Génesis 48:10 - Biblia Dc en Mixe de Quetzaltepec

¹⁰ Yë Israel tëë ënety myëjja'ayënë, ka'ap oy y'ëk'ijxnë, paaty yë José yë myaank nimäjtsk tukmëwinkoony ja tyeety Jacob ets tmëneeny ja y'ok'u'unk y'ok'ëna'k ets ojts tsu'kxy.

Biblia Mixe de Quetzaltepec

¹⁰ Yë Israel tëë ënäty myëjja'ayënë, ka'ap oy y'ëk'ijxnë, paaty yë José yë myaank nimäjtsk tukmëwinkoony ja tyeety Jacob ets tmëneeny ja y'ok'u'unk y'ok'ëna'k ets ojts tsu'kxy.

Génesis 48:10 Iomraidhean Croise

Génesis 27:1

Yë Isaac tëë ënety myëjja'ayënë ets ka'ap y'ëk'ijxnë, paaty ojts tëkok tmëkäjpxy ja myaank mëti'ipë kä'äxkopkën, ja Esaú ets t'ënëmaay: U'unk maay. Tä y'ënäny yë Esaú: Wi'ix tatë.

Génesis 27:27

Ko ja Jacob tmëwinkoony ja tyeety ets tsu'kxa'any. Ënet ja Isaac ojts xyuuk'ajtxëty ja wyit, tä ojts kyënu'kxyë mëët ya'atë ja aaw ayuk: Pën ya'atë mëti'ipës nxuukajtypyën n'u'unkës yë jyä'ä. Jëtu'un yë'ë ijxtëm xyuuktën yë aaypyijy ujts pëjy kamjotm tu'ujotm mëti'ipë, Dios kyënu'kxypyën jyëkyejpyën.

Génesis 31:55

Komjëpom ja Labán ojts myä'äypyëtë'kojy jopyëp ets tsu'kxtaay ja y'ok'u'unk y'ok'ëna'k ets ja nyëëx nimäjtskpë, jä'ä ko jëtu'un ënety tu'unën'atë. Tää tkënu'kxtaay nitu'ukjaty, tä ojts wyimpijnë ma ja nyaax kyajpnën.

Génesis 45:15

Ënet yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.

Génesis 48:11

Ënet näjyëtu'un yaj'ënëmaay yë José: Ëjts ka'apës ënety n'ëk'ënanë jatëkok n'ixëty mijts, e tyam mijts jatëkok n'ixy npaaty ets Dios jëtää näjyëtu'un ënaanp ets m'u'unk m'ëna'k njaak'ixëtyës.

Génesis 48:8

Ko yë Israel tuk'ijxpejty yë José yë y'u'unk y'ëna'k, ënät tyajtëëy: E ya'atë, ¿pën yë'ëjëty?

1 Reyes 19:20

Ënätyë ja Elisejë ojts ja tsyajpkaa t'ëxmatsy ets ojts tpanëjkxy ja Elías, tä t'ënëmaay ko tnajtspatëy: Nëjkxës je'eyë n'ëknäjyëëkäjpxyë maas yë nteety ntaakën ets mpanëjkxëty. Oy, nëjkx, je'eyëp ko mja'amyätsëp mëti'ipë tyam të ntuknipëkyën.

Eclesiastés 12:3

Minaanp ja xëëw jëmëjt ma je'eyë tsyëtyuya'antën ja mëti'ipë y'ijx'ijtëpën ja këmoontëjk ets ma ka'ap ja jotmëkja'aytyëjk y'ëkjotmëk'atanëtë; ma wäänë jyaak wë'ëma'antën yë jëtsy nyimääpëtëjkëty; ets ma ka'ap y'ëk'ijxkä'äkanëtë mëti'ipë ijxnajxtëpën ventanëjoty.

Isaías 59:1

Yë Wintsën yë myëk'ajtën ka'ap jëtu'un kyixy nyäxy tä oy tiijën ets ka'ap yajnitso'okëty, ka'ap nyatëty ets pën y'ëna'anëty ko ka'ap myëtoy.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Deuteronomio 34:7

Ko yë Moisés y'o'ky jä'ä ënety yë jyëmëjnë mëko'px ja i'px, ka'ap ojts nijëna'a yë y'ijxën myony ets nijëna'a ojts kyapëky kya'ixyë, tyim'o'ky jëtu'un.

1 Samuel 3:2

E tu'kxëëw tu'kjëmëjtëty ma ënety yë Eli tëë y'ijxën myoonën, jap ënety myä'äy ma ja tyëjkën.

1 Samuel 4:15

Eli jä'ä ënety ja jyëmëjnë majkta'px majkmokx tëkëëk ets ka'ap ënety y'ëk'ijxnë.