Génesis 9:1 - Biblia Dc en Mixe de Quetzaltepec

¹ Dios ojts tkënu'kxy yë Noé mëët yë y'u'unk y'ëna'k ets y'ënäny: Mëët'atë yë m'u'unk m'ëna'këty nimay ets xyajwintuktëty yë naaxwiinyëtë.

Biblia Mixe de Quetzaltepec

¹ Tios ojts tkënu'kxy yë Noé mëët yë y'u'unk y'ëna'k ets y'ënäny: Mëët'atë yë m'u'unk m'ëna'këty nimay ets xyajwintuktëty yë naaxwiinyëtë.

Génesis 9:1 Iomraidhean Croise

Génesis 1:22

Ënet ojts tkënu'kxy mëët ya'atë aaw ayuk: Wä'än mnimayëtë ets xyajwintuktëty yë nëëjot ets wä'än näjyëtu'un nimayë yë joon jëyujk naaxwiiny.

Génesis 1:28

Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

Génesis 10:32

Ya'atë jyä'äy'ajtë yë y'u'unkëty y'ëna'këty yë Noé, wi'ixëty ojts nitu'ukjaty jyä'äy'atë ets aakmëët yë nyaax kyamëty. Yë'ë ya'atë mëti'ipë ojts wyë'ëmtën ko ojts ja komtuu y'ity, nitu'ukjaty xim yam ojts ye'eywya'kxtaaynyëtë naaxwiinyëtë apëtsëmy.

Génesis 2:3

Ënet ojts tkënu'kxy ja mëwëxtujkxëëwpë ets ojts tnikäjpxy ko wa'ats mëpaat y'ity, jä'ä ko jää ojts pyo'kxy ko tyuuntaay ma ënety winë të tyajkojy të tpëjktä'äkyën.

Génesis 24:60

Tä ojts tkënu'kxtë ja Rebeca mëët ya'atë aaw ayuk: Jëëky mëku'uk ets mëkä'äx, Taak tsi'tsk m'itëty ma nimayjyä'äyën. Ets ja m'u'unk m'ok myëmëta'akëp ja naax kajpn ma ja myëtsip tsyëënëtën jyuuky'atën.

Génesis 35:11

ënät ojts y'ënë'ëmxëty: Ëjts jëtu'un Dios, mëti'ipë mëk'ajtën mëëtën. Mëët'atäämpy yë m'ok'u'unk m'ok'ëna'k nimay. Ma mijtsën may yë ja'ay pyëtsëma'any ets maynyaax maykyajpn; ma mijts yë m'ok'u'unk m'ok'ëna'kën pëtsëmëp näjyëtu'un mëti'ipë itëpën yajkutujkpë, mëti'ipë ënä'ämëpën ma nyaax ma kyajpnën.

Génesis 8:17

Yajpëtsëëmta'a näjyëtu'un tu'kë'ëyë jëyujk, jënu'un jap xymyëët'atyën, joonëty, jëyujkëty mëti'ipë yujyëtyën, mëti'ipë mëpaat ja'ay tyajtsëënën ma jyëën tyëjkën ets mëti'ipë naaxwin'a'tspën. Wä'än tukye'eyëtya'atë naaxwiinyëtë ets y'u'unkëty y'ëna'këty tyajnimayëtëty ets tyajwintuktëty jëtu'un yë naaxwiinyëtë jatëkok.

Génesis 9:19

Ya'atë jëtu'un y'u'unk'ajt y'ëna'k'ajt yë Noé ets yë'ë ojts jatëkok tyajwintuktë yë naaxwiinyëtë.

Génesis 9:2

Tu'kë'ëyë jëyujk naaxwiinypë jyuuky'atën nëjkxëp mtsë'ëkëtë. Tu'kë'ëyë jëyujkëty mëti'ipë pojotm kääkjëtijtëpën, naaxkëjxypyë ets nëëjotypë y'itën, jam yajpata'atë ma kyutujkënën.

Génesis 9:7

E miitsëty may yë u'unk maay xymyëët'atëty, ets yë'ë tyajwintuktëty yë naaxwiinyëtë.

Salmos 112:1

Tukxoontä'äky mëjjawë yë Dios yë xyëëw nyaxëty. Jotkujk yë ja'ay yajpaaty mëti'ipë wyinkutsë'këpën yë Wintsën, ets jotkujk nyäjyawëty ko tpatuny ja y'ënä'ämën tyiyajtën.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënety je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.