Jeremias 21:6 - Biblia Dc en Mixe de Quetzaltepec

⁶ Nyaj'o'kta'ajäämpyës yë ja'ay mëti'ipë yaa kajpnjoty tsënaaytyëpën: ja'ay ets jëyujk, ni'ëmukë nëjkx pa'am ëyo'on yaj'ookëtë.

Biblia Mixe de Quetzaltepec

⁶ Nyaj'o'kta'ajäämpyës yë ja'ay mëti'ipë yaa kajpnjoty tsënaaytyëpën: ja'ay ets jëyujk, ni'ëmukë nëjkx pa'am ëyo'on yaj'ookëtë.

Jeremias 21:6 Iomraidhean Croise

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 20:4

Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënety ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Jeremias 32:24

E yë Caldeo ja'ayëty tëë twinwë'tëtya'atë ja kajpnpa'a ets tnitëkëja'antë, yë tsip, yuu xëëw ets pa'am ëyo'on, yë'ë ënät mëk tëytyunëp ets mëtsip myëta'aktëty. Wintsën, tää xy'ixy ko jëtu'un tyunyë jyätyë tä të m'ënanyën.

Jeremias 33:12

Yë Wintsën mëti'ipë maaytyääyëpën winë jëtu'un y'ënä'äny: Ma ya'atë kajpnën, ma tyam aanë'ëk tëëtsë'ëk yajpaatyën, ma ka'ap yë ja'ayën ets ka'ap yë jëyujkën, yonaanp jiitsaanp jatëkok yë mëëy ets aay ujts, nëjkxëp yë ja'ayëty jatëkok tyaj'ok tyajwëtstë yë kyupixynyëty.

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.

Jeremias 36:29

Ets xy'ënëëmëty: Jëtu'un yë Wintsën y'ënä'äny: Mijts ojts xynyino'oky ja noky axaatsy ets ojts yë Jeremías xytyuk'ojy ko tjaay mëti'ipë ja Babilonyë yajkutujkpë tyunäämpyën, ko myina'any ma ja naax kajpnën ets tyajkutëkoyä'äny ets nitu'uk ja ja'ay juuky tkayajwë'ëma'any ets jëyujkpaat tyajkëjxtaja'any.

Jeremias 42:22

Tyam myaj'ënëëmëtë, ko ja'akyukëtë yajxon: yë jëën tsip, yuu xëëw ets ja pa'am ëyo'on, yë'ë myaj'ookan myajtëkoyanëtëp ma ja naax kajpnën ma m'ëna'antën mnëjkxa'antën tsënääpyë.

Jeremias 7:20

Paaty ëjts maas nWintsën'atyën, tyamës n'ëna'any ko nyajkëta'akäämpyës yë ntsip n'äkë ma ya'atë kajpnën; ma ya'atë ja'ayëtyën, ma aayjëyujk ujtsjëyujkën, ma aay kepyën aay ujtsën ets ma pëjktä'äkyën. Jëtu'unës yë ntsip n'äkë nyajnaxa'any tä patoyë jëënën mëti'ipë ka'ap pën myäyëtëty tyajpi'itsëty.

Ezequiel 12:16

Nëjkxëpës tu'uk mäjtsk nyajke'eky tsipjoty, yuujoty, pa'amjoty ets tnimëtya'aktëty ma ja naax kajpnën ma ënety yajpaatën wi'ix ëxëëk o'ktëy të y'ëtë'ëtstë y'ëna'antën ets nijawëtëty ko ëjts Wintsën.

Ezequiel 14:13

Ko tu'uk yë naax kajpn xymyëtëkoyëtyës ets wintsë'kën tyajtëkoyëty ma ëjtsën, nixajë'ëkäämpyës ets ntëytyunäämpyës ko npëjkëtyës yë jyi'kxy pyiky; nkäxäämpyës yë yuu xëëw ma yë'ëjën ets y'ooktëty yë jëyujk ets ja'ay.

Ezequiel 14:17

E koos njaakyaj'itëty yë tsip ma tääpë kajpnën ets nyajkutukëtyës wä'än t'o'kta'atë yë ye'etyëjktëjkëty ets jëyujkëty,

Ezequiel 14:19

E pën nkejxypyës yë yuu pa'am ma tääpë kajpnën ets ntukjoot'anpëkëtyës, nyaj'itëtyës yë o'kën tëko'oyën, nyajkutukëtyës ets y'ooktëty yë ye'etyëjktëjk ets jëyujkëty.

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Ezequiel 33:27

M'ënëëmëp näjyëtu'un: Jëtu'un yë Wintsën y'ënä'äny: Njuukyajtënës yam ntukkajpxpejtyp etsës n'ëna'any: ko yë ja'ayëty mëti'ipë tsënaaytyëpën maajaty yë naax kajpnën, xit ko'ow të jyajta'atë, nëjkxëp ja'ay yaj'ookëtë, e mëti'ipë tsënaaytyëpën kamjoty nëjkxëp tsyu'tsta'ajëtë ja jëyujk ëwa'anëtypë, e mëti'ipë aankjoty ets tsaajoty tsënaaytyëpën yuu pa'am yaj'ookanëtëp.

Ezequiel 33:29

Ko ënety nyajwë'ëmyës aanë'ëk tëëtsë'ëk ets xit ko'ow ja naax kajpn mëët ko ënety ka'ap tii oy tuntë, ënätnëm nëjkx nijawëtë ko ëjts Wintsënajtp.

Ezequiel 7:15

Jap tëja'p tsip jap tuunëp, tëkoty yuu pa'am jap. Mëti'ipë kajpnjoty yajpatëpën tsipjoty y'ooka'antë, e mëti'ipë kamjoty yajpatëpën yuu xëëw, yuu pa'am yaj'ookanëtëp.

Oseas 4:3

Paatykyëjxm yë naax kajpn jëtu'un yaj'ixy o'kën tëko'oyën yowë të y'ity; ets jëtu'un yaj'ixy ka'ap yowë pën mëk'ajtën t'ëkmëët'ajnë; ets y'o'ktaaynyë ja aayjëyujk ujtsjëyujk, joon jëyujk ets nëë jëyujkpaat y'o'knë.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Sofonías 1:3

Nyajkutëkoyäämpyës yë naaxwiinyëtë ja'ay, joon jëyujk ets nëë jëyujk, npëjkta'akäämpyës mëti'ipë yë ëxëëkja'aytyëjk yajkëtaw yajkëpipëtëpën ets nyajkutëkoyä'änyës yë naaxwiinyëtë ja'ay.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.