Jeremias 14:3 - Biblia Dc en Mixe de Quetzaltepec

³ Ja kume'enyjyä'äytyëjkëty jyakäjxtëp ja tyuunpë nëëwijtspë; tääts jam nyëjkxtë ma nëë nyipetyën, je'eyëp ko ka'ap ja nëë tpaatë, tukwa'ats jatëkok tmëwinpitë ja nyëë apëjkënëty, ëxëëk nyäyjyawëtë ets tsëtyuuntëp.

Biblia Mixe de Quetzaltepec

³ Ja kume'enyjyä'äytyëjkëty jyakäjxtëp ja tyuunpë nëëwijtspë; tääts jam nyëjkxtë ma nëë nyipetyën, je'eyëp ko ka'ap ja nëë tpaatë, tukwa'ats jatëkok tmëwinpitë ja nyëë apëjkënëty, ëxëëk nyäyjyawëtë ets tsëtyuuntëp.

Jeremias 14:3 Iomraidhean Croise

2 Samuel 15:30

E ja David jamtsow ojts pya'tëkë ma ja kopk txëëwatyën Olivos; tekywya'ats ojts nyijkxy ets jëëpy yaxp, kupe'eny mëët ko ja amay jotmay tpaaty. Näyjyëtu'un tëkokyë ja ja'ayëty mëti'ipë ënety panëjkxëpën aak kupe'eny nyëjkxtë ets jëëytyëp yaxtëp.

2 Samuel 19:4

E ja yajkutujkpë tyam ja ni'ikyë nyäwyinmäx nyäwyimpo'tëpë mëët ko ja myaank tjantynyiyä'äxy ets mëk jyänty'ënä'äny: Absalón, u'unk maay; Absalón, u'unk maay, u'unk maay.

1 Reyes 17:7

Je'eyëp ko ja nëë ojts näjyëtu'un tyëtsnë, jä'ä ko ka'ap tsojk y'ëktuunë.

2 Reyes 18:31

këtii xymyëpëktëty. Yë Asiria yajkutujkpë paatyës të xykyexy ets miits n'ënëëmëtëty ets xytyuntëty tu'uk yë näykyajpx'oyë mëët yë'ë ets m'ëna'antëty ko ka'ap ntsiptuna'antë ets tu'k'ëtëyë je'eyë jam mtimnyäykyuwanëtëty ma Asiria ja'ayëtyën; jëtu'un ja mkam mtu'ujëty je'eyëm xymyëët'atëty ets xyjyë'kxtëty xypyëktëty ja mëti'ipë të xypyän të xykyojtën.

Ester 6:12

Ko jëtu'un tukjëtitëtyääy ja naax kajpn, ja Mardoqueo jam ojts jatëkok nyijkxy tëjk'ëkë'ëm ma ja kutujktaknën. E ja Amán, ko jam tsyo'ony, pëyi'ikyë ojts nyijkxy ma tyëjkën, mon tuk, jëëpy yaxp ets ka'ap y'ëk'ijxë'k y'ëkkoowë'knë.

Job 6:20

e ko jam t'ixtë ka'ap tii nëë, nëkooyë ëxëëk nyäjya'awënëtë ets tim tëkooytyääytyëp yë jyotkujk'ajtënëty.

Salmos 109:29

Wä'än yë nmëtsiptëjkës tsëtyu'unpata'atë. Wä'än tsëtyu'unmëët twë'ëmta'atë jëtu'un tä jeexyë wit mëët wyë'ëmtën.

Salmos 40:14

Wä'än tsëtyu'unpaatë mëti'ipë ja ënantëpën xyaj'ooka'antës. Wä'än tkä'äktë wintsëtyu'un jëjptsëtyu'un mëti'ipës xy'ëxëëktunantëpën.

Jeremias 14:4

Yë naaxtuunpëtëjkëty ka'ap tnijawëtë tii tyuunta'aktëpën, je'eyë jyaak näkyumatsëtë, jä'ä ko tëkoy'ajtp ja nëë tuu ets ja naaxwiinyëtë tëë yajxon tyëëtsë'knë.

Jeremias 15:18

¿Wi'ix ko ja npëjkënës n'ijxënës ka'ap myony, wi'ix ko yë ntsëtyutës ka'ap tsyooymyäy ets oy jyatsooypyety, nijënu'un kyatso'oky? Jëtu'un të m'awinpijnë tä nëëjën mëti'ipë täämjëtijtpën, ka'ap oy ntukjotkujk'ajtmëty.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 2:37

Wintsëtyu'un jëjptsëtyu'un jatëkok jap Egiptë mwinpitëty jä'ä ko tëëjës ja naax kajpn n'ëxmajtsta'ay mëti'ipë ënety mmëkwinkajpxëyëpën; e oy jënu'un mëët oy mjanäjyawëtëty, ka'ap nitii xypyaata'any mëët yë'ëjëty.

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënety o'ktëy jyatë kyëpätë.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Lamentaciones 4:4

Nëkooyë y'u'unk y'ëna'k yuu o'kënëtë, tëë pya'kxwiin nyamëj'o'tspäjnëtë. Jya''amëtoow yë pi'k ëna'këty tii kyäytyëpën, je'eyëp ni pën kyayajkayë.

Oseas 2:3

Pën je'eyëm tuun'ëtë'ëtsy ëxëëkpë, niwa'ats ëxwa'atsës nyajwë'ëma'any: Jëtu'unës mpëjkta'aka'any niwa'ats ëxwa'ats tä myiinyën naaxwiiny, aanë'ëk tëëtsë'ëkës nyaj'awinpita'any, ets nyajnëëtëëtsë'ooka'anyës.

Joel 1:20

Yë'ëpaat yë aayjëyujk ujtsjëyujk mëkajpxënë, jä'ä ko tëë yë nëë wok tyëtsta'ay ets jëën wa'ats të tyajkëjxta'ay yë mëëyjot.

Amós 4:7

Ojtsës näjyëtu'un nyaj'ëmaaytyä'äky yë nëë tuu ma miitsëtyën, tëkëëk po'o ënety tkapaatynyëm ma xyajpëtë'ëktëtyën yë mpëjktä'äkyëty. Muumëty ojts nyajtu'uyës ets muumëty ka'ap;

Amós 4:8

ojts ja'ay winnaax winkajpn tpajëtitë yë nëë ets ka'ap ku'uxyë nyëë'uktë ko nëë wäänë tpatë; e miitsëty ka'apës ojts xynyiwinpitë. Jëtu'un yë Wintsën y'ënä'äny.

Zacarías 14:17

E pën jääts tu'uk ja naax kajpn mëti'ipë ka'ap jam nyijkxyën Jerusalén, ma yaj'ëwtatyën ja yajkutujkpë, yë Wintsën mëti'ipë maaytyääyëpën winë, ka'ap nëjkx ja nëë tuu tyajjam'aty ma ja nyaax kyamën.