Jeremias 2:3 - Biblia Dc en Mixe de Quetzaltepec

³ Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Biblia Mixe de Quetzaltepec

³ Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Jeremias 2:3 Iomraidhean Croise

Éxodo 22:29

Ka'ap xymyëpo'kxëty yë m'ayajk m'ako'onën ets mpëjktä'äky mëti'ipë mmëminëpën ma ëjtsën. Yë m'u'unk mmaay, mëti'ipë ënety më''ëka'any mëxu'unk'ajtpën, ëjts xymyo'ojëp.

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënety xyajpëtë'ktaaynyën tëkokyë mëti'ipë të xynyi'ipy të xykyojyën.

Isaías 41:11

Tëkokyë mëti'ipë ënety m'ëxëëk'ijxëp mka'oy'ijxëp, tsëtyu'unmëët wyë'ëma'antë; mëti'ipë ënety tsiptunantëpën mëët mijts, wa'ats nëjkx kyutëkooytya'atë.

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Jeremias 12:14

Jëtu'un yë Wintsën të tnikäjpxy jyata'any yë naax kajpn mëti'ipë ëxëëk ëtëtsp ënaanpën, mëti'ipë myëwinkon'ajtëpën yë Israel kajpn, mëti'ipë të tyajma'ta'atën ja naax kam mëti'ipë yë Wintsën myooyën yë Israel kajpn: Ëjts njëpëkäämpyës tääpë naax kajpn naaxwiinypë ets nyajpëtsëma'anyës yë Judá ma yë'ëjëtyën.

Jeremias 2:4

Miitsëty mëti'ipë yë Jacob y'u'unk'ajtyp y'ok'ajtypyën, mëti'ipë yë Israel myëku'uk'ajtypyën, mëtoow'itë ja Wintsën ja y'aaw y'ayuk.

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.

Jeremias 50:7

Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Joel 1:3

Tukmëmëtya'aktë m'u'unk m'ëna'këty ets yë'ëjëty tukmëmëtya'aktëty yë y'u'unk y'ëna'këty ets y'u'unk y'ëna'këty tukmëmëtya'aktëty yë jyä'äyëty.

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Habacuc 1:11

Mëk pojën nyaxtë ets ka'ap nimëti'ipë tios mëj t'ixtë, yi'iyë tyukjotkujk'ajtëp yë jyot myëjaawëty.

Zacarías 1:15

Paatyës të ntukjoot'anpëky tääpë naax kajpn mëti'ipë ka'ap tii tmaytyën tajtën, mëti'ipë ojts ni'ikyë ja jotmay t'ixkukëtën maas ënety ëjts të njoot'anpëkyën.

Zacarías 2:8

Yë Wintsën mëti'ipë maaytyääyëpën winë tëëjës yë aaw ayuk xytyukmëkäxë ma ja naax kajpnën mëti'ipë ojts määtsëtën: Pënës yë nkajpn ëxaty tyuunpy, ëjts yë nwintsaa yajtsëtyujtyp, paaty tääpë naax kajpn kë'ëmës mëët ntsiptuna'any etsës nyajkutëkoyä'äny, ëxëëk nëjkx tyunyë mëti'ipë ënety yaj'ëyoopy yajmëtuumpyën. Jëtu'un yë Wintsën yë myëj'ajt y'oyajtën tyajnikëxë'ëka'any ets xyjyä'äkyukëtëty ko yë'ëjës të xykyexy.

Romanos 11:16

Jëtu'un ijxtëm ja jëtsyën mëti'ipë ja Dios yajtuknipëjktakëpën kënu'kxy ja nyäxy, näjyëtu'un ja tsajpkääky nän kënu'kxy jä'änë. Näyjyëtu'un ënät tu'uk ja kepy tyikts ko tëë Dios tkënu'kxy, ja kepyxye'enty aak wa'ats ja nyajxtaaynyë.

Romanos 16:5

Kajpxpo'kxtë näjyëtu'un ja mëpëjkpëtëjkëty mëti'ipë niye'eypyäjtëpën ma ja Priscila ets Aquila ja tyëjkën. Kajpxpo'kxtë ja Epeneto, mëti'ipës nmëku'ukja'apën, yë'ë ojts tmëpëky ja Kristë jëyëjp jam Asia y'itjotm.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Deuteronomio 14:2

Jä'ä ko yë mWintsën Tiosëty yë'ë të y'ënä'äny, ko miits mjä'ä'ata'anëtë. Paaty kë'ëm të mtimwin'ixëtë ma wiinkëtypë ja naax kajpnën ets yë'ë mjä'ä'ata'anëtë.

Deuteronomio 26:19

Yë Dios mëj myaj'awinpita'anyë mëët yë mëj'ajt oyajtën, akäjpxy nimëtyä'äky, mëjpëjktä'äky, ma ja wiinkëtypë ja kajpnën ets jëtu'un mkajpn'ata'anyë tä të tnikäjpxyën, tu'uk ja kajpn mëti'ipë të yajtuknikënu'kxën ja mWintsën Dios.

Deuteronomio 7:6

Jä'ä ko miitsëty tëë yë Wintsën mëti'ipë mTios'ajtëpën mwin'ixëtë, ko yë'ë mkajpn'ata'anëtë. Kanaak yë naax kajpn jää yajpaaty, e miitsëty tëë myajwin'ixtë ets mnaxtëty Dios yë kyajpn.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Dios ets mëti'ipë yajtijpën Kupixyny U'unk ets të tuknitso'oktë.