Génesis 8:1 - Biblia Dc en Mixe de Quetzaltepec

¹ Ënet yë Dios ojts tja'amyetsy ja Noé ets ja jëyujkëty jënu'un ënety jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Biblia Mixe de Quetzaltepec

¹ Ënät yë Tios ojts tja'amyetsy ja Noé ets ja jëyujkëty jënu'un ënäty jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Génesis 8:1 Iomraidhean Croise

Génesis 19:29

Jëtu'un ojts kyutëkooytyä'äy yë Sodomë ets Gomorra kajpn ets mëët yë pya'a nyux ma ënety yë Lot të jyuuky'ätyën, e ojts yë Abraham yajja'amyetsy, paaty jëtu'un ojts yë Lot yajjuuty ëyo'onjoty.

Génesis 30:22

E yë Dios ko tja'amyejtsy yë Raquel ets ko ënety yë nyu'kxtakën të tmëtoowë, ënät ojts t'a'ixë ets Raquel tu'uk yë u'unk tyajminëty naaxwiiny.

Génesis 9:10

ets jëyujkëty mëti'ipë të mpapëtsëmëtën jap kepy nëëwinye'epyëjoty: joon, jëyujkëty mëti'ipë yujyëtyën ets mëti'ipë ëwa'anëtyën ets jëyujkëty jënu'un naaxwiiny naaxkëjxy y'itën.

Nehemías 13:14

Mijts Wintsën, ma mijts n'ëwtatyën, tun mëyajtën ni''ijxkëtakës ets mijts kë'ëm m'ixëp mtunëp pën oy yam jëtu'un nmëtuny tä yam winë ntunyësën, këtii xyjyä'äytyëkoyëty mëti'ipëjatyës yam oy ntuunpyën ma mtsajptëjkën ets ma myaj'ëy myajwinkajpxtä'äkyën.

Nehemías 13:22

Näy ojtsës ntuk'ënä'ämpë Leví ja'ayëty ets näypyuj nyäjyä'ätsëtëty ets nëjkx tkëwent'atë ja tëjk'aaw ko po'kxënxëëw tpaatëty këtiipë yaj'ëxëëktunëty ja po'kxënxëëw. Wintsën, ma mijts n'ëwtatyën, xyjyä'äymyätsëpës, mja'amyätsëp mëti'ipë yam ntuunpy nkäjpxypën ets pa'ëyoow najts'ëyo'owëkës mëët ja m'oyjot m'oywyinma'any.

Nehemías 13:29

Wintsën, ma mijts n'ëwtatyën, këtii xyjyä'äytyëkoyëty mëti'ipë të tjaamtään të tnaaxtaantën ja teetyëjk ja y'oytyu'un y'oykajpxënëty ets ja Leví ja'ayëty.

Nehemías 13:31

ets näjyëtu'un y'o'oyëtyääy ja jotmay mëti'ipë ënety jamën, ojts yajkajpxmuky wi'ix ja jëën ja'axy yajmëminëtyën ets wi'ix'äämpy ja jë'kxy pëky näjyëtu'un myukëtyën. Dios, ma mijts n'ëwtatyën: ja'amyäjtskës ets oyjya'awëkës.

Job 12:15

Ko yë'ë tmajtswë'ëm yë nëë tuu, poj'am winë tyëtsta'ay; e ko tmajtstu'uty yë nëë tuu, poj'am tyajnikoonpäjta'ay yë it naaxwiinyëtë.

Job 14:13

Ja'ënaanpës jeexyë jap näyu'utyës ma o'kpë y'itën etsës jeexyë jap n'ëwxity, koonëm yë mtsip m'äkë nyaxëty ets kë'ëm xynyikajpxëty jëna'a jatëkok xyjyä'ämyätsa'any.

Salmos 105:42

Jä'ä ko jyä'ämyäjts ja wyaantakën wa'atspë, mëti'ipë mëët tuunyën ja Abraham, mëti'ipë tyuunpë'ajtypyën.

Salmos 106:4

Wintsën, xyjyä'ämyätsëpës ko ënety jatëkok ja mnaax mkajpn xyaj'oyë; jap xyjyot'atëtyës ko ënety ja mnaax mkajpn xyaj'ëwaatsëpëtsëmy,

Salmos 115:12

Yë Wintsën tëë jatëkok xyjyä'ämyäjtsëmë, tyam xykyënu'kxmëp ënät. Kyënu'kxäämpy yë Israel kajpn ets kyënu'kxäämpy yë teetytyëjkëty.

