Génesis 7:11 - Biblia Dc en Mixe de Quetzaltepec

¹¹ Majkmokx mäjtsk ënety yë po'o y'äny yë mëmäjtskpë. Noé jä'ä ënety yë jyëmëjt tëtujk mëko'px. Jä'ä xëëw jä'ä jëmëjt ojts y'ëwa'atstë mëjëtypë jut, jap naaxpa'tkë'pë ma ja maykyomnëë pyëtsimyën. Ets näjyëtu'un jam tsajpwinm ojts kyupëjy yë komtuu.

Biblia Mixe de Quetzaltepec

¹¹ Majkmokx mäjtsk ënäty yë po'o y'äny yë mëmäjtskpë. Noé jä'ä ënäty yë jyëmëjt tëtujk mëko'px. Jä'ä xëëw jä'ä jëmëjt ojts y'ëwa'atstë mëjëtypë jut, jap naaxpa'tkë'pë ma ja maykyomnëë pyëtsimyën. Ets näjyëtu'un jam tsajpwinm ojts kyupëjy yë komtuu.

Génesis 7:11 Iomraidhean Croise

Génesis 1:7

Dios ojts tu'uk tjanty yajkojy yë niwits nijuuxy, mëti'ipë yaj'ëwä'kxy'ittëpën yë nëë. Tu'kpëky ojts ja nëë wyi'imy pa'tkë'p ets tu'kpëky nëkëjxy.

Génesis 6:17

Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

Génesis 7:6

Ko ja komtuu tyajnikoompäjtaay ja naaxwiinyëtë, yë Noé jä'ä ënety yë jyëmëjt tëtujk mëko'px.

Génesis 8:14

Ko ja mëmäjtskpë ja po'o y'i'px wëxtujk'aany, ja naaxwiinyëtë tëë ënety yajxon nyitëtstutaaynyë.

Génesis 8:2

Ojts y'ëtuky ja mëj nëëjut mëti'ipë ënety jap të y'ëwa'atsyën naaxpa'tkë'p ets ja nëë tuu mëti'ipë ënety jam të kyupëjyën tsajpwinm. Jëtu'un'äämpy ojts ja tuu nyajxnë.

2 Reyes 7:19

Ja yajkutujkpë ja tyuunpë tyaa ënety të y'ëtsoowpë, ko oyëk jeexyë ja tsajp jyatim ëwatspë, mëti'ipë ja Wintsën ja myëtuunpë nyikäjpxypën ka'ap ja tyunëtëty jyatëtëty nijëna'a. E ja Elisejë tëë ënety y'ëtsoyë ko jya'ixëp mëët ja wyiin je'eyëp ko ka'ap nëjkx nitii tyuka'ayë.

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

Job 12:15

Ko yë'ë tmajtswë'ëm yë nëë tuu, poj'am winë tyëtsta'ay; e ko tmajtstu'uty yë nëë tuu, poj'am tyajnikoonpäjta'ay yë it naaxwiinyëtë.

Job 28:4

Yë'ë mëët yë tejpxy nyäkyutëëynyäxyë, mëjjëty muum jut tyaj'ëwa'atstë ma tpaata'antë yë oyëtypë tsaa mëti'ipë awinpijtpën pujxn, jap muum të jya'të ma ja'ay ka'ap kawintimpë tyëkën, ma tmëjëkäm'atyën yë naax kajpn.

Job 38:16

¿Tëë jap m'ëk ojtspë ma yu'utsy y'ityën ja jut, ma mëjmejy pyëtsimyën ja nyinëëjë?

Job 38:37

¿Pën ni'ik wijy näjya'awëyëp ets nijawëty jënaak yë yoots yajpaaty? ¿Pën mayëtëp tyajtukwa'atsëty yë yoots ets tyajtu'ujëty,

Salmos 33:7

Yë'ë yajtu'ukmujkpy ets yajnipejtyp yë komnëë ma mëjnëë mejyën.

Salmos 74:15

Mijts ojts xyajkupëjy yë nëë wok ets mëjnëë, ojts näjyëtu'un yë nëë muum xyajtë'ëtsy ma ënety ka'ap y'ëmaaytyä'äkyën.

Proverbios 3:20

Yë'ë mëët yë wijyajtën ojts tyajnäywyä'kxyë yë mëjnëë, ets näjyëtu'un tyajtso'ony yë maanik yootsjotm.

Isaías 24:18

Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Isaías 24:19

Yajxon ja naaxwiinyëtë mëk yu'kxa'any, këëykëëynyë y'ëtë'ëtsa'any, ets piw nuuk jyajta'aja'any.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Jeremias 51:16

Ko tyajtu'uja'any, ënääw jëyëjp nyikäjpxyp, jëkämpaat muum tyajtsoony yë yoots nëma'a ma naaxwiinyëtë jëjpën. Yajtë'kxyp yajjäjpy yë jyëtsuk oy jënu'un kyomtu'uy ets tyajpëtsëmy yë pyoj ma tyaj'ityën pëjkë'ëky.

Ezequiel 26:19

Jä'ä ko ëjts Wintsën, ëjts ënaanp: Axit ako'owë ntuna'any, jëtu'un nyaj'awinpita'any tä itjotmën ma ka'ap pën tsyëënën. Ëjts nyajkutukäämpy ets mnijä'tstëkoyëtëty yë këk nëëmejy,

Malaquías 3:10

Mëmintë yë m'ayajk m'ako'onënëty maas yë njëën ntëjkën, ma mpaatëtën xyaktëty tu'kpëky ja majk pëkpyë; jëtu'un jyam'atëty ja ka'ayën ukën maas yë ntsajpjëën mtsajptëjkën. Ëk winma'any'ijxtëkës ets xy'ixtëty pën këtiis yë nëë tuu n'ëkyajtsoony jam tsajpkëjxm ets kënu'kxën kyëta'akëty ma miitsëtyën mëjwiin këjää.

Mateo 24:38

Jä'ä ko ka'anëm ënety ja komtuu myiny, kaaytyëp uktëp ets pëjktëp uktëp ënety ja ja'ayëty.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

2 Pedro 3:6

Näy mëët ja komtuu ojts kyutëkoy ja naaxwiinyëtë.