Génesis 47:9 - Biblia Dc en Mixe de Quetzaltepec

⁹ Ënet yë Jacob y'ëtsooy: Ëjts mëko'px ja i'px majkës tyam yë njëmëjtnë maas jëtu'unyë naxy ntëkën xii yaa ets wäänës njawë të njuuky'äty, je'eyëp ko mëk oyës ka'apës yam jëtu'un oy ntimjyuuky'ätynyëm ijxtëm ojts ja n'ap n'okës jyuuky'atën.

Biblia Mixe de Quetzaltepec

⁹ Ënät yë Jacob y'ëtsooy: Ëjts mëko'px ja i'px majkës tyam yë njëmëjtnë maas jëtu'unyë naxy ntëkën xii yaa ets wäänës njawë të njuuky'äty, je'eyëp ko mëk oyës ka'apës yam jëtu'un oy ntimjyuuky'ätynyëm ijxtëm ojts ja n'ap n'okës jyuuky'atën.

Génesis 47:9 Iomraidhean Croise

Salmos 39:12

Wintsën, mëtoow'ijtkës yë ntsajpkäjpxy, ja'akyukë tiijës ko një'ëy nyä'äxy, këtii amonyë m'itëty maas një'ëy nyä'äxyën. Ëjts jëtu'unës nnäjyawëty tä jaaypyaat jaaypyo'kxyën ma mijtsën, tä yë joon kyääkjëtityën, tääjës yë n'ap n'okën.

Génesis 35:28

Jä'ä ënety yë Isaac yë jyëmëjt mëko'px ja majkta'px ko ojts y'o'knë.

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Job 14:1

Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Josue 24:29

Wäänë jyaak'ijty, tääts ojts yë Josué y'o'knë, Nun yë myaank, mëti'ipë tmëtunyën yë Wintsën; jä'ä ënety yë jyëmëjnë mëko'px ja majk ko ojts y'o'knë.

Deuteronomio 34:7

Ko yë Moisés y'o'ky jä'ä ënety yë jyëmëjnë mëko'px ja i'px, ka'ap ojts nijëna'a yë y'ijxën myony ets nijëna'a ojts kyapëky kya'ixyë, tyim'o'ky jëtu'un.

Éxodo 7:7

Moisés jä'ä ënety yë jyëmëjt majkta'px, e yë Aarón jä'ä yë jyëmëjt majkta'px tëkëëk ko më''ëka'any myëtyaktë mëët ja yajkutujkpë.

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Génesis 50:26

Ko ojts yë José y'o'knë, jä'ä ënety yë jyëmëjt mëko'px ja majk ets nyini'kx ojts yajtsooykyuutsy ets ojts yaj'apëkë kajoonjoty.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

Santiago 4:14

Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

Salmos 119:54

Maas ëjts jaaypyaat jaaypyo'kxy nyajpaatyën, yë m'ënä'ämën mtëyajtën yë'ëjës xëmë janty xoontä'äky xyaj'ijtp.

Salmos 119:19

Ëjts jaaypyaat jaaypyo'kxyënës yaa njuuky'äty naaxwiiny naaxkëjxy; këtiis xytyukwinkuyu'utsy yë m'ënä'ämën mtëyajtën.

Génesis 47:28

Jä'ä ojts yë Jacob jap jyaakjuuky'äty Egiptë majkmokx mäjtsk jëmëjt. Paaty ko ojts y'o'knë, jä'ä ënety yë jyëmëjt mëko'px ja wëxtyikxy wëxtujk.

Génesis 11:11

Ko yë Sem y'u'unk myääyëty myëxu'unk'ajtë, jä'ä ojts jyaakjuuky'äty mëkoxk mëko'px jëmëjt ets ojts tmëët'atë y'u'unkëty ye'etyëjkpë to'oxytyëjkpë.

Hebreos 13:14

Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

1 Crónicas 29:15

Mijts mwintuuy aak jaaypyo'kxyjyä'äy ëëts nyajpaatë, nnë'ëye'ey ntu'uye'eytyës, näjyëtu'un tä jyuukyajtën ëëts ja n'aptëjkëty nän timjëtu'un ëëts ja n'ap n'okëty y'ijtë, ëëts ja njuukyajtënëty yaa naaxwiiny naaxkëjxy jëtu'un ja je'eyë nyajxkojy tu'ktsojkyë tä tii y'a'äpkën tu'ktsojkyë ko xëëw'an nyäxy, tiis n'ëkjaaktimy'ëwxitëp.

Génesis 5:27

Paaty yë Matusalén jä'ä ojts kä'pxy jyuuky'äty taxtujk mëko'px ja tëkë'pxtaxtujk jëmëjt. Ets jää ojts y'o'knë.

2 Corintios 5:6

Paaty xëmë ntukjoot'amëj'ajtëmë. Nnija'awëm ko yaa njaakjuuky'ajtëmë mëët ja ni'kx'ajt nkopk'ajtëm, ka'anëm nja'ajtëm ma ja Wintsën y'ityën,

Génesis 47:8

e yë yajkutujkpë ojts yajtëyë: ¿Jënu'un mijts tyam yë mjëmëjtnë?

Salmos 39:13

Këtiis nëkoo xywyintë'kxy, yajpo'kxkës; maanëmës ka'ap n'ooky ntëkoynyëm.