Salmos 132:1

Wintsën, ja'amyäts yë David, ets ijxë wi'ix tmënaxy tyajnaxyën yë ëxëëkpë tsaatsypë. Ja'amyäts ko yë'ë ojts tnikäjpxy ko tukkajpxpejty yë Dios yë xyëëw, ets ko ojts tukmëtoy ja y'aaw y'ayuk ja Dios mëti'ipë Jacob y'ëwtajtypyën.

Salmos 136:23

Mëti'ipë ënätyë xyjyä'ämyäjtsëmën ko ënety ënu'kxë nyajpatëmë, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 137:7

Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

Salmos 29:10

Yë Wintsën yë'ë y'ëne'empy yë nëë tuu; yë Wintsën yë'ë tu'uk ënä'ämpë, mëti'ipë yajkutujkpën winë xëëw winë jëmëjt.

Salmos 36:6

Yë mtëyajtën jëtu'un yë'ë ijxtëm mëj kopkën; yë m'aaw m'ayuk jëtu'un yë'ë tä këk mejyën. Wintsën, mijts mkëwent'ajtyp yë naaxwiinyëtë ja'ay ets jëyujk tsajpkaa.

Éxodo 14:21

Ënet ja Moisés ja tyajk jam tnajtstijëy nëëjotm, tä ja Dios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Dios ja naax tyajnitëtstu'uty jam nëëjotm,

Éxodo 15:10

E ko ojts xyajpojyu'kxy, jëtu'unyë ja nëë ojts nyikoonpäjta'ajëtë. Jëtu'unyë jap kyiintaaytyë tä tu'uk yë pujxn kyinyën.

Éxodo 2:24

Ets ojts tmëmay tmëtajy, ko ënety y'ëjtë tyu'uktë ets tja'amyejtsy wi'ix ënety të tunyën ja käjpxytyu'unën mëët ja Abraham, Isaac ets Jacob.

Proverbios 25:23

Ko pyojy anëkëjxytsyow tu'ujaanp ënety, ko ja'ay ëxëëkjaty kyäjpxy myëtyä'äky, ëxëëk yë wyiin jyëjp tuny.

Isaías 44:27

Ëjts xymyäyëpës ntuknipëjktaakëty ets ja mëjmejy tyëtsta'ajëty ets mëjnëë wyë'ëmta'atëty nëëtuk.

Jeremias 50:38

Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Amós 8:7

Dios, tëë tnikäjpxy mëëtkyëjxm ko ja Jacob ja mëj'ajt oyajtën tmëëtëtyën: Ka'apës nijëna'a nja'atyëkoyä'äny mëti'ipë të tuntën.

Jonás 4:11

E pën jëtu'unts, nän oy, je'eyëp ko yë'ë mja'akyukëp ko jëtu'un ijxtëm tääpë tsi'iw'aats xypya'ëyoyën ko të tsyi'itsy, näjyëtu'unës yë Nínive kajpn mpa'ëyoy. Ma tääpë kajpnën naxy jam mëko'px ja i'px yë pi'k ëna'k mëti'ipë ka'ap tii poky tmëëtëtyën ets näjyëtu'un yë aayjëyujk ujtsjëyujk.

Nahúm 1:4

Y'ëtsu'uxyäxyp yë nëëmejy ets yajtëtsyp. Yë'ë yajtëtsyp tëkokyë yë mëjnëëjot. Yë'ë yajtëtstääpy yë aay ujts jam Basán ets Carmel y'itjotm, yë'ë näjyëtu'un të tyajtëtsta'ay yë pëjy jam Líbano.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Zacarías 10:11

Nëjkxëp tuknaxtë yë Egiptë juukymyejy, ko ënety ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Apocalipsis 16:19

Ënet ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Dios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.

Apocalipsis 18:5

jä'ä ko yë pyokyëty tëë nyipäjnë tsajpwinmpaat ets nijëna'a ja Dios tkaja'atyëkoyä'äny ja pyokytyu'unënëty.

1 Samuel 1:19

Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënety të tpëjktsoy.