Génesis 48:11 - Biblia Dc en Mixe de Quetzaltepec

¹¹ Ënet näjyëtu'un yaj'ënëmaay yë José: Ëjts ka'apës ënety n'ëk'ënanë jatëkok n'ixëty mijts, e tyam mijts jatëkok n'ixy npaaty ets Dios jëtää näjyëtu'un ënaanp ets m'u'unk m'ëna'k njaak'ixëtyës.

Biblia Mixe de Quetzaltepec

¹¹ Ënät näjyëtu'un yaj'ënëmaay yë José: Ëjts ka'apës ënäty n'ëk'ënanë jatëkok n'ixëty mijts, e tyam mijts jatëkok n'ixy npaaty ets Tios jëtää näjyëtu'un ënaanp ets m'u'unk m'ëna'k njaak'ixëtyës.

Génesis 48:11 Iomraidhean Croise

Génesis 37:33

E ko yë Jacob t'ijxwatsy ko yë'ë y'u'unk ja wyit ne'pnymyëëtpë, ënät y'ënäny: Pën yë'ëjës yë n'u'unk yë nyijän, tii jëyujk ënät të myätsyë ets të yaj'ookyë, të y'atsu'uts të tyuktsu'utsëty.

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Génesis 42:36

Ënet ja Jacob t'ënëmaay ja y'u'unk y'ëna'k: Miitsëty u'unktukës je'eyë xyajwë'ëmnëtë, yë José ka'ap yajpaaty ma ëtsajtëmën, Simeón nän ka'ap e tyam yë Benjamín ënät näjyëtu'un xypyëjkëjantëpës ets xëmë aak'ëjts jëtu'un winë xytyukkëtakpäjtääpy.

Génesis 45:26

Ko tukmëmëtyaktë ja tyeety Jacob ko ja myaank José juuky'ajtp ets yë'ë jap ijtp ënä'ämpë Egiptë, ka'ap yë Jacob tnija'awëy tii tyuunta'akëpën ets ka'ap ojts tmëpëky tsojk mëti'ipë yajtukmëmëtyakpën.

Génesis 48:10

Yë Israel tëë ënety myëjja'ayënë, ka'ap oy y'ëk'ijxnë, paaty yë José yë myaank nimäjtsk tukmëwinkoony ja tyeety Jacob ets tmëneeny ja y'ok'u'unk y'ok'ëna'k ets ojts tsu'kxy.

Génesis 48:12

Ënet yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety.

Salmos 128:6

Nëjkxëp xy'ixy ja m'ok u'unk m'ok ëna'k. Wä'än tjam'aty ja jotkujk'ajtën ma Israel ja'ayëtyën.

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Efesios 3:20

E tyamm, mëj'äämpy ja Dios nyäxy, ko tmëët'aty ja mëk'ajtën ets winë tunëty, wäänëni'ik këtiinëm ijxtëm n'amëto'owëmën ëkë ijxtëm nmëma'ay nmëtajëmën, oy ko tmëët'aty ja kuttujkën ets winë tunëty ma ëëtsajtëmën.