'unk m'ëna'k ets m'u'unk m'ok xymyëët'aty mëti'ipë jam ja'tëpën ma David yë kyutujktaknën. Ko ënety m'ooky, yë mjot mnini'kx jëtu'unyë nëjkx wyin'aankëtä'äky xëëny ets jëtu'unyë nëjkx tyipjuuny koots,

Jeremias 7:2

Nëjkx jam mwa'ak'oyë ma tsajptëjk yajnitëkën ets xytyuknijawëty ya'atë aaw ayuk yë ja'ayëty: Miitsëty Judá ja'ayëty ni'ëmukë, ninu'un mtëkëtën ma ya'atë tëjk'aawën ets xy'ëwtata'antë ja Wintsën, mëtoow'itë ya'atë aaw ayuk

Ezequiel 34:7

Paaty yam miitsëty kupixyny këwent'ajtpëty n'ënëëmëtë ets xyjyä'äkyukëtëty yë n'aaw n'ayukës.

Amós 7:16

Paaty n'ënëëmë ets xymyëtoow'itëty ja Wintsën ja y'aaw y'ayuk. Mijts jëtu'un m'ëna'any: Këtii nëkoo Dios yë y'aaw y'ayuk xynyimëtyakë ma Israel kajpnën ets këtii nëkoo wiinkjaty xynyimëtya'akëty yë Isaac yë y'u'unk y'ok.

Lucas 1:32

Mëj'äämpy nëjkx y'ity, Dios U'unk yajtija'any, ja Wintsën nëjkx pyëjktä'äkyë yajkutujkpë ijxtëm ja y'apteetyën David,