Génesis 48:14 - Biblia Dc en Mixe de Quetzaltepec

¹⁴ E ko ojts yë Israel xyajtëy, tä ojts ja kyë'ë tyajnäywyinnaxyë ets ja kyë'ë ja a'oy'äämpyë jam tpëjktä'äky ma Efrainkën, mëti'ipë ënety mutsknëmën, e ja anajny'äämpyë jam tpëjktäky ma ja Manasesën, oy ënety jä'ä jyakä'äxkopkëty.

Biblia Mixe de Quetzaltepec

¹⁴ E ko ojts yë Israel xyajtëy, tä ojts ja kyë'ë tyajnäywyinnaxyë ets ja kyë'ë ja a'oy'äämpyë jam tpëjktä'äky ma Efrainkën, mëti'ipë ënäty mutsknëmën, e ja anajny'äämpyë jam tpëjktäky ma ja Manasesën, oy ënäty jä'ä jyakä'äxkopkëty.

Génesis 48:14 Iomraidhean Croise

Génesis 41:51

Ja y'u'unk ja më''ëka'anypë myiinyën naaxwiiny, jä'ä txëëwmooy Manasés ets y'ënäny: Tiosës të xytyukja'atyëkoy ja nmonyë ntukyës ets ja ëxëëkpë tsaatsypë mëti'ipës të nmënaxy të nyajnaxyën ets ja njëëky nmëku'ukës, nteetyës ntaakës.

Génesis 41:52

Ja mëmäjtskpë jä'ä txëëwmooy Efraín ets y'ënäny: Tiosës yë u'unk maay të xymyo'oy ma ja naax kajpnën maas mëk të n'ëyoyën.

Génesis 46:20

Yë y'u'unk y'ëna'k yë José mëti'ipë tyo'oxytyëjk Asenat yajmiin yajja'ajtën naaxwiiny jä'ä xyëëwajtë Manasés ets Efraín, jap ojts myintë naaxwiiny Egiptë. Yë Asenat yë'ë tyeety'ajt yë Potifera mëti'ipë ënety teety'ajtpën jap tyuny tsajptëkoty ma ja kajpn txëëwatyën On.

Génesis 48:13

Ënet ojts tukwinkuwowë ja tyeety ja nimäjtskpë ja myaank, yë Efraín yë'ë a'oytsyow ets Manasés anajnytsyow. Tää ojts ja Israel yajtukwinkuwowë ets ojts yë Efraín wyi'imy ma Israel yë y'anajnykyë'ëjën ets Manasés a'oykyë'ëjën.

Génesis 48:17

Yë José wiink ojts t'ixy, ko yë tyeety tpëjktä'äky yë y'a'oykyë'ë ma Efrainkën, paaty ojts tmajtsë ja tyeety ja kyë'ë ets tuknixajtuty ja Efraín ma kyëpajkën ets tpëjkta'aka'any jam ma Manasés ja kyëpajkën.

Génesis 48:18

Oy ënety ja tyeety tja'ënëëmë: Tatë ka'ap jëtu'un y'oy'atëty, ya'atë yë'ë mëj, pëjkta'ak yë m'a'oykyë'ë ma kyëpajkën.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Salmos 118:16

Yë Wintsën yë myëk'ajtën ni'ik myëj kyëjääjëty. Yë Wintsën yë myëk'ajtën yë'ë të myëtä'äky.

Éxodo 15:6

Wintsën yë mmëkajtën mkutujkën yë'ë winë të tuny, mëti'ipë mëkën ets maaytyääyëp winë, mëti'ipë ojts tjaamteeny tnaaxteenyën ja mëtsip.

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Mateo 19:13

Tääts ja Jesús yajtuknimiiny ja pi'k ëna'k ets tkënu'kxëty ets ja Dios tuknija'amyäjtsëy. E ja y'ijxpëjkpëtëjk ojts t'ojtë ja ja'ay mëti'ipë ja pi'k ëna'k wyoowmiintëpën.

Mateo 19:15

Tääts ja pi'k ëna'k ojts tkënu'kxy ets ojts jam tsyoony.

Mateo 6:5

Ko miits ja Dios xymyëkajpxtëty, ka'ap jëtu'un m'ëtë'ëtstëty ijxtëm mëti'ipë oyjyä'äy nätyijëtëp, tsyojktëp ets ja Dios tmëkajpxtëty tënääpy tsajptëkoty, në'ëjoty tu'ujoty, ets ja ja'ay y'ixëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Lucas 13:13

Tääts ojts tkë'ënixajy ets kyoowkujkëy, ojts ja jyëxk tyiy ets ja Dios tmëjja'aw tjaantyja'awëy.

Lucas 4:40

Ko ja xëëw kyëtäky, ënät ja Jesús yajtuknimiiny ni'ëmukë ja pa'amja'ay wi'ixëty pën pyikyë, ja Jesús ojts tkë'ënixajy tu'uktu'uk ets tyajtsoktaay.

Hechos 13:3

Tëë ënety ja Dios tja'amyäjta'atë ets y'ayuu'ajta'atë, ënät ojts tkë'ënixajtë ja Bernabé ets ja Saulo ets mëët nyäjyëkajpxëtë.

Hechos 6:6

Tääts jam tyajmiintë ma ja ijxpëjkpëtëjkëtyën ets ja Dios tuknija'amyäjtsëtë ets ojts tkë'ënixajtë.

Deuteronomio 34:9

E yë Josué yë myaank, yë Nun, tëë ënety yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënety ja Moisés ja kuttujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënety të tyuk'ëne'emyën ja Wintsën.

1 Timoteo 4:14

Këtii ja mtuunk xyajtëkoyëty mëti'ipë mëët'ajtypyën, mëti'ipë ja Dios të mmo'oyën ets käjpxynyajxpë m'itëty ko ojts ja mëjja'aytyëjk mkënu'kxyë.

1 Timoteo 5:22

Ka'ap nëkoo ja ja'ay xykyë'ënixajëty pën ka'ap yajxon të xywyinmay të xywyintajy, këtiipë xymyëpokytyëkëty ja wiink ja'ay ja pyoky. Wa'ats mijts mnäyaj'itëtëty.