Génesis 5:5 - Biblia Dc en Mixe de Quetzaltepec

⁵ Paaty yë Adán jä'ä ojts kä'pxy jyuuky'äty taxtujk mëko'px ja i'px majk jëmëjt. Jä'ä ojts y'o'knë.

Biblia Mixe de Quetzaltepec

⁵ Paaty yë Adán jä'ä ojts kä'pxy jyuuky'äty taxtujk mëko'px ja i'px majk jëmëjt. Jä'ä ojts y'o'knë.

Génesis 5:5 Iomraidhean Croise

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Génesis 5:11

Paaty yë Enós, jä'ä ojts kä'pxy jyuuky'äty taxtujk mëko'px ja mëkoxk jëmëjt. Ets jää ojts y'o'knë.

Génesis 5:4

Ko jëtu'un yë Set y'ëkmiiny naaxwiiny, yë Adán jä'ä ojts jyaakjuuky'äty tuktujk mëko'px jëmëjt ets ojts jyaak mëxu'unk'atë yë y'u'unkëty y'ëna'këty ye'etyëjkpë ets to'oxytyëjkpë.

Génesis 5:6

Mëko'px ja mëkoxk ënety yë jyëmëjt yë Set ko myëxu'unk'ajty yë myaank Enós.

Génesis 5:8

Paaty yë Set jä'ä ojts kä'pxy jyuuky'äty taxtujk mëko'px ja majkmäjtsk jëmëjt ets jää ojts y'o'knë.

2 Samuel 14:14

Yë'ë tëyajtën yë'ë ko kopkpëky ko jëna'a n'o'kmëty; ëtsajtëm jëtu'un'ajtëm tä nëëjën ko nyajtstämë ka'ap tjëkyepy n'ëkyajpëtë'kënëty. Yë'ë tëy yë Wintsën ni pën yë jyuukyajtën tkapëjkë, ni'ikyë tsoky tjawë ets ja'ay jyuuky'atëty ets ja mëti'ipë ke'ekyjyëtijtpën yajwinpijtyp jatëkok ma jyëën tyëjkën.

1 Crónicas 1:1

Ya'atë yë Adán y'u'unk'ajt y'ok'ajt: Set, Enós,

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Salmos 89:48

Ka'ap pën kë'ëyxyëëw kë'ëyjyëmëjt jyuuky'äty, ets nijëna'a kya'ookëty. Ka'ap pën myäyëtëty nyäyaj'ëwaatsëpëtsëmëtëty ma o'kën.

Salmos 90:10

Tëkë'px majk jëmëjt je'eyë njuuky'ajtëmë, e pën oy jeky ntimjyuuky'ajtëmë najääjën jyä'ty majkta'pxën; e oy ënät jëtu'un njajuuky'ajtëmë jeky, ka'ap xoontä'äky nyajpatmëty oywyi'ix njaak yajnajxmëty ja xëëw jëmëjt. Yë xëëw jëmëjt tsojkyë nyäxy, näjyëtu'un ëëts'ajtëmë.

Eclesiastés 12:5

ka'ap nëjkx t'ëkmakxnë ja it ets nëjkxëp tmëët'ajnë ja tsë'ëkë ko muum jyanëjkxa'anëty. Ets ja almendrë nëjkx pyijy, ka'ap nëjkx ja nëë jëyujk t'ëtsu'utsanë ets ka'ap nëjkx yuu y'ëkpatënë. Jä'ä ko yë'ë ënety wiinkoonëp ja y'ijtakn xëmëkyëjxmëpë ets në'ëjoty tu'ujoty nëjkxëp yajnijëëy yajniyaxnë.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Eclesiastés 9:5

Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.

Eclesiastés 9:8

Poop wit xëmë mnätyukxoxëtëp ets on mëti'ipë pa'akxu'kpën xëmë mnätyukujaaxëtëty.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.