Génesis 48:1 - Biblia Dc en Mixe de Quetzaltepec

¹ Ko jëtu'un ja xëëw jëmëjt nyäjxy, ënät yë José ojts yajtuk'ëwaanë ko ënety jam ja tyeety pyëjkënë. Ënet ojts ja José ja tyeety ninëjkxy mëët nimäjtsk ja myaank, mëti'ipë xyëëwajtëpën Manasés ets Efraín.

Biblia Mixe de Quetzaltepec

¹ Ko jëtu'un ja xëëw jëmëjt nyäjxy, ënät yë José ojts yajtuk'ëwaanë ko ënäty jam ja tyeety pyëjkënë. Ënät ojts ja José ja tyeety ninëjkxy mëët nimäjtsk ja myaank, mëti'ipë xyëëwajtëpën Manasés ets Efraín.

Génesis 48:1 Iomraidhean Croise

Génesis 46:20

Yë y'u'unk y'ëna'k yë José mëti'ipë tyo'oxytyëjk Asenat yajmiin yajja'ajtën naaxwiiny jä'ä xyëëwajtë Manasés ets Efraín, jap ojts myintë naaxwiiny Egiptë. Yë Asenat yë'ë tyeety'ajt yë Potifera mëti'ipë ënety teety'ajtpën jap tyuny tsajptëkoty ma ja kajpn txëëwatyën On.

Génesis 48:2

Ko yë Jacob tnija'awëy ko tëë ja myaank José nyiminyë, ënät ojts oywyi'ix nyäpyutëkëty ets pyëti'ky jam myaapäjnkëjxm.

Génesis 48:5

E tyam ënät yë mmaank Efraín ets Manasés, mëti'ipë të myintën naaxwiiny yaa Egiptë, maas ënety ka'anëm nminyëm yaa ma mijts myajpaatyën, ëjts yë njä'ä'ajtëp. Jëtu'unës yë njawëtë tääjës njawëtën yë Rubén ets Simeón.

Génesis 50:23

ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënety y'u'unk'ajtypyën yë Manasés.

2 Reyes 13:14

Yë Elisejë mëk ënety jam pyëjkënë, tim ookanëp ënätynyë ko yë Joás, Israel yajkutujkpë ojts tninëjkxy; mëk tnijëëy tniyäxy ets tnimoony tnitujky, ko tyo'kmënäänajxy, tääts t'ënëmaay: Tatë, tatë, mijts jëtu'un mëj këjää yë naax kajpn të xypyutëkë; yë Israel kajpn, jëtu'un të mmëët'atyë tä maytsyiptuunpën.

2 Reyes 13:20

Ojts ja Elisejë y'o'knë ets tyajnaaxtëjkëtyë. E jä'ä ko winë jëmëjt ijty yë mä'tspë jam ëxëëk y'ëtë'ëtstë, mëti'ipë Moab ja'ayëtyën,

Job 42:16

Jä'ä ojts yë Job ok jyaakjuuky'äty; mëko'px ja wëxtyikxy jyëmëjt ets ko ojts y'o'knë tëë ënety yajxon myëjja'ayënë, ojts tjaak'ixy yë y'u'unk y'ëna'k, y'o'k u'unk y'ok'ëna'k ets ja y'u'unk y'ok.

Salmos 128:6

Nëjkxëp xy'ixy ja m'ok u'unk m'ok ëna'k. Wä'än tjam'aty ja jotkujk'ajtën ma Israel ja'ayëtyën.

Juan 11:3

Ënet ja Lázaro ja myëkä'äx nimäjtsk ojts tnikäxëtë ja Jesús: Wintsën, pëjkëp ja mmëku'uk mëti'ipë ni'ik mtsojkpyën.

Hebreos 11:21

Ko ja Jacob ënety y'ookanë, mëët ko myëpëjky ojts tukwinwanën ja näkyënu'kxën ja José ja y'u'unk y'ëna'k ets ja Dios tmëjja'aw tjaantyja'awëy je'eyë nyäkyëxmëtakë ma tyäjkyën.

Josue 14:4

Yë José yë y'u'unk y'ok mäjtskpëky ënety nyäwyä'kxyë, tu'kpëky mëti'ipë ja Manasés jyä'äy'äjtypyën ets tu'kpëky mëti'ipë ja Efraín jyä'äy'äjtypyën, e jä'äts ja Leví ja'ayëty ka'ap ojts nitu'knu'un yajmo'otë ja nyaaxëty; yi'iyë yajmooytyë ja kajpn ma tsyëënëtëtyën ets wäänë ja naax ma tyajtänëtyën ja jyëyujk tsyajpkaajëty.